Miswaangano Yamulimo ya October
Nsondo Iitalika mu October 6
Lwiimbo 8
10 min: Zyakwaambilizya zyambungano. Zyakwaambilizya Zisalidwe kuzwa mu Mulimo Wesu Wabwami. Amupandulule bubambe bwakulembya kweelana abwaamba Mulimo Wesu Wabwami wamu February 1996, apeeji 3.
15 min: “Mwati Kuli Nobayooyandana Buya Bantu Boonse?” Kubuzya akwiingula. Amubandike makani aamu Makani aa Bwami No. 35. Amwaambe twaambo bantu bamucilawo ncobayoogwasigwa amakani aya. Amusimpye kwaamba kuti kulayandika kulibambilila limwi lino kutegwa mukatole lubazu luzwide mukumwaya kwamakani aya alimwi akusoleka canguzu kupilukila kuli baabo bakatondezya luyandisisyo.
20 min: “Makani aa Bwami No. 35 Amwaamwaye Kapati.” Makani aantalisyo aabandikwa amulangizi wamulimo. Mincali 5 kusikila ku 8 yeelede kuba yamibuzyo akwiingula. Amubandike bubambe bwacitwa ambungano bwakuyungizya mulimo. Amubandike nzila zyakubona kuti coonse cilawo cakukambaukila cabelekwa. Makani aa Bwami No. 35 alakonzya abelesegwa abasikumwaya ciindi nobapa bukamboni kubantu mumasena mulindililwa mabbaasi, mumasena aamakwebo, musiilwa myootokala, alimwi amumasena buyo aambi. Amubandike mizeezo yakugwasya bapya ibayanda kutalika mulimo wakukambauka. Amubikkilizye amakani kuzwa mupepa lyamukati lya Mulimo Wesu Wabwami wa April 1995, muncali 11. Mumasena amwi inga cagwasya kubeleka nyolikke, kamutajisi cibbeeke ciindi nomumwaya Makani aa Bwami. Akube azitondezyo zitola ciindi cifwaafwi zyobile naa zyotatwe.
Lwiimbo 3 amupailo wakujala.
Nsondo Iitalika mu October 13
Lwiimbo 15
15 min: Zyakwaambilizya zyambungano. Lipooti yamaakkaunti. Amwaambe naa kuli bubambe bucitidwe bwakuya mumulimo wamumuunda mu October 24. Amubandike twaambo ntomunga mwabelesya mumuunda tuzwa mumamagazini mapya aa Ngazi Yamulindizi alimwi a Awake! Amubayeezye boonse kuti mubukambausi bwakumamanino aansondo, tunookulwaizya bantu kulembya mamagazini alimwi tunoomwaya Makani aa Bwami No. 35. Tweelede kupilukila moonse mobakatondezya luyandisisyo. Amubayeezye bakwesu kuletelela abroshuwa itegwa A Book for All People nsondo itobela.
15 min: Ziyandika zyambungano.
15 min: “Nywebo Muleelede Kuba Bantu Bali Buti?” Kubuzya akwiingula.
Lwiimbo 22 amupailo wakujala.
Nsondo Iitalika mu October 20
Lwiimbo 21
15 min: Zyakwaambilizya zyambungano. Amubandike makani aamu Yearbook yamu 1996, mapeeji 6-8, aakuti “Kumwaya Makani aa Bwami Nyika Yoonse Mboizulwa.” Amutondezye omwe-omwe sikumwaya mbwaakasola mumulimo wakumwaya Makani aa Bwami. Amubakulwaizye boonse kutola lubazu mukumwaya Makani aa Bwami No. 35.
15 min: Mubandi wabroshuwa yakuti, A Book for All People. Kubandika abaswiilizi twaambo Bbaibbele ncotuyandika kulibala. Eeyi broshuwa yakabambilwa kugwasya bantu ibanga baliyiide kabotu pesi tabalizi kabotu Bbaibbele. Muciindi cakusola kusinizya kulimbabo kuti Bbaibbele lyakazwa kuli Leza, ibroshuwa eli libagwasya kulibonena beni masimpe aandilyo. Tweelede kulibala broshuwa eli alimwi akulibandika abantu, kubikkilizya abaabo mbotuyiisya.
15 min: “Sena Muli Bakamboni Baciindi Coonse?” Makani abandikwe amwaalu.
Lwiimbo 18 amupailo wakujala.
Nsondo Iitalika mu October 27
Lwiimbo 4
12 min: Zyakwaambilizya zyambungano. Amubandike kumwaya kwa Makani aa Bwami No. 35 mbokuli mukuya ambele. Amulombe baswiilizi baluule nzyobakajana mumulimo wamumuunda zikulwaizya. Amupe lipooti yacilawo cabelekwa kale alimwi acinga cayandika kutegwa cilawo coonse cibelekwe kusikila mu November 16. Mbocitibelekelwe buyo coonse cilawo, tuyoomwaya bbuku lya Luzibo mumazuba aacaala kuti mwezi umane. Amwaambe kapati aambaakani yakutalika ziiyo ciindi cakupilukila kubantu ooko kwakajanwa luyandisisyo lwa Makani aa Bwami.
15 min: Lyoonse Kamubikka Mikuli Yenu Mumaanzaa Jehova. Makani aabandikwa amwaalu kuzwa mu Ngazi Yamulindizi ya May 1, 1996, amapeeji 28-31.
18 min: Mumuni Wanu Umunike. Makani aakubandika aajatikizya bbuku lyakuti Uminisitala Wathu, amapeeji 84-8. Amusale basikumwaya alimwi akubaambilila limwi kulibambila kwiingula mibuzyo yakuti: (1) Nkaambo nzi Bakamboni ba Jehova ncobakambauka kuŋanda aŋanda? (2) Ino nzila eyi yakabelesegwa kapati buti mumwaanda wamyaka wakusaanguna? (3) Nkaambo nzi sunu ncokuyandika kujatisya kuzumanana kukambauka kuŋanda aŋanda? (4) Nzintu nzi zinga zyapa kuti cituyumine kutola lubazu lyoonse? (5) Mbuti mbotunga twajana lugwasyo lwakuti tuyume? (6) Ino tulelekwa buti kwiinda mukucita kuti mumuni wesu umunike? (7) Ncinzi ncotunga twacita kutegwa tuzwidilile mukusikila bantu? Amupe citondezyo kwiinda mukulomba basikumwaya botatwe naa bone kuti baluule nzyobakajana izikulwaizya nobakali kubeleka mumulimo wabukambausi wamukantoolo akantoolo naa bukamboni bwamumugwagwa.
Lwiimbo 16 amupailo wakujala.