Miswaangano Yamulimo ya April
Nsondo Iitalika mu April 7
Lwiimbo 26
12 min: Zyakwaambilizya zyambungano. Amubale Zyakwaambilizya zisalidwe kuzwa mu Mulimo Wesu Wabwami ikuleka buyo zyeezyo zigama bantu bamwi, mbuli mulangizi weendelezya. Amwaambe twaambo twakubandika ituli mumamagazini mapya.
15 min: “Makamu-Makamu Ali Mukuyungizigwa.” Kubuzya akwiingula. Amwiindulule mizeezo mipati-pati yakabandikwa mu Ngazi Yamulindizi ya August 15, 1993, ya Chichewa mapeeji 12-17.
18 min: “Amubagwasye Ibatezi Kutegwa Basongwaale.” Kubuzya akwiingula. Amwiindulule zijanika mu broshuwa ya Ncayanda: inzila yakwiiya nguba-uba, mibuzyo yeelede, izifwanikiso zibotu, Magwalo manji aakulanga-langa. Amwaambisye makanze aakutalika ziiyo izinga zyasololela kukwiiya bbuku lya Luzibo. Amwiite sikumwaya uuzibide kuti atondezye mbokutalikwa ciiyo kubelesya nzila iitondezyedwe mumuncali wa 4. Amukulwaizye bazyali boonse mumbungano ikwiiya broshuwa eyi abana babo.
Lwiimbo 22 amupailo wakujala.
Nsondo Iitalika mu April 14
Lwiimbo 23
10 min: Zyakwaambilizya zyambungano. Lipooti yaakkaunti. Kuti ciindi kacizumizya, amuluule cakukosaula-kosaula zyakacitika mumuunda kujatikizya kumwaya broshuwa ya Ncayanda naa kutalika ziiyo zya Bbaibbele kubelesya njiyo.
15 min: “Kusololela Basikwiiya ku Mbunga Ilaa Zina Lyesu.” (Mincali 1-6) Kubuzya akwiingula. Amubale mincali 5 a 6 antoomwe a magwalo aambidwe buyo. Amuluule zyakacitika kubusena bwenu kujatikizya mbobakalimvwa basikwiiya Bbaibbele nobakabona vidiyo ya Jehovah’s Witnesses—The Organization Behind the Name.
20 min: “Amuyiisye Bamwi Nzyayanda Leza.” Kubandika abaswiilizi mincali 1-4. Amwiite bazitondezyo mumuncali wa 5 kubelesya nzila zyone zyaandeene—mumugwagwa, aŋanda, kubusena bwamakwebo alimwi amupaaki. Amubayeezye boonse kuti balijanine mamagazini alimwi amabroshuwa aakubelesya mumulimo wamumuunda kabatanazwa a Ŋanda ya Bwami sunu.
Lwiimbo 3 amupailo wakujala.
Nsondo Iitalika mu April 21
Lwiimbo 12
15 min: Zyakwaambilizya zyambungano. Amupandulule kuti takunaba kumuka ikutola foomu ya bupainiya bwakugwasilizya mu May. Amulange-lange Kabbokesi Kamubuzyo alimwi amuzibye mbungano kuti naa kuli mabbuku aayandika kuzulizya laibbulali yamu Ŋanda ya Bwami. Amubayeezye boonse kuti bakaletelezye pepa lyamukati lya Mulimo Wesu Wabwami wa March 1997 ku Muswaangano wa Mulimo nsondo iiboola. Amwaambe bubambe bwamulimo wamumuunda mubuzuba bwakulyookezya bwa May 1.
15 min: “Kusololela Basikwiiya ku Mbunga Ilaa Zina Lyesu.” (Mincali 7-14) Kubuzya akwiingula. Amwiite umwi uucibwene kukuyiisya atondezye mboucitwa mubandi cakulimvwa kwaanguluka a sikwiiya kujatikizya mbokuyandika kujanika kumiswaangano.
