Imuswaangano Wacooko wa Bakamboni ba Jehova wa 1999 wa “Jwi lya Leza Lyabusinsimi”
1 Ibana Israyeli nobakali munkanda, Jehova wakalailila Musa kuti abambe myeembo yobile yansiliva. Naa kwalizyigwa buyo mweembo omwe, basilutwe banzubo zya Israyeli mbibakeelede kuyoboloka kuya kumulyango watente lyambungano. Naa myeembo yoonse yobile yalila nkokuti mbungano yoonse yabana Israyeli yakaleelede kubungana antoomwe. (My. 10:1-4) Sena sunu tatukondwi notumvwa zyakwaambilizya izili mbuli myeembo izituyobolola kumiswaangano yacooko yamwaka amwaka? Kumiswaangano yesu tulatambula malailile alimwi abusolozi kuzwa kuli Jehova kwiinda mu Jwi lyakwe alimwi abaiminizi bakwe babikkidwe. Eci citugwasya kuzumanana kuyuma cakutazungaana mumulimo wa Leza. Sena tatukondwi notubona zyuulu zili mbozibede zyabakombima basyomeka—ambweni makumi aazyuulu—kababungene antoomwe muluyando aluumuno? Masimpe tulakondwa!—Int. 122:1, 7, 8.
2 Imwakali mumyezi ya August a September Imiswaangano ya Cooko iisika ku 52 ya “Kupona Munzila Njayanda Leza” yakacitwa mucisi ca Zambia coonse mbocizulwa. Ibakwesu abacizi bakakkomana kapati mukuyanzana oku. Twaakubungana antoomwe kumuswaangano wesu wacooko wa 1999, tuyoobaa coolwe cimbi cakubaa babunyina alimwi akulumba Jehova akaambo kalukamantano ndwatupa.
3 Bubambe Bwamasena Aakoona: Kanjikanji bakwesu balalibambila beni kwakuyookkala kubasazinyina naa kubeenzinyina bali mumadolopo mucitilwa miswaangano. Muminzi, ibakwesu balayaka zivwuka naa koona muzilabba zipati iziyakwaa basikulisungula baamuswaangano. Mumiswaangano imwi babelesya zikolo kutegwa bajane aakukkala basimuswaangano bamwi. Notupegwaa koona kubakwesu naa basazima, taceelede kuti basimuswaangano bakutolela mumbi kusamausya kwabakwesu kwiinda mukulangila kuti balazumizigwa kukkala kwamazuba aaindilila kutegwa balyookezye wamana muswaangano. Aaya maanda ngaciindi buyo camuswaangano. Aabo ibapegwa aakoona munzila eeyi beelede kubona kuti balo abana babo balilemeka kubalaaŋanda alimwi akutajaya cili coonse naa kulanga-langa mumpasya naa mumasena aatasikwi-sikwi muŋanda. Ikuti naa uulaaŋanda wabaa buyumuyumu buyeeme kumakani aaya, cakufwambaana-fwambaana weelede kuzibya Cibeela Cilanga Aakoona kubusena bucitilwa muswaangano, eelyo ibakwesu ooko banoolibambilide kugwasya.
4 Ikulikwabilila Kumililo Antenda Zimwi: Cakutadooneka, iciletelezya mililo kumiswaangano takuli kujikila munsi aazilabba pe, pele nkuteendelezya bana basobana naa basosela mililo. Aboobo, ikutegwa mukwabililwe nywebo ababunyina, mutalekeli bana banu kweendeenda kakunyina uubalanga; mutalekeli bana kulanga maanzi aawalauka kubila amulilo naa munzila imwi kulekela bana kusosela mulilo. Balakonzya kabacizi kucita zintu ezi kabotu-kabotu kumunzi, pele kumuswaangano mbusena bumbi alimwi kweelede kucenjelelwa kapati kutegwa tweelebe kucitika kwantenda. Bantu banji bakkede antoomwe alimwi bana balayanda kucita zisobano nobali aabananyina. Balafwambaana koongwa alimwi inga tababoni kuti inga kwaba ntenda elyo akaambo kaboobo, tatweelede kubasiila nkendulu, mancisi naa malampi. Alimbi penzi lilaboola ciindi bazyali nobaunka kumiswaangano cifwumofwumo akumazuba bamana basiya bana basyoonto kakunyina aubalanga muzivwuka. Bana beelede kukkala antoomwe abazyali babo ciindi camapulogilamu. Kuti bagwasilizi babona kuti bana baile kweendeenda mubusena bwamuswaangano kakunyina aubalanga, balakonzya kubajola bana kubazyali babo. Nobazyali, amubelekele antoomwe ababelesi bamuswaangano elyo munzila eeyi muyootondezya kuti ‘mulabayanda babunyina.’—1 Pet. 2:17.
