Mulongo Wamiswaangano Yamulimo
Nsondo Iitalika mu April 8
Lwiimbo 4
13 min: Zyakwaambilizya zyambungano. Zyakwaambilizya zisalidwe kuzwa mu Mulimo Wesu Wabwami. Kwiinda mukubelesya nzila zili apeeji 8, amutondezye zitondezyo zyobilo zifwiifwi mbuli mbomukonzya kwaabila mamagazini aa Ngazi Yamulindizi yamu May 1 alimwi a Galamukani! yamu May 8. Ciindi coonse, kamutondezya nzila iimwi mbuli mbomukonzya kuzumanana kubandika asikutyompya mubandi uukonzya kwaamba kuti “Ndilaa nkondikomba.”—Amubone bbuku lya Kukambitsirana amapeeji 18-19.
12 min: Ziyandika zyambungano.
20 min: “Atucitile Bantu Boonse Milimo Mibotu.”a Wamana mubandi wakubuzya akwiingula, amubuzye-buzye sikumwaya omwe naa bobilo baambe mbuli mbobaya ambele mumulimo wabo.
Lwiimbo 27 amupailo wakujala.
Nsondo Iitalika mu April 15
Lwiimbo 15
10 min: Zyakwaambilizya zyambungano. Lipooti yamaakkaunti.
15 min: Nobapainiya Amuzumanane Kugwasya Bamwi. Mulangizi wamulimo wabandika amulangizi wa Ciiyo Cabbuku Cambungano, mupainiya alimwi asikumwaya. Mulangizi wamulimo abandike cibeela cakuti: Ibapainiya Bagwasilizya Bamwi, eeci cili mu Mulimo Wesu Wabwami wamu September 1998 apeeji 4. Ulabandika kuli umwi aumwi wabaabo mbali limwi ikubona lubazu aumwi ndwajisi mupulogilamu eeyi alimwi ambuli mboibeleka kabotu. Ino ncinzyi ncobakacita kutegwa bazwidilile? Mulangizi wamulimo wabatamba boonse basikumwaya kuti baambe naa kuli uuyanda lugwasyo lwamumulimo wamumuunda. Abaabo bakagwasyidwe kaindi, balakonzya kubikkilizyigwa alimwi kutegwa bapegwe lugwasyo lumbi mumbazu zyiindenyi-iindenyi zyamumulimo.
20 min: “Bubotu Bwamumulimo Waciindi Coonse.”b Amubakulwaizye bakubusi kulilembya mulimo wabupainya bwakugwasyilizya mumyezi iizya.
Lwiimbo 9 amupailo wakujala.
Nsondo Iitalika mu April 22
Lwiimbo 20
10 min: Zyakwaambilizya zyambungano. Kwiinda mukubelesya nzila zili kupeeji 8, mukutausi aatondezye citondezyo mbuli mbotukonzya kwaabilwa Ngazi Yamulindizi yamu May 1, eelyo cabili cicitwe amucizyi kwiinda mukubelesya Galamukani! yamu May 8. Camana citondezyo cimwi acimwi, amwaambe kwiinda mukwiinduluka makani aantalisyo ngobabelesya aapa kuti balaamunzi abe aluyandisyisyo.
10 min: Mutani Kumuki Kusika! Makani. Milimo iiswaangenyi akukomba kwesu ncintu ciyandika kapati akuti ciyanda “ciindi cazyo.” (Muk. 3:1) Tuyanda kuti katugwasyigwa bweelede kububambe bwa Leza bwateokrasi. Miswaangano yambungano alimwi ayakulibambila kuya mumuunda, yeelede kuti kiifwambaana kutalika aciindi cibikkidwe. Jehova taku namuka kucita milimo yakwe. (Hab. 2:3) Sena tuyanda kuti katucita kabotu kulubazu oolu? Muzyiindi zimwi, bamwi inga taku mbobakonzya kucita caboola kumakani akumuka kusika. Pele kwiinda mukulibambila kabotu, taceelede kuba cilengwa buya cakumuka kusika, ikusika lwamana lwiimbo lwakujalula muswaangano alimwi amupailo naa kusika ciindi noomana muswaangano wakulibambila kuya mumuunda. Amubandike nzila zyigwasya kutegwa bantu babe acilengwa cibotu cakufwambaana kusika nokucitwa zintu zyakumuuya.—Amubone Ngazi Yamulindizi yamu Chichewa ya June 15, 1990 apeeji 29.
