Miswaangano Yamulimo ya January
Nsondo Iitalika mu January 6
Lwiimbo 3
10 min: Zyakwaambilizya zyambungano. Zyakwaambilizya Zisalidwe kuzwa mu Mulimo Wesu Wabwami. Amubandike lipooti yamulimo ya September ya cisi alimwi aya mbungano yanu.
20 min: Nciindi ca Kubweza mpya Advance Medical Directive/Release Card. Mwaalu weelede ulabandika mbocili cintu cipati ikumaninizya kwiilemba kkaadi akuba anjiyo ciindi coonse. Eeli pepa lilamwaambilila kuti kamutakonzi kulyaambilila nomucisidwe kapati. (Amweezyanye a Tusimpi 22:3.) Kweelede kulembwa kkaadi mpya mwakaa mwaka kutegwa kutondezegwe ciimo cenu calino kumakani aakukaka bulowa, nkaambo bamwi bamadokotela alimwi abantu bambi bataminina kuti mapepa aainzizye mwaka omwe alakonzya kaatacitondezyi nzyasyoma lino muntu. Wamana muswaangano, boonse basikumwaya babbapatizidwe balapegwa kkaadi ya Advance Medical Directive/Release, alimwi aabo balaa bana batabbapatizidwe bayootambula Identity Card yamwana omwe-omwe. Amupandulule kuti aya makkaadi taali akulemba sunu. Eelede kuyoolembelwa kumunzi kabotu-kabotu, pele atakasainwi PE. Kusaina, kucita bumboni, kubikka deeti kuyoocitilwa ku Ciiyo Cabbuku Cambungano, oko nkwayoozyeendelezya zintu mweendelezi waciiyo cabbuku. Uyoolingula kubona naa boonse ibabalilwa munkamu yakwe batambula kkaadi alimwi alugwasyo ndobayadika. Aabo basaina kuti mbaakamboni beelede kulibonena buya nasaina pepa elyo mukamwini kkaadi. Kufwumbwa batawo kuciindeeco bayoogwasigwa amweendelezi naa abaalu ku Muswaangano Wamulimo uutobela kusikila mane boonse basikumwaya babbapatizidwe bakabe amakkaadi aalembedwe kabotu alimwi aasainidwe. (Amwiindulule kubandika lugwalo lwa November 16, 1992.) Basikumwaya batabbapatizidwe, kuti bayanda inga balilembela malailile abo beni alimwi abana babo kwiinda mukulembulula zilembedwe akkaadi eyi kweendelana aciimo cabo ambobasyoma. Kubelesya busongo mukulangaya zintu ezi zitasyaali kuletela zileleko kuzwa kuli Jehova.—Tus. 16:20.
15 min: “Tuleelede Alimwi Tulilibambide Kuyiisya Bambi.” (Mincali 1-6) Amupandulule mubufwaafwi mincali 1-2, kamusimpya kwaamba mbuli mbokuyandika kuti swebo katusyoma kuti mulugwasyo lwa Jehova tulakonzya kuyiisya bambi. Amwiite basikumwaya abasiŋanda bobile-bobile, batondezye mbozibelesyegwa nzila zili mumincali 3-6, abamwi kabatondezya mbokuswaigwa mulweendo lwakusaanguna alimwi amulweendo lwakupilukila.
Lwiimbo 22 amupailo wakujala.
Nsondo Iitalika mu January 13
Lwiimbo 23
15 min: Zyakwaambilizya zyambungano. Lipooti yaakkaunti. Amuzubaule-zubaule twaambo tumwi tunga twabandikwa mumamagazini mapya. Amukulwaizye nzila zimwi zyambuli mbotunga twasikila bantu kutegwa tubakambaukile mukwiizya. Amulombe baswiilizi kuti baluule majwi aakutalisya mubandi ngobakabelesya nobakali kwaambaula abambi mumantoolo, mumigwagwa, alimwi amumapaaki, muzyeendelo zyabuleya, amumwi-mumwi.
