Miswaangano Yamulimo Ya March
Nsondo Iitalika mu March 1
Lwiimbo 11
8 min: Zyakwaambilizya zyambungano. Zyakwaambilizya zisalidwe kuzwa mu Mulimo Wesu Wabwami. Amwaambe bubambe bwamulimo wamumuunda mubuzuba bwakulyookezya bwa March 12.
17 min: “Ikwiibaluka Lufwu lwa Kristo Nyika Yoonse Mbwiizulwa.” Kubuzya akwiingula. Amubikkilizye atwaambo kuzwa mu Ngazi Yamulindizi ya February 1, 1997, mapeeji 24-25, mincali 10-14. Amukankaizye mbuli mbwaakakulwaizigwa aluyando ndwajisi kubantu Jehova kuti ape cinunuzyo.
20 min: Itwaambo Tutukulwaizya Kuti Tukacite Bupainiya Bwakugwasilizya mu April amu May. Imakani alimwi amubandi uyoocitwaa mulangizi wamulimo, kakulwaizya boonse kuti baalange-lange makani aakucita bupainiya bwakugwasilizya. Amukulange-lange kucinca kwakacitwa kujatikizya mawoola aayandika kubapainiya baciindi coonse alimwi abakugwasilizya mbuli mbwaakatondezyegwa mu Mulimo Wesu Wabwami wa January 1999 apeeji 2. Ikucinca oku kweelede kupa kuti banji babe acoolwe cakuba mumulimo waciindi coonse. Amupandulule mbuli kulumba nkotujisi kujatikizya cinunuzyo ca Kristo mbokutukulwaizya kuti tusolekesye kukambaukila bantu bambi. (2 Kor. 5:14, 15) Uno mwaka Ciibalusyo cili mubuzuba bwakusaanguna bwamwezi wa April. Ncintu cikulwaizya kaka kuli boonse basikumwaya ba Bwami kuti bakaubikke ambali mwezi oonse kutegwa bakayungizye mulimo wabo wamumuunda! Amubandike twaambo tusalidwe-salidwe kuzwa mumapepa aamukati aa Mulimo Wesu Wabwami wa February 1997 alimwi a March 1998 itukanana makani aamulimo wabupainiya bwakugwasilizya. Amulange-lange zikozyanyo zyamilongo yaziindi zyakapegwa akubona mbomukonzya kucinca-cinca kubeleka. Amwaambe bubambe bwamulimo ibwacitwa mumbungano yanu bwalo bupa ciindi cipati cakutola lubazu mumulimo abamwi. Amubakulwaizye basikumwaya kuti babweze mafoomu aabupainiya bwakugwasilizya yamana miswaangano.
Lwiimbo 23 amupailo wakujala.
Nsondo Iitalika mu March 8
Lwiimbo 20
10 min: Zyakwaambilizya zyambungano. Lipooti yamaakkaunti.
20 min: “Amubatambe Baboole.” Kubuzya akwiingula. Amukankaizye mbokuyandika lyoonse ikusololela bapya kumiswaangano yambungano. Amutondezye mboucitwa mubandi amuntu uuyanda kwiiya kasimpe kwiinda mukubelesya bbuku lya Luzibo apeeji 159, muncali 20, alimwi amapeeji 161-2, mincali 5-8. Amubakulwaizye boonse kuti basolekesye kugwasya basikwiiya Bbaibbele alimwi abamwi-bamwi kuti bakajanike ku Ciibalusyo mu April 1.
15 min: “Ibanamukwasyi Mbubabelekela Antoomwe Ikutegwa Batole Lubazu Lupati—Kumiswaangano Yambungano.” Imubandi ankamu yabanamukwasyi. Mbobayaabwaamba twaambo tupati-pati mucibalo, babandike mbuli mbobakonzya kulibambila miswaangano mumukwasyi. Babandike nzila mbuli mbobakonzya kugwasya bantu bambi kuti batole lubazu alimwi aceelede kucitwa kutegwa mukwasyi kausika kumiswaangano muciindi cibotu.
Lwiimbo 13 amupailo wakujala.
Nsondo Iitalika mu March 15
Lwiimbo 4
5 min: Zyakwaambilizya zyambungano.
15 min: “Ibakutausi Babeleka Mulimo Mupati.” Makani abandikwe amukutausi uusimide. Amulange-lange twaambo tupati-pati tulembedwe mubbuku lya Mulimo Wesu amapeeji 57-9. Amupandulule mbuli mbobabelesyegwa bakutausi nkomuzwa kutegwa bagwasye mbungano.
