Mulongo Wamiswaangano Yamulimo
MALAILILE: Mumyezi yamiswaangano yacooko mu Mulimo Wesu Wabwami munoondandamikwa mbounooyendelezyegwa Muswaangano Wamulimo amvwiki. Mbungano zilakonzya kubikka bubambe buyandika kutegwa bakajanike ku Muswaangano Wacooko wa “Basikucita Zyaambwa mu Jwi lya Leza.” Elyo nokuyandika, amubelesye maminiti aali 15 a Muswaangano Wamulimo wamvwiki yamamanino kamutanaunka kumuswaangano wacooko ikwiinduluka malailile aagaminide kuzwa mupepa lyamukati lya Mulimo Wesu Wabwami wamu July 2000 amapeeji 3-4. Amubakulwaizye boonse ikubaa ciindi cakulanga-langa apulogilamu iisimbidwe kacitanatalika cibeela mafwumofwumo akumazuba alimwi akweezeezya makani atiibandikwe. Eci ciyoobagwasya ikugamika mizeezo kupulogilamu alimwi akulemba twaambo tugwasya. Kwaakwiinda mvwiki zyobile naa zyone kaumanide kale muswaangano, kuyakuba pulogilamu yamaminiti aali 30 yakwiinduluka twaambo tupati-pati mu Muswaangano Wamulimo. Aciindi eco, umwi aumwi unoolibambilide ikupa bwiinguzi bufwaafwi elyo bakwesu basimide botatwe ibayoopegwa kweendelezya cibeela eci nobabuzya mibuzyo. Bwiinguzi obo bweelede kutondezya mbwagwasigwa muntu ilwakwe mwini amakani aakayiigwa kumuswaangano wacooko ambwaajatikizya bukkale bwakwe alimwi ambwakonzya kwaabelesya mumulimo wamumuunda. Kulakonzya kuluulwa cikozyanyo comwe naa zyobile zisalidwe mubufwaafwi. Ikulibambila ncecintu ciyandika kapati kutegwa cibeela eci ca Muswaangano Wamulimo cikabe cikondelezya alimwi ciyiisya.
Nsondo Iitalika mu August 14
Lwiimbo 20
12 min: Zyakwaambilizya zyambungano. Zyakwaambilizya zisalidwe kuzwa mu Mulimo Wesu Wabwami. Amubandike lipooti yamu April yamulimo wamumuunda yacisi coonse alimwi ayambungano yanu. Kuceede buyo nsondo zyobilo mu August, aboobo amubakulwaizye boonse kutola lubazu mumulimo kautanamana mwezi. Amulange-lange mulongo wamiswaangano yakumamanino aamvwiki yamulimo wamumuunda.
15 min: “Yasana Lumamba Lubotu Lwalusyomo.” Majwi aantalisyo abe buyo masyoonto aatasiki kuminiti yomwe, mpoonya muzumanane amubandi wakubuzya akwiingula. Amubone twaambo tumwi kuzwa mubbuku lya Mulimo Wesu amapeeji 44-5 kujatikizya basikucitya Ciiyo Cabbuku Cambungano mbobakonzya kweendelezya mulimo wamumuunda munkamu zyabo alimwi akubikkila maanu kuli baabo ibayandika lugwasyo kutegwa kabatola lubazu akulipoota mulimo wabo lyoonse.
18 min: Milimo ya Mulangi Wamabbuku. Mulangizi wamulimo abandike amulangi wamabbuku, balalanga-langa milimo iijatikizidwe. (Amubone “Malailile Aakooda Mabbuku aa Watch Tower” S(d)-15a aakapegwa ku Mulangi Wamabbuku zibeela 2.2; 4.1; 4.4 alimwi a 10.1 kusikila ku 10.3) Ciyoogwasya ikukankaizya waawo aayandika kubikkila maanu kutegwa cimugwasye kwaabila kabotu mabbuku kaitanatalika miswaangano alimwi anoyamana. Ikuti ciindi kacimuzumizya, amulange-lange twaambo tupati-pati mucibalo camutwe wakuti “Amwaabelesye Kabotu Mabbuku Eesu” kuzwa mu Mulimo Wesu Wabwami wamu January 2000.
