Miswaangano Yamulimo ya August
MALAILILE: Mu Mulimo Wesu Wabwami kunoondandamikidwe Muswaangano Wamulimo nsondo ansondo mumyezi yamiswaangano. Mbungano inga zyacinca bubambe kuti naa kwayandika kutegwa zikonzye kujanika ku Muswaangano Wacooko wa “Ijwi lya Leza Lyabusinsimi” alimwi akucita bubambe bwakwiinduluka twaambo tupati–pati twakayiigwa kumuswaangano kwamaminiti aali 30 aa Muswaangano Wamulimo nsondo itobela. Eeci cibeela cakwiinduluka twaambo tupati-pati twakabandikwa mubuzuba bumwi abumwi bwamuswaangano ceelede kupedwa limwi kubakwesu botatwe ibeelela ibayookanana twaambo tupati-pati twalo-twalo. Eeci cibeela cakwiinduluka iciyakulibambilwa kabotu ciyoogwasya mbungano kuyeeya twaambo tupati-pati twakutobela alimwi akubelesya mumulimo wamumuunda. Kufwumbwa twaambo alimwi azyakuluula nzyobanga baamba baswiilizi zyeelede kwaambwa mumajwi masyoonto.
Nsondo Iitalika mu August 2
Lwiimbo 4
10 min: Zyakwaambilizya zyambungano. Zyakwaambilizya Zisalidwe mu Mulimo Wesu Wabwami. Amubandike lipooti yamulimo ya April yacisi alimwi ayambungano. Amubakulwaizye boonse basikumwaya kutola lubazu mumulimo wamumuunda mu August.
17 min: “Amulilemenezye Izina lya Jehova Libotu.” Intalisyo yamakani itole ciindi citasiki kuminiti yomwe, mpoonya muzumanane amubandi wakubuzya akwiingula. Amwaabandike magwalo aambidwe buyo.—Amubone ibbuku lya Kupona Kukabe Kutamani, amapeeji 184-5.
18 min: “Lwiiyo Lwakunyika Mbolujatikizya Makanze Aanu Aakumuuya.” Wisi ukanana cibalo eci amwanaakwe musankwa naa musimbi. Alimwi balanga-langa makani aajatikizya yaaya kuzwa mu Awake!-CN ya January 8, 1996, amapeeji 23-27.
Lwiimbo 8 amupailo wakujala.
Nsondo Iitalika mu August 9
Lwiimbo 16
8 min: Zyakwaambilizya zyambungano. Lipooti yamaakkaunti.
12 min: Ibapainiya Bagwasya Bamwi—Ino Tutene Aali? Makani alimwi akubuzya-buzya kweendelezegwaa mulangizi wamulimo. Amulange-lange malailile aakapegwa mu Mulimo Wesu Wabwami wa September 1998 apeeji 4. Amwaambe mbozyakeendelezegwa zintu mumbungano yanu alimwi ambobali mukuyaambele aabo bakagwasigwa. Amubuzye-buzye mupainiya omwe naa bobile alimwi abasikumwaya bamwi ibakagwasigwa ambabo. Amukulwaizye baabo ibali mumulongo wabasikugwasigwa ikubikkila maanu kulugwasyo olu.
25 min: “Sena Mulyango Wakucita Bupainiya Wajuka Lino Kulindinywe?” Mubandi wakubuzya akwiingulwa weendelezegwaa mwaalu. Cakukulwaizya amutondezye basikumwaya banji mbobanga bacikonzya kucita bupainiya. Amubuzye-buzye bapainiya ibanga baluula mbobakakonzya kuzunda zintu zikasya bupainiya akuzwidilila. Amulange-lange “Milongo Wacitondezyo Wabupainiya Bwaciindi Coonse,” mukankaizye kulibambila kabotu mbokugwasya kukkwanya mawoola aayandika. Amwaambilizye kuti kufwumbwa ooyo uuyanda foomu yakulembela bupainiya inga wapegwa wamana muswaangano.
Lwiimbo 1 amupailo wakujala.
Nsondo Iitalika mu August 16
Lwiimbo 11
10 min: Zyakwaambilizya zyambungano. Kuceede buyo nsondo zyobile mu August, aboobo amubakulwaizye boonse kutola lubazu mumulimo wamumuunda mwezi kautanamana. Amubandike “Ipulogilamu Mpya Yamuswaangano Waalubazu Wabuzuba Bomwe.”
15 min: Ziyandika zyambungano.