15 min: “Tuleelede Alimwi Tulilibambide Kuyiisya Bambi.” (Mincali 7-9) Amwaambe ziluulwa mu 1995 Yearbook, apeeji 45, izyakatondezya loko mbocili cintu cipati ikugwasilizya baabo bayanda ibakajanika. Amwiite sikumwaya uuzibide atondezye mbozibelesyegwa nzila zili mumincali 7-8. Nokuba kuti kulakonzya kuti kwakasaangunidwe kusolekwa kusiya limbi bbuku, ncotweelede kusoleka ncakuti muya ciindi tukeendelezye ciiyo mubbuku lya Luzibo. Amubakulwaizye boonse kuti balibambile ciindi cakucita nyendo zyakupilukila munsondo eeyi iboola.
15 min: Ncinzi Ciyandika Kutegwa Kutalikwe Ciiyo ca Bbaibbele? Imwaalu abandike abeendelezi ba Ciiyo Cabbuku Cambungano bobile naa botatwe bayindulule nzila zyikonzya kuzwidilila kutalisya ziiyo zya Bbaibbele: (1) Amupailile lugwasyo lwa Jehova. (2) Amutole lubazu ciindi coonse mumulimo wa kuŋanda aŋanda kujana bayanda kwiiya. (3) Amubalembe boonse batondezya luyandisisyo akubamba nyendo zyakupilukila kufwaambana. (4) Lyoonse kamusoleka kutalisya ciiyo kuti kwalibonya kuyanda. (Amubone mutwe musyoonto wakuti “Kuyambitsa Maphunziro a Baibulo” apeeji 20 ya Ngazi Yamulindizi mu Chichewa ya February 15, 1996.) (5) Amuyake lusyomo mukuti nywebo mulakonzya kuyiisya kwiinda mukubelesya mizeezo yone iipandulwidwe amapeeji 13-17 mu Ngazi Yamulindizi mu Cingisi ya January 15, 1985.
Lwiimbo 2 amupailo wakujala.
Nsondo Iitalika mu January 20
Lwiimbo 4
10 min: Zyakwaambilizya zyambungano.
15 min: “Bantu Boonse Bayoofutulwa.” Kubuzya akwiingula. Amulombe baswiilizi baluule cakukosaula-kosaula mbuli mbobakakonzya kutambulwa kabotu abantu bazwa mubukkale bwiindene-indene.
20 min: Kupa Bumboni Kwiinda Mukulilemeka Kabotu. Mubandi uukasaala akati ka mwaalu abakubusi bobile naa botatwe. Oyu mubandi ujatikizya makani aamu Ngazi Yamulindizi ya August 15, 1987, mapeeji 10-20 mu Cingisi. Mubikkilizye ziluulwa zilembedwe alimwi azinyenzi izitondezya mbuli bantu beebelela mbobalamwa kubona kulilemeka kubotu kwabakubusi Banakristo.
Lwiimbo 5 amupailo wakujala.
Nsondo Iitalika mu January 27
Lwiimbo 25
5 min: Zyakwaambilizya zyambungano.
10 min: Mulembi alange-lange Kabbokesi Kamubuzyo.
15 min: ‘Tulakambauka Makani.’ Kubuzya akwiingula. Amubikkilizye atwaambo tumwi tutondezya ncotulilemekela kapati Jwi lya Leza.—Amubone Awake! yamu Chingisi ya January 8, 1985, mapeeji 29-32.
15 min: Amulange-lange Mabbuku Aakumwaya mu February. Amutondezye mbazu zyabbuku izibotelezya, mbuli: (1) Mitwe yazibalo iilamya, (2) zifwanikiso zizwide bupanduluzi amibala, (3) tubbokesi twakuyiisya amaccaati, alimwi (4) amibuzyo isimbidwe iipa kuyeeya. Kweelana acibeela camuswaangano eci cainda, amukulwaizye kubelesya magwalo aasalidwe kabotu nokubelesegwa nzila ezi. Akucitwe zitondezyo munzila yomwe naa zyobile. Amubayeezye boonse kuti babweze mabbuku aakubelesya nsondo ino.
Lwiimbo 21 amupailo wakujala.