Mulongo Wamiswaangano Yamulimo
Nsondo Iitalika mu May 8
Lwiimbo 11
10 min: Zyakwaambilizya zyambungano alimwi azisalidwe mu Mulimo Wesu Wabwami. Amulange-lange kabbokesi kakuti “Amupangike Myoyo Yanu Lyoonse Kumilimo ya Mwami.” Amupandulule ncocaamba ikubelekela kubusena kuyandika lugwasyo alimwi akubakulwaizya basikumwaya ‘ikuzabukila ku Makedoniya kuyoobagwasya.’ Amumanizye akwaamba kuti Jehova ulabagwasya aabo ibabikka zintu zyakumuuya kumbele. Tulijisi zinji zyakucita mumulimo wa Mwami. Sena bukkale bwesu buyootuzumizya ikucita milimo minji kwiinda njotucita lino?
20 min: “Muswaangano Wacooko wa Bakamboni ba Jehova Wamu 2000 wa ‘Basikucita Zyaambwa mu Jwi lya Leza.’” Mulembi nguuelede kweendelezya cibeela eci cakubuzya akwiingula camakani aamupepa lyamukati. Amubelesye magwalo aabikkidwe ikutondezya kaambo ncotweelede kwaatobelezya kabotu malailile aapedwe aba Sosaiti. Amukankaizye ikuyandika kwakulibambilila limwi kujatikizya kulomba mazuba aakulyookezya ciindi kaciciliko ikutegwa tukajanike mazuba oonse kubikkilizyaa buzuba bwakusaanguna kumuswaangano wacooko. Amubalumbaizye bakwesu kukutobelezya bubambe bubikkidwe aba Sosaiti nkubacita lyoonse.
15 min: “Sena Muyoojanika?” Makani alimwi azyakuluula aakananwaa mwaalu. Ikubungana mubunji cali cintu cigwasya kapati mukuyumya bantu ba Leza kuzwa kuciindi ca Bbaibbele kusikila sunu. (Amubone bbuku ya Proclaimers apeeji 254 mincali 1-3; alimwi a Insight Volyumu 1 peeji 821, muncali wa 5.) Amubakulwaizye boonse ikutalikila limwi kulibambila kutegwa bakajanike kumuswaangano wacooko wamwaka uno kwamazuba oonse otatwe. Amubuzye baswiilizi baluule zyakuluula zitondezya kuti ikusoleka kwabo nkobasoleka kuyoojanika kumuswaangano alimwi akulyaaba kwabo nkobakacita myaka yainda kwakalongezyegwa munzila yakumuuya.
Lwiimbo 23 amupailo wakujala.
Nsondo Iitalika mu May 15
Lwiimbo 13
13 min: Zyakwaambilizya zyambungano. Lipooti yamaakkaunti.
12 min: Amulange-lange 2000 Yearbook. Amubandike alimwi mulange-lange myeelwe yaatala “Yamu 1999 Iisanganizidwe” iili apeeji 31. Mpoonya amubandike “A Letter From the Governing Body,” (Lugwalo Luzwa ku Kabunga Keendelezya) amapeeji 3-5. Amubuzye bamwi baambe mbobakanza kutobela kukulwaizya ooku.
20 min: “Ikwiibelesya Munzila Mbotu Kkompyuta.” Ipepa lyamukati. Kubuzya akwiingula. Amwiibale mincali iiyandika kapati mbuli 4-8 alimwi a 12-13, ikuti ciindi kacizumizya. Ikuti makani aaya kaatabeleki ooko kwenu, mulakonzya kulanga-langa makani aali mubbuku lya Tuliyanzene Kukumanizya Mulimo Wesu amapeeji 41-54. Makani aatikabandikwe amwaalu uusimide, mubandi wakubuzya akwiingula ikapati kujatikizya makani aali aatutwe twakuti “Mweendelezi Waciiyo Cabbuku Cambungano” aa “Ikugwasigwa Kwaumwi Aumwi” ituli amapeeji 43-6.
Lwiimbo 5 amupailo wakujala.
Nsondo Iitalika mu May 22
Lwiimbo 1
12 min: Zyakwaambilizya zyambungano. Amulange-lange Kabbokesi Kamubuzyo.
