Miswaangano Yamulimo ya January
Nsondo Iitalika mu January 5
Lwiimbo 22
8 min: Zyakwaambilizya zyambungano. Zyakwaambilizya Zisalidwe kuzwa mu Mulimo Wesu Wabwami.
17 min: “Amukukkomanine kupa Bumboni Cakulomya.” Cibalo cibandikwa abaswiilizi. Amukankaizye kuyandika kwamajwi aantalisyo aagwasya: (1) Amupe mooni wabulongwe, (2) amubandike naa kubuzya mubuzyo uujatikizya makani aadumide ciindi eco, (3) amutondezye Lugwalo lweelede, alimwi (4) amukulwaizye luyando lwabbuku ndyomuli mukusiya. Amujane sikumwaya musungu ape citondezyo camajwi aantalisyo alimwi aamulweendo lwakupilukila aasimpide aamajwi aantalisyo.
20 min: Amulibambile Ono Ikusumpula Mulawo wa Leza Uujatikizya Bulowa. Mwaalu weelela abandike mbocili cintu ciyandika kapati ikumaninizya kwiilemba kkaadi ya Advance Medical Directive/Release. Imalailile aazwa kuli Leza aali ku Intembauzyo 19:7 atondezya kuti Incito 15:28, 29 mmajwi aamulawo wa Leza uulondokede uujatikizya bulowa. Ibakombi basyomeka bakanzide kuusumpula kwiinda mukuutobela mulawo oyo. Ikkaadi eli lizibya kusinizya kwanu kwakucita nzyomulembede alimwi ndolimwaambilila ciindi nomucisidwe kapati alimwi nomutakonzyi kulyaambilila. (Amweezyanisye Tusimpi 22:3.) Ikkaadi eli lipya linoojisi makanze aaino-ino aalembedwe aakuti tamuyandi kubikkwa bulowa. Muswaangano oyu wamana, Bakamboni babbapatizidwe ibayanda kubaa kkaadi lipya bayoopegwa kkaadi yomwe, alimwi aabo ibalaa bana basyoonto ibatana bbapatizigwa bayootambula Identity Card yamwana omwe-omwe. Imakkaadi aaya taali aakulemba lino. Ayelede kuyoolembelwa kumunzi kabotu-kabotu, pele taayelede kusainwa PE. Kusaina, kucita bumboni alimwi akubikka deeti kwamakkaadi oonse kuyoocitwa ku Ciiyo Cabbuku Cambungano citobela, ooko mweendelezi waciiyo nkwayoozyeendelezya zintu. Eeci ciyoosinizya kuti boonse ibabalilwa munkamu yakwe batambule kkaadi alimwi alugwasyo lumbi ndobayandika. Aabo ibasaina kuti mbaa Kamboni beelede kulibonena buya nasaina kkaadi eelyo mukamwini. Kufwumbwa batanooliko kuciindeeco bayoogwasyigwa abeendelezi baziiyo naa baalu ku Muswaangano Wamulimo uutobela kusikila mane boonse basikumwaya babbapatizidwe bakabe aamakkaadi aalembedwe kabotu alimwi aasainidwe. (Amwiindulule kubandika lugwalo lwamu November 16, 1991.) Basikumwaya batabbapatizidwe, kuti bayanda inga balilembela malailile aabo beni alimwi abana babo kwiinda mukulembulula zilembedwe akkaadi eyi kweendelana aciimo cabo ambobasyoma. Ikutegwa mukwabililwe amulawo, cilayandika kapati kuti ikkaadi eli mulilembe kabotu-kabotu alimwi lisainwe.
Lwiimbo 24 amupailo wakujala.
Nsondo Iitalika mu January 12
Lwiimbo 6
10 min: Zyakwaambilizya zyambungano. Ilipooti yamaakkaunti.
15 min: “Amugamike Mizeezo Yanu aa Zintu Zyakujulu.” Mubandi abaswiilizi.
20 min: “Jehova Ulapa Inguzu Zigambya.” Kubuzya akwiingula. (Amubone w91 3/1 19, mincali 15-16.) Amujane basikumwaya ibatiluule zyakabacitikila zikulwaizya izitondezya mbwaabayumya Jehova.
Lwiimbo 11 amupailo wakujala.
Nsondo Iitalika mu January 19
Lwiimbo 26
10 min: Zyakwaambilizya zyambungano.
15 min: Iziyandika mumbungano.
20 min: Ikuyuma kwa Mukwasyi Munzila Yakumuuya Ncokuyandika. Makani apegwe amwaalu. Amubandike mukwasyi ncouyandika kulanga-langa lugwalo lwabuzubaa buzuba, mwaambe nzila eci mbocinga cacitwa alimwi abubambe bwazintu bwamukwasyi bwiindene-indene. Alimwi amukankaizye aakuyandika kwamupailo uucitwa caantoomwe mumukwasyi ambweni ciindi comwe mubuzuba. Eci cilakonzya kucitwa ciindi nomuyanda kuya kukulala masiku. Malailile ngoonaaya alakonzya kubelesegwa mumikwasyi muli bukombi bwaandeene, mumikwasyi muli buyo muzyali omwe alimwi amumikwasyi munyina bana. Ikulibambila kwamukwasyi akwalo kulagwasya kapati mukujana mpindu mumiswaangano yambungano insondo ansondo alimwi kulaluyumya lusyomo lwabamwi.—Heb. 10:23-25.
Lwiimbo 16 amupailo wakujala.
Nsondo Iitalika mu January 26
Lwiimbo 17
12 min: Zyakwaambilizya zyambungano. Amubandike mabbuku aakumwaya mu February. Amwaambe kaambo komwe naa tobile tuzwa mubbuku lya Revelation Climax itutikagwasye mukulisiila bantu.
15 min: “Amubulemeke Busena bwa Jehova Bwakukombela.” Kubuzya akwiingula. Apegwe amwaalu, uyelede kwaambaa zintu zicitika mumbungano munzila mbotu yakukulwaizya.
18 min: Ikupa Lipooti Yamulimo Wesu Wabukambausi Wanyika Yoonse. (Makani azwa mubbuku lya Uminisitala Wathu mapeeji 100-2, 106-10) Makani alimwi amubandi apegwe amulembi. Aamana kupa zikozyanyo zyamu Magwalo zitondezya ncotweelede kupa lipooti yamulimo wesu lyoonse, watamba bakutausi bobile kuti bainduluke twaambo tuli mukatwe kasyoonto kakuti “Chifukwa Chake Timaperekera Lipoti Utumiki Wathu Wakumunda.” Mpoonya mulembi wakankaizya ncokuyandika kapati ikutola lipooti lilondokede cakufwambaana. Watondezya twaambo ncocigwasya kulibikkila mbaakani, wamanizya atwaambo twakukulwaizya tujatikizya zilongezyo ziboola kuli baabo ibatola lubazu cakumaninina mumulimo wabukambausi.
Lwiimbo 18 amupailo wakujala.