Zyakwaambilizya
◼ Mabbuku aakumwaya mu January: Mulakonzya Kupana Kukabe Kutamani mu-Paradaiso Anyika. Imbungano izicijisi Ogwirizana m’Kulambiridwa kwa Mulungu Yekha Wowona antela Kupangitsa Moyo Wanu wa Banja Kukhala Wachimwewe zilakonzya kumwaya mabbuku aya amuulo waansi wa K700.00. Kuti mbungano kazitajisi mabbuku aya zilakonzya kwaaoda kuzwa ku Sosaiti kubelesya njiyonya Literature Request Form (S-AB-14) yalyoonse. February: Amubelesye kufwumbwa bbuku lyaciindi lyamapeeji aali 192 ndyomujisi mumbungano. March: Inzila Yakujana Lukkomano Lwamumukwasyi. April: Kukulwaizya kulembya kwa Ngazi Yamulindizi.
◼ Boonse basikumwaya babbapatizidwe ibayoobawo ku Muswaangano Wamulimo mukati kansondo ya January 6 bayoopegwa kkaadi ya Advance Medical Directive/Release alimwi a Identity Card yabana babo.
◼ Kutalikila mu February, alimwi kutaindilila mu March 2, imakani aabalangizi babbazu mapya aakubuleya aayoobelesyegwa ngakuti “Lwiiyo Amulubelesye Kutembaula Jehova.”
◼ Imbungano zyeelede kulibambila kabotu kuzoosekelela Ciibalusyo cakono mubuzuba bwa Nsondo mu March 23, kalibbide zuba. Nokuba kuti alo makani alakonzya kutalika kalitana bbila, zyalo zitondezyo tazyeelede kwiinzigwa mane lyamana kubbila zuba. Mukasinizye kuli bahaazibwene banyenzi ciindi cini-cini nolibbila kulindinywe. Mbokunga taaku muswaangano weelede kucita mubuzuba obo ccita welikke wamulimo wamumuunda, ceelede kulonzegwa Ciiyo ca Ngazi Yamulindizi kuti cikacitwe kuciindi cimbi. Balangizi babbazu bayooyandika kucinculula mulongo wamiswaangano yabo munsondo eyo kweelana ambozibede zintu oko. Nokuba kuti cilainda kubota kuti imwi aimwi mbungano ilisekelede Ciibalusyo yini, talili lyoonse eci nociyookonzeka. Ooko ikunga lyoonse mbungano zili mbozibede zibelesya Ŋanda yomwe ya Bwami, ambweni mbungano imwi naa zyobile zilakonzya kulomba busena bumbi bwakubelesya mangolezya ayo. Iciibalusyo taceelede kumuka kutalika cakuti limwi bantu baya ibayaabutalika kuyanda cabakatazya kujanikawo. Alimwi bubambe tabweelede kucitwa munzila yakuti kwabula aciindi cakwaanzya beenzu kuutana alimwi awamana muswaangano, icakumvwana kuti mukazumanane kupa lugwasyo lwakumuuya kubayanda, naa icakukulwaizyanya muli cenu. Bamana kulanga-langa zintu zyoonse, ibaalu beelede kusala bubambe ibuyooinda kugwasya baabo bayoojanika ku Ciibalusyo kutegwa bajane mpindu iizwide kuzwa muciyanza ciya.
◼ Makani aalubazu aakubuleya aakuciindi ca Ciibalusyo ca 1997 ayoopegwa mubuzuba bwa Nsondo mu April 6. Kuyoopegwa outline. Imbungano ezyo izinoolaa mulangizi wabbazu, naa muswaangano wabbazu, naa muswaangano wabuzuba bwaalubazu kumamanino aansondo eyo, ziyooba amakani aalubazu aya nsondo iitobela. Kunyina mbungano yeelede kumvwa makani aya kabutanasika buzuba bwamu April 6.
◼ Kabunga kabaalu keelede kuziba kuti kucinca ooku kuleelede kucitwa ciindi mbungano niijanika kumiswaangano mipati minyenzi: Munsondo iicitwa muswaangano wabuzuba bwaalubazu oko nkwiibambilidwe, imbungano yeelede kwiicita miswaangano yayo yoonse yansondo ansondo, kugwisya buyo Muswaangano Wakubuleya alimwi a Ciiyo ca Ngazi Yamulindizi. Iciindi mbungano niibambilidwe kuyoojanika kumuswaangano wabbazu, yeelede kucisotoka acalo Cikolo Camulimo Wateokrasi alimwi a Muswaangano Wamulimo; welikke muswaangano munyenzi uuyoocitwa ngwa Ciiyo Cabbuku Cambungano munsondo eyo.
◼ Kwakajulwa kaanda kamabbuku lino kuopesi lyamutabi wa Sosaiti lyaciindi ku Northumberland Avenue mu Kitwe. Kalabeleka mafwumofwumo mu Muhhulo, muli Bwatatu alimwi amu Mujibelo mwalo. Mwalombwa mutabooli kuciindi cimbi kuzoogwasyigwa nkaambo kunoonyina muntu wakumugwasya pe. Twasyoma oobu bubambe bupya buyoogwasya bakwesu baku Migodi alimwi abambi banga bainda mu Kitwe ciindaa ciindi. Bapainiya bayooyandika kuti batondezye kkaadi yabo kutegwa bajane mabbuku alimwi amamagazini amyuulo yabupainiya.
◼ Lyoonse kulacitwa bubambe bwakuti baalu baswaangane abapainiya baciindi coonse mu December. Ooyu muswaangano cini-cini ncuubambilidwe nkukulwaizya bapainiya mumulimo wabo. Sena muswaangano oyu wakacitwa kale mumbungano yenu? Ikuti naa pe, mwalombwa mulibambile kuucita muswaangano oyu, mwamuka kale amwezi omwe.
◼ Mabbuku Aaliwo:
Olinganizidwa Kutsiriza Uministala Wahtu—Chichewa
Amwiimbile Jehova Ntembauzyo (nsaizi syoonto)—Chingisi
Trakiti No. 22—Cibemba, Chingisi