Miswaangano Yamulimo ya May
Nsondo Iitalika mu May 4
Lwiimbo 1
8 min: Zyakwaambilizya zyambungano. Zyakwaambilizya Zisalidwe kuzwa mu Mulimo Wesu Wabwami. Makani Aateokrasi.
15 min: “Muuya wa Jehova Ulatugwasilizya.” Kubuzya akwiingula. Mwasika mumuncali wa 3, amubelesye amakani aayelede kuzwa mu 1998 Yearbook.
22 min: “Amusale Zibalo Izigama Zintu Nzyobayandisisya Kumvwa Bantu.” Amwaambe twaambo tupati-pati mucibalo. Amupandulule kuti naaba mamagazini aakaindi aaciboneka kabotu alakonzya kumwaigwa munzila njimunya eyi. Amulombe basikumwaya kuti baluule zibalo nzyobakamwaya izyakagwasya. Amutondezye kulembya mbokunga kwamwaigwa kumuntu mumuncali wa 9.
Lwiimbo 26 amupailo wakujala.
Nsondo Iitalika mu May 11
Lwiimbo 6
8 min: Zyakwaambilizya zyambungano. Lipooti yamaakkaunti.
12 min: “Sena Tatukonzyi Kugwasya Kwiinda Waawo?” Mubandi wakubuzya akwiingula. (Mwaalu uuyoopa makani aaya weelede kubona kwaamba kuti imbungano ilijisi kabbokesi kakusangila aatafwule aajanika mabbuku amamagazini ikabambilidwe mulimo oyo).
25 min: Amube Aamakanze Nomukambauka. Mwaalu amukutausi omwe naa bobile bayinduluka zili mubbuku lya Olinganizidwa, amapeeji 8-12. Amwaambisye atwaambo ncotuteelede kutyompwa mumulimo alimwi ancotweelede kubelekelaamwi ambunga lyoonse.
Lwiimbo 22 amupailo wakujala.
Nsondo Iitalika mu May 18
Lwiimbo 17
8 min: Zyakwaambilizya zyambungano. Amwaambilizye bubambe bwaalubazu bwamumulimo wamumuunda mu May 25.
15 min: “Sena Mulaa ‘Bumvwa Mumubili’?” Kubuzya akwiingula. Amwaambe twaambo tuli mu “Mibuzyo Yabasikubala” mu Ngazi Yamulindizi, ya November 15, 1987, apeeji 29.
22 min: Makani apegwe amwaalu uulaacikozyano cibotu aakuti “Sena Mwanaanu Weelede Kuya Kucikolo Nkobakkala Akoona?” kuzwa mu Ngazi Yamulindizi ya October 1, 1997 mapeeji 29-31. Amucisalazye kuti nokutakwe zikolo zimbi nkobanga baunka, bazyali beelede: (1) Kuswaya naa kulembela baalu balaafwaafwi acikolo eco kuti bakazumanane kupa lugwasyo lwakumuuya. (2) Amubone kuti mwanaanu ulijisi Bbaibbele, magazini ya Ngazi Yamulindizi, bbuku libelesyegwa a Ciiyo Cabbuku, ibbuku lyanyimbo, azimwi-zimwi. (3) Amubandike kumupati wacikololo kutegwa mwanaanu kazumizigwa kuya kumiswaangano.
Lwiimbo 24 amupailo wakujala.
Nsondo Iitalika mu May 25
Lwiimbo 11
10 min: Zyakwaambilizya zyambungano.
15 min: Mwaalu amukutausi babandika lugwalo lwakazwa ku Sosaiti lwamu February 3, 1998, lujatikizya kukona lubono naa kunyanzya mukamufwu zintu. Keelede kubikkwa antangalala kaambo kakuti ikumunyanzya zintu mukamufwu nkubba.
20 min: Ncondiiyandisisya Miswaangano Yambungano. Mwaalu wacitya mubandi ankamu yabakwesu bamumbungano basiyene-siyene ibajanika lyoonse, antela aba inga bajatikizya banabukwetene, mucembele naa mudaala amukubusi. Abalyaambilile ncobajanikila lyoonse: kuyanzana kubotu, kuyiisigwa kwabunaleza alimwi alulayo lugwasya, izibagwasya kulwana mapenzi aabuzuba abuzuba akuzumanana kuyuma munzila yakumuuya. Kuluula kwabo kukankaizye mbotulongezyegwa toonse kwiinda mukujanika lyoonse amiswaangano.
Lwiimbo 29 amupailo wakujala.