Ncinzi Ncolyaamba Bbaibbele?
Sena kuli nokuyooba bululami bwini-bwini anyika?
Ino inga mwaingula buti?
Inzya
Peepe
Ambweni
Bbaibbele ncolyaamba
“Ndilizyi kuti Jehova ulabaiminina bantu bapengede akubabetekela cabululami bacete.” (Intembauzyo 140:12) Bwami bwa Leza buyooleta bululami bwini-bwini anyika.
Ncinzi cimbi ncotukonzya kwiiya kuzwa mu Bbaibbele?
Leza ulakubona kutalulama kucitika munyika mazuba aano, alimwi uyookugwisya. —Mukambausi 5:8.
Bululami ibuzwa kuli Leza buyooleta luumuno alimwi akuliiba munyika.—Isaya 32:16-18.
Sena kuli musyobo wabantu Leza ngwayanda kapati kwiinda umbi?
Bantu bamwi basyoma kuti Leza wakaulongezya naa kuusinganya musyobo umwi wabantu, mpoonya bamwi basyoma kuti Leza ubona kuti bantu boonse baleelene. Ino nywebo muyeeya buti?
Bbaibbele ncolyaamba
“Leza tasalululi, pele muzisi zyoonse kufwumbwa muntu uumuyoowa akucita ziluleme ulatambulwa kulinguwe.” (Milimo 10:34, 35) Kuli Leza, bantu boonse baleelene.
Ncinzi cimbi ncotukonzya kwiiya kuzwa mu Bbaibbele?
Bbaibbele lijisi “makani mabotu” “kumasi oonse, kumisyobo yoonse, kumilaka yoonse alimwi akubantu bamisyobo yoonse.”—Ciyubunuzyo 14:6.