Miswaangano Yamulimo ya September
Nsondo Iitalika mu September 2
Lwiimbo 13
12 min: Zyakwaambilizya zyambungano. Zyakwaambilizya Zisalidwe kuzwa mu Mulimo Wesu Wabwami. Alimwi amwaambe-ambe zili muli “Kamuzumanana Kuyaambele Muluzibo Lwini-Lwini,” akwaambisya mbucili cipati kujanika ku Ciiyo Cabbuku Cambungano lyoonse.
15 min: “Amweende Mulusyomo.” Kubuzya akwiingula.
18 min: “Kwaambilizya Makani Mabotu Cakusungwaala.” Amupe majwi aamatalikilo aajatikizya muncali wa 1. Ikuti mbungano kiicijisi mabbuku aa Moyo wa Banja, aaya eelede kusaanguna kubelesyegwa. Mpoona mumanizye buyo mincali ya 2-5 yacibalo eco. Amupe citondezyo calibambilwa kabotu icamilumbe iitondezya muntu mbwanga wakulwaizigwa kujana bbuku lya Kupona Kukabe Kutamani alimwi alya Moyo wa Banja, ambokunga kwapilukilwa, akutalika ciiyo mubbuku lya Luzibo.
Lwiimbo 26 amupailo wakujala.
Nsondo Iitalika mu September 9
Lwiimbo 15
12 min: Zyakwaambilizya zyambungano. Lipooti yaakkaunti. Amubandike “Amukambauke Bwami.”
18 min: Amulange-lange Lipooti Yamwaka Wamulimo wa 1996 yambungano. Makani aakulwaizya, apegwe cakusungwaala amulangizi wamulimo. (Amubone bbuku lya Uministala Wathu, mapeeji 100-2.) Amutondezye oomo muyakacita kabotu mbungano, akupa kulumbaizya. Amutondezye mbuli mulimo wabapainiya baciindi coonse abagwasyilizya mbuwakagwasya loko kutola mulimo ambele mumbungano eyo. Amubandauke myeelwe yabajanika kumiswaangano, akwaambisya ncocili cipati ikujanika lyoonse. Amwaambe cakukosaula-kosaula imakanze imbungano ngiikonzya kusoleka kukonzya mwaka uuboola.
15 min: “Kwaambilizya Makani Mabotu Cakusungwaala.” Amulange-lange mincali ya 6-8 yalo. Amube acitondezyo comwe naa zyobile zifwaafwi izitondezya mbuli nzila ezyo mbozinga zyabelesyegwa. Boonse amubakulwaizye kufwambaana kupilukila.
Lwiimbo 4 amupailo wakujala.
Nsondo Iitalika mu September 16
Lwiimbo 21
15 min: Zyakwaambilizya zyambungano. Amwaambe zintu zibotu zicitika muvidiyo iitegwa Jehovah’s Witnesses—The Organization Behind the Name niibelesyegwa kubazyibya mbunga eyi aabo ibakkomanina kasimpe. Amupe cakuluula comwe naa zyobile cakukosaula-kosaula kuzwa mu Ngazi Yamulindizi yamu Cingisi ya October 1, 1992, mapeeji 30-1.
15 min: “Amube Cikozyanyo Cibotu Kukwaambaula Akukulilemeka.” Kubuzya akwiingula.
15 min: Kulilemeka kwa Bunakristo kucikolo. Wisi ulaambaula amwanaakwe musankwa naa musimbi ikutondezya ziteyo zijanika mubukkale bwamuzikolo; waambisya kuti kulayandika kusala bakweenda limwi akutantamuka micito iitaluzi. Walanga-langa kabbokesi kali apeeji 24 mubroshuwa ya Lwiiyo akupandulula mbuli mbokuyandika kupa citondezyo cibotu noli Kamboni. Wisi ulabandauka masunko aanga abuka aajatikizya misamu ikola, kusyabana, zyakusekelela antoomwe, akutola lubazu muzisobano; balabandika mbuli mbwaatantamukwa mapenzi. Wisi wamukulwaizya mukubusi kuti kaangulukide kufwaambaana kumuzyibya ciindi najana buyumuyumu—ulayanda kuzyiba akugwasya.
Lwiimbo 3 amupailo wakujala.
Nsondo Iitalika mu September 23
Lwiimbo 16
10 min: Zyakwaambilizya zyambungano. Amubayeezye aabo bakonzya kusanga kumamagazini alimwi amabbuku aapegwa kubakwesu babulide. Amubandike “Sena Mulakonzya Kwiingula?”
15 min: Ziyandika mumbungano. Antela makani aajatikizya “Look Beyond the Things You See!” mu Ngazi Yamulindizi ya Cingisi ya February 15, 1996, mapeeji 27-9.
20 min: “Amukambauke Makani Mabotu Koonse-Koonse.” Kubuzya akwiingula. Amumanizye buyo mincali ya 1-15. Ibalwe mincali ya 3 alimwi a 5. Amubikkilizye azyakuluula zyamumbungano izyabaabo bakazwidilila mukupa bukamboni mumigwagwa nomuba muzyeendelo zyabuleya.
Lwiimbo 18 amupailo wakujala.
Nsondo Iitalika mu September 30
Lwiimbo 12
12 min: Zyakwaambilizya zyambungano. Amubandike Kabbokesi Kamubuzyo.
20 min: “Amukambauke Makani Mabotu Koonse-Koonse.” Kubuzya akwiingula. Amumanizye mincali ya 16-35. Amutondezye mbuli mbozinga zyabelesyegwa ambungano ezyo nzila izikulwaizigwa. Amupe citondezyo cijatikizya mincali ya 23-5. Ibalwe mincali ya 34-5.
13 min: Amulange-lange Mabbuku Aakumwaya mu October. Tuyoosoleka kumwaya kulembya kwamagazini ya Ngazi Yamulindizi alimwi a Galamukani! Amubandike twaambo twiindene-indene, mbuli tujatikizya: (1) Mulimo ngwaamwailwa mamagazini aya, mbuli mbuupandulwidwe mumapeeji akusaanguna. (2) Ikuti alamwaigwa mumilaka minji, kutegwa luzibo lwa Bbaibbele lumwaigwe nyika yoonse mbwiizulwa. (3) Ngazi Yamulindizi yakaanzilwa kwiiya kwamuntu mwini, kwamukwasyi, naa kwamunkamu. (4) Bantu banjila zikombelo ziindene-indene balaabala. (5) Swebo lwesu tuyootola mamagazini kumuntu uuli woonse uusinizizye kuyanda kwaabala mbwaazwida buyo. (6) Abambilidwe kapati bantu bajisi bubi. (7) Ngazi Yamulindizi yali kumwaigwa kuzwa mu 1879; yalo Galamukani! kuzwa mu 1919. Amumanizye akuluula majwi aakaamba sikubala uulumba.—Amubone Ngazi Yamulindizi mu Cingisi ya April 15, 1986, peeji 32.
Lwiimbo 22 amupailo wakujala.