Ku North America Nkokuyoobeda Miswaangano Mipati ya Masi Aandeenye mu 1998
Mbubonya mbuli mbokwakaambilizigwa mu Mujibelo mu October 5, 1996 kumuswaangano wamwaka amwaka waba Watch Tower Bible and Tract Society of Pennsylvania, Mbunga Yeendelezya ikanza kucita miswaangano yamasi aandeenye mukati kamwaka wa 1998. Kunze lya miswaangano yacooko yalyoonse, miswaangano yamasi aandeenye iilimbwiibede iyoocitwa mu North America, Africa, Asia, Europe, Latin America, kulubazu lwaku Caribbean, alimwi aku South Pacific.
Bunji bwa miswaangano mipati eyi yaalubazu iyoocitilwa ku North America elyo basimuswaangano kuzwa mumasi aamunyika bayootambwa. Alimwi tulakonzya kulangila kuba aba misyinali kumiswaangano eyi yamasi aandeenye. Bamishinali alimwi abambi batalezyi myaka yotatwe mumulimo waalubazu mumasi aatali akwabo, alimwi ibeelela bayootambwa kuyoojanika kuli umwi wamiswaangano eyi kucisi cabo naa aafwaafwi akwabo nkobazwa.
Makani aambi aajatikizya mazuba, masena, iziyandika kuli basimuswaangano, bubambe bwabasimuswaangano bwazwa kumasi aambi alimwi amakani aambi ayootobela aakale. Basimuswaangano basyoonto buyo mbobayoopegwa coolwe kuzwa mu United States kuti bakajanike kumiswaangano eyi yamumasi aandeenye kuzisi zimbi. Aabo basikumwaya ibayeeya kuti inga balembela kutegwa bakasalwe kumiswaangano eyi balakonzya kutalika kuyobola mali lino asyoonto-syoonto kumwi kabalangila zintu ezi zyaalubazu. Ibamutabi bayoozibya mbungano kudolopo lyamuswaangano oko kwalo basikumwaya nkobayootambwa. Bayoozibya madeeti alimwi abubambe buli mukucitilwa basimuswaangano basalidwe.