5 Imbunga ya Jehova caluyando ilapa malailile aayelede kujatikizya miswaangano. Pele cilausisya kujana kuti mumiswaangano iilimbwiibede mumyaka yainda, basimiswaangano bamwi bakanyonyaukilwa mpasya zyabo mumililo yakali kunga yeelebwa. Aabo bakwesu bajatikizidwe mumiswaangano, ikapati bazyali, balombwa kubikkila maanu kapati kutwaambo ootu tuyandika loko kutegwa mumiswaangano yesu tukayanzane munzila iikulwaizya alimwi iikkomanisya, kutali yamapenzi abuumba akaambo kabubaya buleta ntenda.
6 Amutondezye Kuti Mulakutobela Kulailila kwa Sosaiti: Ikaambo aka keelede kuba akati katwaambo oto ntotubikkila maanu kapati. Ibbuku lya Ba-Hebrayo 13:17 lyaamba kuti: “Kamubaswiililisya baalu banu, mulitesye kulimbabo, nkaambo mbabalangilila myuuya yanu, alimwi babaanga basikuyoolyaambilila lwabo beni. Amusungwaale kuti kabacita boobo cakubotelwa, citali cakuusa, nkaambo eco tacimuleteli kululama pe.” Twalombwa kuti tubelekele antoomwe mutwaambo otu twabandikwa. Cikozyanyo cesu cibotu icibonwa mubakwesu, cisumpula muuya waluyando, ilukamantano alimwi akugwasyanya.—Amubone 1 Ba-Korinto 16:16; Ba-Filipi 2:1-4.
7 Ikulanganya Baabo Ibayandika Lugwasyo Lwaalubazu: Amubikkile maanu kuzintu zyaalubazu nzobayandika bacembeede, ibalema, aabo bali mumulimo waciindi coonse naa bamwi buyo ibali mumbungano yanu balo bayandika lugwasyo kutegwa bajanike kumuswaangano. Ibanamukwasyi, baalu alimwi abamwi mumbungano ibanga kababuzyi bukkale bwabo bulibedelede balakonzya kucita bubambe buyandika.—Amweezyanisye 1 Timoteo 5:4.
8 Ifoomu ya Sosaiti Yakulomba Aakoona ilapa zyeelelo zinga zyabelesyegwa kulemba akutuma foomu eyi. Ibubambe obu bujatikizya buyo basikumwaya ibalaa ciimo cibotu, kubikkilizya abaabo ibalaa bana balilemeka, balo ibazuminidwe a Kkomitii Yamulimo Yambungano. Kamutana ilemba foomu Yakulomba Aakoona, amubale kabotu-kabotu makani aalembedwe aansi aafoomu. Ikulomba ooku kweelede kutuminwa cakufwambaana ku Cibeela Cilanga Aakoona.
9 Ikujanika Kumuswaangano Umbi: Imbungano yomwe-yomwe yaambilwa kujanika kumuswaangano uucitilwa munsi-munsi acilawo mpoibede. Kwiinda mumweelwe wabasikumwaya ibayandika kujanika kumuswaangano omwe-omwe, iba Sosaiti balauyeeyela mweelwe uutikajanike ikutegwa balibambile busena bwakukkala, bwakoona, imabbuku azimwi-zimwi. Pele, ikuti kuli kaambo kalimvwisya ncomuyoojanikila kumuswaangano kumbi kuleka kooko nkomweelede elyo muyandika aakoona, mulembi wambungano ulakonzya kooda foomu Yakulombela Aakoona kuzwa ku Sosaiti yalo njomweelede kulemba akusaina. Mpoonya amwiitume kuofesi pati lyamuswaangano nkomuyooswaanganina.
10 Iba Sosaiti balatambula magwalo manji kuzwa kubakwesu abacizi ibatondezya kulumba kwabo kububambe mbobakacitilwa. Imukwasyi umwi wakati: “Twati tumuzibye buyo kuti muswaangano wacooko kwiina notwakaubona kuba ciyanza buyo. Tulizyi kuti kwiina nowakaile kucitika buyo pe, pele nkaambo ibakwesu banji bakabeleka canguzu. Twalemba kuti tumuzyibye kulumba kwesu.”