Lwiimbo 15 amupailo wakujala.
Nsondo Iitalika mu August 21
Lwiimbo 16
12 min: Zyakwaambilizya zyambungano. Lipooti yamaakkaunti. Amupe citondezyo calibambilwa kabotu-kabotu camumulimo wamumuunda kutondezya mbokwiingulwa mubuzyo wakuti: “Nkaambo nzi Leza waluyando ncanga walekelela mapenzi kuzumanana kwaciindi cilamfwu boobu?” (Amubone bbuku lya Kukambitsirana amapeeji 223-4) Ikuti kumamanino acitondezyo mukamwini ŋanda walitambula bbuku limwaigwa, ncibotu kwaamba majwi aali mbuli yaaya: “Mulimo wesu uli mukucitwa munyika yoonse mbwiizulwa aboobo ulagwasilizigwaa zyakusanga zyakuliyandila. Ikuti kamuyanda kusanga lino, inga ndalumba kukutambula kusanga kwanu.” Amubakulwaizye boonse kutola lubazu mumulimo kumamanino aamvwiki ino.
8 min: “Pulogilamu Mpya Yamuswaangano Waalubazu.” Makani. Amwaambilizye deeti yamuswaangano waalubazu ikuti kaizizilwe alimwi amubakulwaizye kuyoojanika buzuba boonse. Amubakulwaizye basikumwaya kutamba bantu ibapya alimwi abantu mbobaiya limwi Bbaibbele.
25 min: “Sena Mulaligwasya?” Kubuzya akwiingula.
Lwiimbo 12 amupailo wakujala.
Nsondo Iitalika mu August 28
Lwiimbo 22
10 min: Zyakwaambilizya zyambungano. Amubayeezye boonse ikuleta malipooti aamulimo wamumuunda aamu August. Basikucitya Ziiyo Zyabbuku Zyambungano beelede kubaibalusya boonse bamunkamu yabo kutegwa malipooti oonse akabikkwe antoomwe kusika mu September 6.
15 min: Ziyandika zyambungano.
20 min: “Miswaangano Ilabagwasya Bakubusi.” Mubandi wakubuzya akwiingula weendelezyegwaa mwaalu. Nomubandika muncali wa 8, amulange-lange zintu zimwi zikonzya kumugwasya kubikkila maanu alimwi akuswiilila elyo nomuli kumiswaangano. (Amubone Galamukani! yamu October 8, 1998 amapeeji 28-29.) Amubakulwaizye bazyali ikubona kuti bana babo boonse balajanika kumiswaangano lyoonse.—Amubone cakuluula mu Ngazi Yamulindizi yamu Chichewa yamu September 1, 1997 apeeji 25.
Lwiimbo 11 amupailo wakujala.
Nsondo Iitalika mu September 4
Lwiimbo 1
15 min: Zyakwaambilizya zyambungano. Amulombe baswiilizi baluule zyakabacitikila nobakali mubukambausi bwamukwiizya mumugwagwa, amuswaangano naa nobakali kupilukila kuzwa kumuswaangano wacooko.
10 min: Ikaambo Ncotuceyelwa Ciindi. Makani ayookananwaa mwaalu azwa mu Ngazi Yamulindizi yamu October 1, 1999 amapeeji 3-4.
20 min: “Sena Muli Mukuliyumya?” Makani amubandi abaswiilizi. Amubakulwaizye boonse ikulanga-langa kuyaambele kwabo mukuliyumya mumulimo wa Bunakristo. Ikuti naa kukompama kwazwidilila, cilayandika kapati ikuliyumya tobeni munzila yakumuuya. Amubikkilizye atwaambo tumwi kuzwa mu Ngazi Yamulindizi yamu October 1, 1999 amapeeji 30-1, mincali 17-21. Amutambe basikumwaya bobile naa botatwe aabo ibaliyumya cakusyomeka kwaciindi cilamfwu baluule cabagwasya mukuliyumya kwabo.
Lwiimbo 23 amupailo wakujala