15 min: Kulembya Ngazi Yamulindizi. Mulangizi wa mulimo abandike abaswiilizi mbokuyandika kulembya Ngazi Yamulindizi kuli baabo boonse banga baakuyanda buumi munyika mpya ya Jehova. Ikuti naa tatubwezi makkopi eesu kuzwa kuoda yambungano, tulakonzya kubelesya yeeyo njotwakalembya ikutondezya mbokulombwa muntu kuti alembye. Umwi mukwesu wakalemba kuzwa ku Cooko ca Kujwe cacisi ca Zambia ategwa: “Ikuzwa mu 1994 ciindi mebo amukwasyi wangu notwakalembya Awake! a Ngazi Yamulindizi, kunyina notwakaindwa kkopi niiba yomwe nokuba kuti tukkala muminzi; lyoonse alasika muciindi. Tulapa bumboni bwakuti ncobeni muli ‘muzike musyomesi’ waambwa kuli Matayo 24:45-47 walo uupa zyakulya zyakumuuya aciindi ceelede.” Aboobo ciindi notutondezya kulumba swebo akaambo kakumunikilwa kwakumuuya nkotwatambula, cakusungwaala tulakonzya kukulwaizya bantu bambi kulembya Ngazi Yamulindizi. Amucite kuti muntu ayande kuswiilila kwiinda mukwaamba kuti Leza uyooleta luumuno lino-lino. Ibbuku lya Intembauzyo 72:7 lilakonzya kubelesyegwa kutondezya kuti Jwi lya Leza lisyomezya luumuno. Aabo bayanda luumuno bayookulwaizigwa kwiinda mukubona cisyomezyo cili ku Intembauzyo 37:10, 11 caamba kuti luumuno lwini-lwini luyoboola lino-lino. Amwiite abambi balaatondezye mbokumwaigwa mamagazini naa broshuwa kumuntu watazumina kulembya. Amubelesye myeelwe eyi iitobela kutegwa musalazye kaambo kakulembya: Ikusika mu March 1, 1997, bakalembya Awake! mu Chichewa, Cibemba alimwi a Cingisi bakasika ku 2,432, kakuli Ngazi Yamulindizi bakasika ku 14,325 mumilaka yoonse iili cisambomwi iibelesyegwa mucisi.
Lwiimbo 4 amupailo wakujala.
Nsondo Iitalika mu April 28
Lwiimbo 5
15 min: Zyakwaambilizya zyambungano. Amubayeezye boonse kutola malipooti abo aamulimo wamumuunda aa April. Amwaambilizye mazina abaabo bayoocita bupainiya bwakugwasilizya mu May. Amwaambe bubambe bumbi bwamiswaangano yamulimo ibucitwa. Mu May kweelede kusolekwa kapati ikupilukila mwakasiigwa broshuwa katukanzide kutalika ziiyo. Cakukosaula-kosaula amutondezye nzila mbotunga twabuzya zina cabucenjezu alimwi akkeyala yabantu mbetukambaukila mukwiizya. Mulakonzya kusaanguna kwaamba zina lyenu alimwi akkeyala akubuzya naa balijisi namba ya luwayile nkomunga mwabatumina. Amubuzye baswiilizi kuti abalo baambe nzila zyababelekela.
15 min: “Nkaambo nzi Ncobaucita?” Mwaalu abandike cibalo eci abapainiya bobile naa botatwe. (Ikuti kakunyina amubelesye baabo balaakucita bupainiya bwakugwasilizya ciindi aciindi.) Amubikkilizye atwaambo kuzwa mu Ngazi Yamulindizi ya January 15, 1994 yamu Chichewa cibalo camutwe wakuti “Apainiya Amapereka ndi Kulandila Madalitso.” Aumwi apandulule camupa kuti atalike mulimo wabupainiya. Amubalombe baambe zyabacitikila ikutondezya kuti balongezyegwa akaambo kakucita boobo.
15 min: “Sena Tuleelede Kubikkila Maanu Kubulondo?” (Ipepa lyamukati lya Mulimo Wesu Wabwami wa March 1997) Kubuzya akwiingula mincali 12-17 ayendelezyegwe amulembi.
Lwiimbo 25 amupailo wakujala.