11 Tumukulwaizya kuti mutalike kulibambila lino ikuyoojanika ku Muswaangano Wacooko wamazuba otatwe wamu 1999 wa “Ijwi lya Leza Lyabusinsimi.” Tulangila kuyoomvwa ‘kukondwa akutembaula’ munzila yakumuuya ikwabakombi ba Leza kabali nkamu iikamantanye. (Int. 42:4) Jehova alongezye kulibambila koonse kucitwa kutegwa tuzumanane kuyaambele munzila yakumuuya!
Kabbokesi kali apeeji 4]
IMISWAANGANO YACOOKO YA “JWI LYA LEZA LYABUSINSIMI” YA 1999
AUGUST 13-15
CHINGOLA CB-11a, CB-11c CIBEMBA
CHINSALI N-2b CIBEMBA
KAFUE S-3, S-4 CHICHEWA A CHITONGA
KITWE CB-6, CB-7, CIBEMBA
CB-8, CB-13, EC-2 A CINGISI
LUSAKA LK-1, LK-2, LK-3, LK-5 CHICHEWA
LUSAKA EC-1 CINGISI
LUWINGU N-7, N-8b CIBEMBA
MAPANZA S-2b, S-2d CHITONGA
MKUSHI C-7 CIBEMBA
AUGUST 17-19
KALUNGU N-2a, N-3 CIBEMBA
LUSWISHI CB-9 CIBEMBA
LYENGA (Chongwe) LK-4 CHICHEWA
MUMBWA C-1, C-2b CHITONGA
MUTENDA NW-6 CIBEMBA
NSAMA N-6, N-8a CIBEMBA
AUGUST 18-20
KASEMPA NW-2 CIBEMBA
KAWA (Turn-Off) C-9b, C-9c, C-10, CIBEMBA
C-11, C-12b, C-12c
NYIMBA E-1, E-2a CHICHEWA
SIKUNDU (Kalabo) W-3a, W-3c SILOZI
AUGUST 20-22
LUSAKA LK-6a CIBEMBA
AUGUST 21-23
KABOMPO NW-1 LUVALE
KASHITUC-6a, CB-3 CIBEMBA
AUGUST 22-24
KAOMAW-1, W-2a, W-2b SILOZI
MUNUNGA L-1 CIBEMBA
MUYOMBE N-2c TUMBUKA
PETAUKE E-2b, E-9 CHICHEWA
SENANGA W-4a, W-4c SILOZI
AUGUST 23-25
MPIKAN-1 CIBEMBA
MUTOYA (Mwinilunga) NW-3 CIBEMBA
AUGUST 26-28
KABULA CB-12b, L-4 CIBEMBA
KATETE E-4b, E-4c, E-5 CHICHEWA
LUNDAZI E-8 TUMBUKA
MWANDI W-5a, W-5c SILOZI
AUGUST 27-29
CHILILABOMBWE CB-11b CIBEMBA
KASAMA N-5 CIBEMBA
MONGU W-2c, W-3b SILOZI
MPONGWE CB-1 CIBEMBA
SOLWEZIN W-4, NW-5 CIBEMBA
AUGUST 30-SEPTEMBER 1
MULOBEZI W-5b, W-4b SILOZI
SAMFYA L-7, L-8 CIBEMBA
SEPTEMBER 1-3
MULILIMA C-8, C-9a, C-9d, CIBEMBA
C-12a, C-12d
MWEWA L-6 CIBEMBA
NYANJE E-3, E-10 CHICHEWA
SEPTEMBER 2-4
MALAMBANYAMA C-2a, C-3 CHITONGA
SEPTEMBER 3-5
CHIPATA E-4a, E-6, E-7 CHICHEWA
KALOMO S-1, S-2a, S-2c CHICHEWA A CHITONGA
LUANSHYA CB-2 CIBEMBA
MANSA L-5 CIBEMBA
MUFULIRA CB-10, CB-12a CIBEMBA
SEPTEMBER 5-7
KAZEMBE L-2, L-3 CIBEMBA
SEPTEMBER 6-8
LUALABA C-5 CIBEMBA
SEPTEMBER 10-12
KABW EC-4, C-6b, LK-6b CIBEMBA
MBALA N-4 CIBEMBA
NDOLA CB-4, CB-5 CIBEMBA