Mulongo Wamiswaangano Yamulimo
Nsondo Iitalika mu June 12
Lwiimbo 16
8 min: Zyakwaambilizya zyambungano. Zyakwaambilizya zisalidwe mu Mulimo Wesu Wabwami.
15 min: “Milimo Yanu . . . Tiikonzyi Kuba Yabuyo pe.” Majwi aantalisyo abe buyo masyoonto aatasiki kuminiti yomwe mpoonya muzumanane amubandi wakubuzya akwiingula. Mubikkilizye atwaambo tujanika mucakuluula cilembedwe mucibalo camu Ngazi Yamulindizi yamu Chichewa yamu June 15, 1996, apeeji 32.
22 min: Ikutalisya Ziiyo mu Broshuwa lya Ncayanda. Makani aakwiinduluka cibalo camu Mulimo Wesu Wabwami bwamu January 1999 apeeji 6. Amucite citondezyo kujatikizya nzila iipedwe mumuncali wa 6. Amwaambe bubambe bwakusanga. Amubuzye sikumwaya omwe naa bobilo bapandulule mubufwaafwi ikuzwidilila nkobakabaankuko mukutalisya ziiyo, baambe mbobakatalisya ciiyo ancobakacita kutegwa bazumanane aciiyo eco mvwiki amvwiki.
Lwiimbo 4 amupailo wakujala.
Nsondo Iitalika mu June 19
Lwiimbo 22
10 min: Zyakwaambilizya zyambungano. Lipooti yamaakkaunti alimwi akwaambilizya kulingula kwamaakkaunti kwamyezi yotatwe kwakacitwa.
15 min: Amulange-lange cibeela cakusaanguna mu Kabbokesi Kamubuzyo. Makani akananwaa mwaalu.
20 min: “Ino Ndilakonzya Buti, Aatakwe Muntu Uunditondezya?” Mubandi wakubuzya akwiingula ucitwaa mulangizi wamulimo. Amwiibale mincali yoonse cakupozya alimwi amagwalo aali mumincali ya 3 a 4 kubikkilizyaa 7. Nomubandika muncali wa 6, amupandulule mulimo ngwabeleka mulangizi wamulimo mukubona naa ibantu babbapatizidwe kale beelede kutalisigwa alimwi ziiyo zya Bbaibbele.—Amubone Kabbokesi Kamubuzyo mu Mulimo Wesu Wabwami wamu November 1998.
Lwiimbo 23 amupailo wakujala.
Nsondo Iitalika mu June 26
Lwiimbo 1
10 min: Zyakwaambilizya zyambungano. Amubayeezye basikumwaya boonse kuti balete malipooti amulimo wamumuunda aamu June. Amulange-lange mabbuku aakumwaya mu July. Amutondezye mabroshuwa aamusyule ngomujisi akwaamba mubufwaafwi ibubotu bwabroshuwa lyomwe-lyomwe. Amupe citondezyo calibambilwa kabotu-kabotu citondezya mbokumwaigwa mabroshuwa mumulimo. Mutalubi kwaamba bubambe bwakusanga munzila iikulwaizya.
17 min: “Kamufwambaana Kupa Akwaabilana Abeenzinyoko.” Kubuzya akwiingula. Amubikkilizye atwaambo tone itwaambwa mucibalo camutwe wakuti “Chimene Timapatsira” mu Ngazi Yamulindizi yamu Chichewa yamu November 1, 1996, amapeeji 29-30.
18 min: Amube Abusongo Bwakwiingula Bantu Bamubuzya. (Kol. 4:6) Makani alimwi amubandi abaswiilizi. Ino mutyani nomwajana muntu uubuzya makani aatali amumagwalo? Ibbuku lya Kukambitsirana kanjikanji lilagwasya kwiinda mukupa nzila zibeleka nzyomunga mwabelesya ikwiingula cabupampu. Mucikozyanyo, nokuba kuti lufwu ngusinkondeesu utiikazundwe kwiinda mucinunuzyo ca Kristo, ibamwi balisinizizye kuti taakwe niciba comwe ciyoozunda lufwu, ibamwi mane basika nkobasyoma njiisyo yakuzyalululwa. Amubandike bwiinguzi bupedwe mubbuku lya Kukambitsirana acibeela caamba kuti “Ngati Wina Anena Kuti—” amapeeji 156-7 alimwi a 321. Amubakulwaizye boonse ikulibweza bbuku ciindi coonse nobaunka mumulimo wamumuunda.
Lwiimbo 11 amupailo wakujala.
Nsondo Iitalika mu July 3
Lwiimbo 15
15 min: Zyakwaambilizya zyambungano alimwi azyakuluula zyamumulimo wamumuunda. Amulange-lange cibeela cabili ca Kabbokesi Kamubuzyo, akubona mbomunga mwaabelesya malailile aayo mumbungano yanu. Amubuzye basikumwaya ibakatalisya ziiyo mubroshuwa lya Ncayanda baluule mbobakacikonzya kucita oobo.
10 min: Ziyandika zyambungano.
20 min: Ikubelesya Njiisyo Zyamu Bbaibbele Ikusumpula Bukkale Bwamumukwasyi. Mubandi akati kabakwesu bobilo kuzwa kutwaambo tuli lusele tujanika mubbuku lya Kukambitsirana, apeeji 388. Amupandulule ikuyandika kwakugwasya basikwiiya Bbaibbele ikuziba kuti nzila ilikke yakujana lukkomano mumukwasyi nkwiinda mukumvwisya alimwi akucita ncozyaamba njiisyo zyamu Jwi lya Leza. Kwiinda mukubelesya cibalo 8 mubroshuwa lya Ncayanda, amutondezye mbocinga cacitwa eeci. Imikwasyi iitobela lulayo lwamu Bbaibbele ilayumizigwa alimwi bajana lukkomano lunji muzyaanzyo zyaluyando alukamantano. Amuluule cakuluula cili mubbuku lya Lukkomano Mumukwasyi, cibalo 13, mincali 1, 21-2.
Lwiimbo 7 amupailo wakujala