20 min: Sena Mulatola Lubazu Mukugwasya Bantu Kuba Basikwiiya? Mubandi abaswiilizi. Kulanga mweelwe mupati wamabbuku ngotuli mukumwaya makanzeesu ayelede kuba aakutalisya ziiyo zya Bbaibbele kutegwa bantu bagwasigwe kumabbuku ngobatambula. Amulombe basikumwaya baambe mapenzi aabakasya kucitya ziiyo zimbi: (1) Cilakatazya kujana bantu bayanda kwiiya. (2) Ibantu bamwi ibatondezya luyandisisyo baamba kuti bajisi bubi tabakonzyi kwiiya. (3) Iciiyo nocatalisigwa, sikwiiya tajaniki aŋanda aboobo ciiyo tacicitwi lyoonse. Alimwi amwaambe mbobalimvwa basikumwaya bamwi kujatikizya mulimo wakucitya ziiyo zya Bbaibbele: (1) “Ndiyeeya kuti tandeelede kuba mwiiyi.” (2) ‘Tandijisi ciindi cakucitya ciiyo cansondo ansondo.’ (3) ‘Ndaenkeenka kulibikka mucipangano amuntu.’ (4) “Ndikkomene kunootola buyo lubazu munzila zimwi zyamulimo.” Amupe nzila zikulwaizya zijatikizya mbokuzundwa mizeezo eyi kutegwa muntu amuntu katola lubazu mumulimo wakugwasya bantu kuba basikwiiya. Amulombe basikumwaya bazwidilide baluule lukkomano ndobajana mumulimo wakucitya ziiyo zya Bbaibbele.—Amubone pepa lyamukati lya Mulimo Wesu Wabwami wa August 1998, mincali 3-8, 15.
Lwiimbo 26 amupailo wakujala.
Nsondo Iitalika mu August 23
Lwiimbo 6
10 min: Zyakwaambilizya zyambungano.
15 min: Amugwasye Bapya Babone Kuti Lukwatano Lulisetekene. Mwaalu wasolozya mubandi abaswiilizi kuzwa mubbuku lya Kukambitsirana, aamapeeji 383-384. Tulaswaanganya bamakaintu abaalumi ibatondezya luyandisisyo kumakani aa Bwami pele ibamuka kuyaambele nkaambo bakkala antoomwe kabatakwetene camumulawo. Amubandike mbobanga bagwasigwa kuteelela kaambo Banakristo ncobeelede kubaa lukwatano lwabulemu. (Amubone Awake!-CN ya January 8, 1992 amapeeji 26-7.) Amupe malailile aajatikizya ncotunga twaamba munzila yabulemu kugwasya bantu aaba kubona kaambo ncobatakonzyi kutambulwa mumbungano kusikila lukwatano lwabo lwalembesegwa.
20 min: “Ncinzi Ncomunga Mwamwaambila mu Bbuda?” Ikubuzya akwiingula. Kanjikanji tulalibuzya kuti, ino ncinzi ncotunga twaamba notwajana bantu mucilawo ncotubelekela ibacikombelo citali ca Bunakristo iciisya njiisyo, amicito alimwi azilengwa nzyotutazi? Eeci cibalo ncibeela cakutalisya mumulongo wazibeela zili musanu zijatikizya mutwe oyu wamakani. Amupe citondezyo cakutalisya makani cilibambilidwe kabotu. Kuti kamuyanda tumbi twaambo tujatikizya cikombelo ca Cibbuda, amubone pepa lyamukati lya Mulimo Wesu Wabwami wa February 1998; ibbuku lya Kukambitsirana, apeeji 21; alimwi alya Mankind’s Search for God, cibalo 6.
Lwiimbo 18 amupailo wakujala.
Nsondo Iitalika mu August 30
Lwiimbo 17
10 min: Zyakwaambilizya zyambungano. Amubayeezye boonse kupa malipooti aabo aamulimo wamumuunda aa August. Basikweendelezya Ziiyo Zyabbuku Zyambungano beelede kubona kwaamba kuti boonse ibamunkamu yabo bapa malipooti abo kutegwa oonse malipooti kaanoosanganizidwe kusikila mu September 6.
17 min: Tulabayanda Bakwesu. Makani aakananwa amwaalu, kubikkilizya amubandi baswiilizi mobatola lubazu uujatikizya makani aamu Ngazi Yamulindizi ya Chichewa ya December 1, 1995 amapeeji 15-17, mincali 7-11. Amukankaizye mpindu nzyotujana toonse notuziba bakwesu alimwi akukulwaizyanya akugwasyanya kuliyumya mumasukusyo. Amupe malailile aambokunga kwacitwa boobo kapati. Amulombe baswiilizi baluule mbobakakatalusigwa akuyumizigwa kwiinda mukukulwaizigwa caluyando abamwi.
18 min: Amupandulule Kaambo Ncomujisi Bulangizi . Mwaalu wabuzya-buzya mukubusi mwanaa cikolo omwe naa bobile ibapa citondezyo cibotu. Lyoonse bana besu bakubusi balabuzigwa abeenzinyina banyika kaambo ncobasalila kutabasangana mumicito yabo. Nokuba kuti balasola kubelesya ciindi eci kupandulula lusyomo lwabo lwamu Bbaibbele, ibana besu beelede kuyuma kulikasya kuyungwa. Inkamu eyi ibandika mbobanga baingula kuti naa balombwa kufweba tombwe naa kubelesya misamu iikola. Amulange-lange kaambo kali mubbuku lya Young People Ask, amapeeji 277-81. Amupandulule mbokunga kwapa bumboni bubotu kulikwabilila nkobalikwabilila kutegwa bazumanane kucita cintu cibotu.
Lwiimbo 3 amupailo wakujala