Zyakwaambilizya

◼ Mabbuku aakumwaya mu March: Inzila Yakujana Lukkomano Mumukwasyi. April and May: Kukulwaizya kulembya kwa Ngazi Yamulindizi. June: Luzibo Lutola Kubuumi Butamani. Amubikkile kapati maanu kukutalisya ziiyo zya Bbaibbele zyaamunzi.

◼ Mulangizi weendelezya antela umbi muntu walo ngwapede mukuli oyo weelede kulingula akkaunti yambungano mu March 1 antela kufwumbwa buyo cakonzyeka kuzwa abuzuba obo. Amukaambilizye eci caakumana kucitika.

◼ Imakani aalubazu aakubuleya aaciindi ca Ciibalusyo kono ayoopegwa mubuzuba bwa Nsondo, bwa April 6. Makani alaa mutwe wakuti “Amuzumanane Kusalala Kubusofwaazi Bwanyika.” Toonse tweelede kujanikako, alimwi tweelede kugwasya bayandide ibakaboolede ku Ciibalusyo kuti bakajanike akwalo kumakani aaya. Eco ncotuyoomvwa ncobeni ciyootukulwaizya kuzumanana amakanze esu aakukkomanisya Leza.

◼ Kutalikila munsondo ya January 13, 1997 kusikila mu November 3, 1997, ibbuku litegwa Ibbuku Lyangu Lyamakani Aa-Bbaibbele lilayiigwa ambungano zibelesya Chitonga kumuswaangano wa Ciiyo Cabbuku Cambungano. Mubbuku eeli mwiina mibuzyo pe, kuyooyandika kuti beendelezi baziiyo babambe mibuzyo kakucili ciindi kuti cisike ciiyo cansondo eyo. Ibbuku eli talijisi manamba aamapeeji, aboobo mulongo waziiyo uumwaigwa kwiinda mu Mulimo Wesu Wabwami uyootondezya makani aakwiiya, kanjikanji obile naa otatwe insondo ansondo. Amana buyo kubala cibalo coonse imukwesu uuyelede, imweendelezi waciiyo uyoobuzya mibuzyo eyo njaalibambila kale. Ibwiinguzi bufwaafwi ibugaminide bweelede kabujatikizya twaambo ituli muciiyo. Kuti ciindi kacizumizya, oonse magwalo aambidwe kumamanino aacibalo eelede kubalwa.

◼ Mucilawo cili coonse cikkedwe bantu, muziindi-ziindi mukati kamwaka, kulaba mazuba aakulyookezya lyalo bana nobasungulwa kucikolo anokupegwa ciindi cakutaunka kumilimo. Aaya mazuba alapa kapati ciindi cakuti mbungano ziyungizye kutola lubazu mumulimo wamumuunda. Ibaalu beelede kulangilila kuti naa ziindi zili boobu zilasika lili akuzibya mbungano kakucili ciindi ibubambe bucitwa bwakuti kukabe kukambauka kwamunkamu muciindi eco.

◼ Mamagazini/mabbuku aababulide alembedwe boobu akapepa kakkeyala: NE, mbuli 20CG 2CGNE. Eeci caamba kuti aayo aa 2CGNE mmamagazini aaodelwa babulide, aa 20CG ngabasikumwaya ibaoda. Nciconya citondezyo ca NE ncecibeleka akumabbuku.

◼ Mabbuku Aaliwo:

Luzibo Lutola Kubuumi Butamani—Chichewa, Silozi

1997 Yearbook of Jehovah’s Witnesses—Chingisi