25 min: Amulibambile Kuyoojanika ku Muswaangano Wacooko wa 1999. Imulembi wayendelezya mubandi wamibuzyo akwiingula uujatikizya makani aamuswaangano aali mupepa lyamukati. Mbubwenya mbuli mbukwabonwa mucibalo, amukankaizye njiisyo zyamu Magwalo izikulwaizya kutobela malailile aa Sosaiti mumakani aamiswaangano. Amubalumbaizye bakwesu akaambo kakubelekela antoomwe abusolozi bwa Sosaiti.
Lwiimbo 15 amupailo wakujala.
Nsondo Iitalika mu March 22
Lwiimbo 18
10 min: Zyakwaambilizya zyambungano. Amwaambilizye mazina aabaabo ibayoocita bupainiya bwakugwasilizya mu April. Amupandulule kuti takuningaba kumuka pe ikutola foomu. Amwaambe mulongo wamiswaangano yamulimo yabambwa mu April. Amubakulwaizye boonse kuti batobele mulongo wakubala Bbaibbele wa Ciibalusyo mu March 27-April 1, mbubwenya mbuli mbokutondezyedwe mukabbuku ka Kulingaula Magwalo Mazuba Oonse—1999 alimwi amu Kkalenda ya 1999.
15 min: Amulibambile Ciibalusyo. Imakani. Toonse tweelede kukanza kugwasya basikwiiya Bbaibbele alimwi abamwi ibayanda kwiiya kuti bakajanike ku Ciibalusyo. Ibapya balakonzya kabatazi kabotu ikujatikizya baabo ibeelede kutola lubazu mukulya zitondezyo zyamukamu awaini naa ncociyandikila kusekelela eci. Amulange-lange cilembedwe mu Ngazi Yamulindizi ya April 1, 1996 amapeeji 6-8, amutondezye mbuli mbotunga twagwasya bapya kuti bazibe ncokwiiminina kusekelela oku alimwi ancokucitilwa. Amumanizye kwiinda mukubandika “Ziyeezyo zya Ciibalusyo” akwaamba bubambe bwa Ciibalusyo bwambungano.
20 min: Ncinzi Cicitika Kulindiswe Twafwa? Imwaalu abandike abasikumwaya bobile naa botatwe basimide kujatikizya mboiyandika broshuwa eyi alimwi amboibelesyegwa. Twakaziziba izili mukati mubroshuwa eyi notwakayiiya ku Ciiyo Cabbuku Cambungano. Sena tulaibelesya kabotu mumulimo wamumuunda? Eyi nkamu ilabandika twaambo otu: Nkaambo nzi bantu banji ncobaayandila makani aya? Mukwiindana anjiisyo zyabukombi bwakubeja, mbulangizi nzi mboitondezya broshuwa eyi? Ino mibuzyo iili kupeeji lyamamanino aabroshuwa eyi inga twaibelesya buti kutegwa bantu bayande kuswiilila? Nzyoolwe nzi ziliko nzyotukonzya kubelesya ikwaabila broshuwa eyi? Amutondezye mbomunga mwayaabila kwiinda mukubelesya magwalo aali mumuncali wa 14 apeeji 27. Amubakulwaizye boonse kuti baibelesye kabotu ibroshuwa eyi.
Lwiimbo 8 amupailo wakujala.
Nsondo Iitalika mu March 29
Lwiimbo 5
12 min: Zyakwaambilizya zyambungano. Amubayeezye boonse kuti basiye malipooti abo aamulimo aamu March. Mu April, tunoolembya Ngazi Yamulindizi. Amutondezye mamagazini mapya, amwaambe zibalo zikonzya kubandikwa alimwi amwaambe atwaambo tumwi tukondelezya. Boonse beelede kuyumuna broshuwa ya Ncayanda akwiibelesya kutalisya ziiyo zya Bbaibbele abantu bayanda kwiiya.
15 min: Ziyandika zyambungano.
18 min: Ino Tweelede Kulimvwa Buti Notupegwa Lulayo? Imakani apegwe amwaalu. Toonse tulapegwa lulayo kujatikizya ciimo cesu, bukkale, balongwe mbotujisi naa ilubazu ndotutola mumilimo yambungano. Zimwi ziindi tatulutobeli lulayo naa tulanyema twapegwa lulayo. Ikulisungula kutambula lulayo alimwi akulutobela kulakonzya kuba cintu ciyandika kapati mubukkale bwesu bwakumuuya. Amulange-lange twaambo tuyandika kapati itukankaizya ncotweelede kutambula akulumba notupegwa lulayo.—Amubone Ngazi Yamulindizi ya April 1, 1987, mapeeji 27-30.
Lwiimbo 6 amupailo wakujala.