20 min: “Kamulindila.” Mubandi wakubuzya akwiingula. Amupandulule kaambo ncotuyandika kulindila munzila yakumuuya nokuba kuti tatuzi buzuba alimwi aciindi.—Amubone Ngazi Yamulindizi yamu Chichewa yamu November 1, 1995 apeeji 16.
13 min: Makanze nzi Ngomujisi Ciindi Cacilimo? Mukwasyi ubandike nzyobayanda kuyoocita kuciindi eeci. Babandika zyakuyoojanika kumuswaangano wacooko mazuba oonse otatwe alimwi akuyoobeleka mulimo wabupainiya bwakugwasilizya kwamwezi omwe naa kwiindaawo. Ambweni alimwi bayoobaa coolwe cakuswaya balongwe babo naa kulikondelezya kumwi kubotu. Boonse bazuminizya kuti tabeelede kuluba cilengwa cabo cakucita milimo yateokrasi.
Lwiimbo 17 amupailo wakujala.
Nsondo Iitalika mu May 29
Lwiimbo 20
12 min: Zyakwaambilizya zyambungano. Amubayeezye boonse basiye malipooti aabo amulimo wamumuunda aamu May. Amujane sikumwaya weelela uutitondezye mubufwaafwi mbokumwaigwa bbuku ndyotuyoomwaya mu June. Amubayeezye ikwaamba bubambe bwakusanga buliko eelyo notumwaya bbuku naa magazini. Amutondezye mbokutalikwa ciiyo ca Bbaibbele kwiinda mukubelesya ciiyo 13 mubroshuwa ya Ncayanda.
15 min: “Ikubotelwa Mumulimo Uusetekene Ngomucita.” Makani. Amubandike twaambo ncotweelede kubotelwa mumulimo wesu.—Amubone Ngazi Yamulindizi yamu Chichewa yamu January 1, 1995 apeeji 17.
18 min: Kubala Bbaibbele Ikugwasya. Makani alimwi acitondezyo aazwa mu Bukhu Lolangiza la Sukulu, amapeeji 34-5 mincali 6-7. Pulogilamu yakubala Bbaibbele iibikkidwe mwalo muzwa twaambo twamu Bbaibbele twakunomoona, ncibeela calwiiyo lwamu Cikolo Camulimo Wateokrasi. (Mulimo Wesu Wabwami wamu December 1999, peeji 5) Mukwasyi utondezye mbounga walibambila cibeela cibalwa nsondo eeyo mucikolo. Babweza kaambo komwe naa tobile tukondelezya akutalika kuvwuntauzya mubbuku lya All Scriptures naa mu Ngazi Yamulindizi. Amutondezye kubala Bbaibbele mbocinga caba cintu cilaampindu, icituyiisya ‘kwaapandulula mbukweelede makani aalusinizyo.’—2 Tim. 2:15.
Lwiimbo 16 amupailo wakujala.
Nsondo Iitalika mu June 5
Lwiimbo 9
5 min: Zyakwaambilizya zyambungano.
10 min: Ziyandika zyambungano.
15 min: “Icoolwe Ncobajisi Bana.” Makani akubandika abaswiilizi. Amwaambe zyakuluula kuzwa mu Ngazi Yamulindizi yamu Chichewa yamu December 1 1996 apeeji 23, muncali 15. Amubuzye bana baluule mbocibakkomanisya ikumwaya mamagazini. Mukubusi omwe naa bobile batondezye mubufwaafwi mbokumwaigwa magazini kuŋandaa ŋanda. Amubakulwaizye bazyali ikubatolelezya bana babo mumulimo wakumwaya mamagazini mvwiki ili yoonse. Mutalubi ikwaamba bubambe bwakusanga.
15 min: “‘Abasaangune Kulangililwa Mbobacita’—Munzila nzi?” Makani akananwaa mwaalu. Amulange-lange bubambe bwamu Magwalo ncokuyandika bakutausi mumbungano. Amwaambe zyeelelo nzyobeelede kubaanzizyo kutegwa basalwe. (Amubone bbuku lya Mulimo Wesu amapeeji 55-7.) Amwaambe mbazu zimwi bakutausi mobakonzya kubeleka alimwi amubakulwaizye bakwesu banji ikuzumanana kubelekela canguzu kutegwa bakapegwe mulimo ooyu uulibedelede.
Lwiimbo 10 amupailo wakujala