Twakaindilila Ambaakani Yazyuulu Zili Mwaanda!

“Izyuulu Zili Mwaanda!” njembaakani yamweelwe njetwakabikkide kuti tuzuzikizye mu Mulimo Wesu Wabwami wa July. Basikumwaya ibasika ku 104,096 bakacita lipooti bakaizuzikizya mbaakani eyi. Ooku nkuyungizigwa amweelwe wa 7,410, naa 5 pasenti kwiindilila amweelwe ngotwakasikide mu August 1997. Tupailila kuti Jehova azumanane kutuleleka kumilimo yesu yakwaambilizya makani aa Bwami bwakwe.

Ibaalu, ibakutausi alimwi abasikumwaya boonse abayeeye mulimo ngobakabeleka kuti tusike ambaakani eyi. Basikumwaya ibainda ku 100,000 nkobali kale bali andiswe mumbungano. Alimwi nkobali abambi baciboola mwezi amwezi kufwumbwa kuti twazumanana kuucita kabotu mulimo wesu. Pele ikubeleka cabunkutwe mumulimo wamumuunda alimwi akugwasya baabo balezya kulayandika kapati kutegwa tuzumanane kuyaambele. Tusyoma muli Jehova kuti kacituleleka kutegwa tuzumanane kuvwula.—1 Kor. 3:7.

Ikuti naa ibaalu abakutausi—ikapati aabo bacitya Ciiyo ca Bbuku Cambungano—ikubikkilizya abasikumwaya bamwi basimide abapainiya bazumanane kubeleka canguzu mbuli mbobakabeleka mu August, Jehova ulatuleleka kapati kwiinda mukuzumanana kuvwula kwabasikumwaya. Zimwi ziindi iciyandika buyo nkuyeezya basikumwaya kutola lubazu mumulimo wakukambauka alimwi akubayeezya kuleta malipooti abo. Imizeezo yakabandikwa mupepa lyamukati lyamu November 1998 ilyakajisi mutwe wakuti, “Amuzwidilile Mumulimo Wanu,” yeelede kutugwasya kuyaambele mumulimo wesu amulukkomano lwesu twanoobona mpindu nzyotwajana kumilimo yesu.