Sena Mujisi Oda Iizumanana?
1 Sena kuli nomwakaunkide kumuswaangano wakuya mumulimo wamumuunda mpoonya mwakajana kuti teemwakajisi mamagazini mucoola canu ncomubelesya mumulimo? Amuyeeye pepa lyamukati lya Mulimo Wesu Wabwami wamu September 1995 ilyakajisi mutwe wakuti “Amwaabelesye Kabotu Mamagazini Eesu.” Twakaambilwa kuti “tweelede kubaa oda yamamagazini,” ategwa: “Amucitye oda yamweelwe wamamagazini ngomukonzya kubaawo amukwesu uulanga mamagazini. Eci cilapa kuti nywebo amukwasyi wanu kamunoojisi mamagazini oonse aayandika.” Sena mwakacita kale obo?
2 Ino nkaambo nzi ncomutacityi oda iizumanana yamamagazini? Eci cilamukulwaizya kunoomwaya mamagazini nsondo ansondo, elyo cilamuletela lukkomano lunji. Ikuti naa mulijisi kale oda iizumanana, amubone naa mamagazini ngomutambula alazulila mumwezi uli woonse mumulimo. Aino tweelede katwaabweza mamagazini aaoda yesu nsondo ansondo, tutanooalekeli kulundana. Ikuti naa tatunooliko mumbungano kwaciindi cilamfwu, atumuzibye sikulanganya mamagazini naa tuyanda kuti mamagazini eesu kapa muntu umwi kusikila twaakujoka.
3 Mumwenya mupepa lyamukati motwazubulula makani aalaatala twakaambilwa kuti “tweelede kubikka ambali buzuba mbotunoomwaya mamagazini lyoonse.” Sena mulagwasilizya mu Buzuba bwakumwaya Mamagazini? Mbweena mbuli mbokutondeezedwe aa 1999 Calendar of Jehovah’s Witnesses, oonse mazuba aa Mujibelo mumwaka uno anooli akumwaya mamagazini! Mutaubyi-ubyi bupati bwakumwaya Ngazi Yamulindizi alimwi a Awake! Notusola kutola lubazu mumulimo wakumwaya mamagazini, ‘tuleta makani mabotu’ kuli basimukoboma.—Is. 52:7.