Ncinzi Ncolyaamba Bbaibbele?
Ino Bwami bwa Leza Ninzi?
BANTU BAMWI BASYOMA KUTI caamba bulelo bwa Leza mumoyo wamuntu; bamwi bayeeya kuti ncintu cicitika akaambo kakusolekesya kwabantu kuleta luumuno alukamantano. Ino nywebo muyeeya buti?
BBAIBBELE NCOLYAAMBA
“Leza wakujulu uyoobikka bwami ibutakanyonyoonwi pe. . . . Buyoopwayaula akumanizya mami aaya [aabantu] oonse.” (Daniele 2:44) Bwami bwa Leza nimfwulumende iini-iini.
ACIMBI NCOTWIIYA KUZWA MU BBAIBBELE
Bwami bwa Leza bulalela kujulu. —Matayo 10:7; Luka 10:9.
Leza ubelesya Bwami oobu kuzuzikizya kuyanda kwakwe kujulu alimwi aanyika.—Matayo 6:10.
Ino Bwami bwa Leza buyooboola lili?
INO INGA MWAINGULA BUTI?
Kunyina uuzyi
Ino-ino
Tabukabooli
BBAIBBELE NCOLYAAMBA
“Makani mabotu aa Bwami aaya ayookambaukwa munyika yoonse kuti bukabe bumboni kumasi oonse, mpoonya mamanino ayoosika.” (Matayo 24:14) Kufwumbwa buyo kuti makani mabotu akambaukwa cakulomya, Bwami buyooboola kunyonyoona bweende bwazintu oobu bubyaabi.
ACIMBI NCOTWIIYA KUZWA MU BBAIBBELE
Anyika kunyina uuzyi ciindi cini Bwami bwa Leza nobuyooboola.—Matayo 24:36.
Businsimi bwamu Bbaibbele butondezya kuti Bwami buyooboola ino-ino.—Matayo 24:3, 7, 12.