Miswaangano Yamulimo ya November
Nsondo Iitalika mu November 3
Lwiimbo 6
10 min: Zyakwaambilizya zyambungano. Zyakwaambilizya Zisalidwe kuzwa mu Mulimo Wesu Wabwami. “Mulumbe Mubotu Uujatikizya Internet.” Amubandike lipooti yamulimo wamumuunda yamu July yacisi alimwi ayambungano.
15 min: “Mulyango Mupati Wakucita Milimo Mibotu Ulijaludwe.” Makani apegwe a mwaalu, akutola lubazu kwabasikuswiilizya. Amubakulwaizye boonse bakonzya kuti babeleke kapati mumulimo wakukambauka kwiinda lyoonse. Amujatikizye amalailile amwi aakapegwa mu Ngazi Yamulindizi, ya Chichewa ya August 15, 1988 apeeji 22.
20 min: “Amupilukile Kuli Baabo Bakatondezya Luyando mu Makani aa Bwami.” Kubuzya akwiingula. Amucite zitondezyo mumuncali wa 6. Mucitondezyo comwe, amutondezye ciiyo ca Bbaibbele cili mukutalisigwa.
Lwiimbo 23 amupailo wakujala.
Nsondo Iitalika mu November 10
Lwiimbo 7
10 min: Zyakwaambilizya zyambungano. Lipooti ya maakkaunti. Amuzibye mbungano zyacilawo citanakusikwa a Makani aa Bwami No. 35. Amubakulwaizye boonse kuzuunyana munsondo ino yamamanino yakwaambilizya kwaalubazu.
15 min: Ziyandika zyambungano.
20 min: “Amubasikile Baalumi naa Bakaintu Batali Bakamboni.” Mubandi akati kabaalu bobile ibayandisisya kubaziba kabotu baalumi naa bakaintu ibatali Bakamboni. Alimwi babandika malailile aakapegwa mu Ngazi Yamulindizi ya Chichewa ya May 15, 1989 mapeeji 17-18, mincali 6-9. Amubikkilizye azyakacitika zizwa mu Ngazi Yamulindizi ya Chichewa ya October 1, 1995, mapeeji 10-11, mincali 11-12.
Lwiimbo 16 amupailo wakujala.
Nsondo Iitalika mu November 17
Lwiimbo 8
10 min: Zyakwaambilizya zyambungano. Amubandauke bubambe bwamulimo wamumuunda bwamumvwiki eeyo. Amukanane zicitikide ooko nkomuzwa zijatikizya kumwaigwa kwa Makani aa Bwami No. 35.
20 min: “Kamulubambide Lusyomo Lwenu Kusikila Kumamanino” Imakani aazwa mu Ngazi Yamulindizi ya May 1, 1996, mapeeji 21-4.
15 min: “Ino Ndiyakwaamba Nzi?” Amubandike abaswiilizi. Amuubale muncali wakusaanguna apeeji 8 mubbuku lya Kukambitsirana, mupandulule ibbuku eli mbolibambilidwe kutugwasya kukambauka kabotu aamitwe ya Bbaibbele iisiyene-siyene. Amutondezye citondezyo comwe naa zyobilo zyabasikumwaya balibambilide kabotu.
Lwiimbo 18 amupailo wakujala.
Nsondo Iitalika mu November 24
Lwiimbo 4
8 min: Zyakwaambilizya zyambungano.
15 min: Ikulilemeka aa Ciiyo Cabbuku Cambungano. Tulailumba mikwasyi iyapa iŋanda zyabo kuti kamucitilwa ciiyo cabbuku. Eeci cilakonzya kacijatikizya kulibambila kunji alimwi amapenzi amwi. Iciindi notujanika, tweelede kulilemeka kabotu akutondezya bulemu alweetelelo, eci calo cinga cajatikizya kucita zintu zitobela ezi: (1) Tweelede kulikunkumuna kumaulu kabotu-kabotu katutana njila, ikutegwa tutabikki tombe aazibuye naa aamakkaapeti aayalwaa zibuye. (2) Bazyali beelede kweendelezya bana babo, ikubona kwaamba kuti balilemeka kabotu akukkala mubusena bwaŋanda bucitilwa ciiyo cabbuku. (3) Nokuba kuti kakamu kabantu inga nkasyoonto alimwi abusena inga tabuli mbuli ciindi notuli ku Ŋanda ya Bwami, tweelede kusama mbuli mbotusama notuya nkuko. (4) Ikuyanzana muswaangano wamana kweelede kuba kwaciindi cisyoonto buyo ikutegwa basimunzi bajane ciindi cibotu cakulikwaya. (5) Nokuba kuti mukamwini munzi ulakonzya zimwi ziindi ikubikka kakulya kamwi, naa cibwantu mwamanizya ciiyo, toonse tweelede kuziba kuti, ikucita boobo takweelede kunikulangilwa lyoonse alimwi takuyandiki.
22 min: Amugwasye Bantu Kuba Basiciiya, Amubayiisye. Mwaalu wacitya mubandi akabunga kabasikumwaya botatwe naa bone, kabaingula mibuzyo iili mubbuku lya Uminisitala Wathu, mapeeji 88-92 yakuti: (1) Nkaambo nzi kucita nyendo zyakupilukila ncokuyandika kapati mumulimo uucitwa kabotu? Mbuti umwi mbwanga wazwidilila mumulimo muyumu wakupilukila? (2) Nkaambo nzi ncotukankaizya kapati aakutalisya ziiyo zya Bbaibbele? Mbuti mbotunga twacikozya kabotu ikucitya ziiyo? (3) Nkaambo nzi ncociyandika ikubalulamika kumbunga basikwiiya? Mbuti mbotunga twacicita eci? Ikabunga aka alimwi kaluula mbuli imapepa aamukati aa Mulimo Wesu Wabwami aa June 1996, March a April 1997 mbwaakabagwasya mumbazu ezi.
Lwiimbo 13 amupailo wakujala.