25 min: “Ibbaibbele Lilijisi Nguzu.”c Amumaniizye kwiinda mukwaambaula cabusungu, pele mwaambe twaambo tuyandika kumbungano mubufwiifwi.
Lwiimbo 21 amupailo wakujala.
Nsondo Iitalika mu April 29
Lwiimbo 18
10 min: Zyakwaambilizya zyambungano. Amubayeekezye basikumwaya kuti basiye malipooti aabo amumuunda aamu April.
15 min: “Kukambauka Bwami Kupa Kuti Bantu Bafwutuke!”d Amubuzye baswiilizi baambe mbwaabeleka magwalo aali mucibalo.
20 min: Ikuvwuntauzya Kwiinda Mukubelesya Bbuku lya Kukambitsirana. Mubandi abaswiilizi. Imibuzyo kanjikanji ilabuka mumulimo kujatikizya makani aatalembedwe kumutwe wakuti “Nkhani Zazikulu” (peeji 5-6) mubbuku lya Kukambitsirana. Kumamanino aabbuku mpolilembedwe kuti “Zosonyezera” (peeji 439-45) ilagwasya kapati mukujana Magwalo aagwasyilizya lusyomo lwesu. Amubatambe baswiilizi kuti batole lubazu mukwiingula mibuzyo eeyi kwiinda mukulanga mumulongo wamitwe yazibalo zili ansi abbala lyakuti Zosonyezera kumabala aasendekede: Ino mbuti Munakristo mbwalubona lwiimbo lwacisi alimwi andembela? Ino nkaambo nzi Leza ncalekelede manyongwe kucitika? Ino mbuti mbomukonzya kupandulula ncolyaamba Ibbaibbele kumakani aakulekana? Ino nkaambo nzi alimwi ndilili bacizyi nobeelede kusama citambala? Ino buzuba Bwakulemeka Bamatumbu bucitwa mumasena aamwi bwakatalika buti? Ino tuzyiba buti kuti inamba ya 144,000 ninamba iini-ini buya iijanwa mu Bbaibbele? Ino cikozyanyo camuntu muvwubi alimwi a Lazaro caamba nzi? Amubakulwaizye boonse kuti kabalibelesya bbuku lya Kukambitsirana mumulimo.
Lwiimbo 11 amupailo wakujala.
Nsondo Iitalika mu May 6
Lwiimbo 17
10 min: Zyakwaambilizya zyambungano.
10 min: Kulibambila Limwi. Makani amubandi abaswiilizi. Amubandike zintu zili bambilidwa limwi myezi kiitanasika: kujanika kumuswaangano wacooko, kucita bupainiya bwakugwasyilizya kwamwezi omwe naa kwiinda aawo, kubamba-bamba aŋanda ambweni buya akujana ciindi cakupumuna naa kulikondelezya. Amutambe buyo bantu basyoonto kuti baambe mbobayeeya alimwi ambobaya kucita kutegwa bazumanane aciiyo camukwasyi, kujanika kumiswaangano yambungano alimwi akuya mumulimo wamumuunda, kufwumbwa bendeenda. Ikuti mbungano kaijisi cilawo citabelekwi-belekwi, amwaambilizye bubambe bwacitwa kutegwa mulimo ukabelekwe bweelede.
25 min: “Mikwasyi Miyumu Munzila Yakumuuya—Mubuti?”e Mwamana kubandika cibalo, amwaambe zyakuluula zyigwasya izizwa mu Ngazi Yamulindizi yamu March 1, 1999, peeji 3-5.
Lwiimbo 7 amupailo wakujala.
Bupanduluzi buyungizidwe
a Majwi aantalisyo aatasiki kuminiti yomwe, mpoonya muzumanane amubandi wakubuzya akwiingula.
b Majwi aantalisyo aatasiki kuminiti yomwe, mpoonya muzumanane amubandi wakubuzya akwiingula.
c Majwi aantalisyo aatasiki kuminiti yomwe, mpoonya muzumanane amubandi wakubuzya akwiingula.
d Majwi aantalisyo aatasiki kuminiti yomwe, mpoonya muzumanane amubandi wakubuzya akwiingula.
e Majwi aantalisyo aatasiki kuminiti yomwe, mpoonya muzumanane amubandi wakubuzya akwiingula.