Mulongo Wamiswaangano Yamulimo
Nsondo Iitalika mu October 14
Lwiimbo 6
10 min: Zyakwaambilizya zyambungano. Zyakwaambilizya zisalidwe kuzwa mu Mulimo Wesu Wabwami. Kwiinda mukubelesya nzila zili apeeji 8, amutondezye zitondezyo zyobile mbuli mbomukonzya kwaabila Ngazi Yamulindizi yamu November 1 alimwi a Galamukani! yamu November 8. Mucitondezyo cimwi acimwi, amutondezye nzila iindene mbuli mbomukonzya kwiingula kaambo katyompya mubandi kakuti, “Ndilizizi kale zyoonse nzyomukambauka.”—Amubone bbuku lya Kukambitsirana apeeji 20.
15 min: Ziyandika zyambungano.
20 min: “Mbobabikkila Maano Balangizi ba Ziiyo Zyabbuku Zyambungano.” Mubandi wakubuzya akwiingula uyooyendelezyegwaa mulangizi Waciiyo Cabbuku. Mumajwi aantalisyo, amupandulule mubufwaafwi bubambe bwaciiyo cabbuku mbobwakatalika. (jv 237 munc. 4) Amulibambile kakucili ciindi abasikumwaya bobile naa botatwe kuti baambe mbobagwasyigwa akaambo kakubikkilwa maano ku Ciiyo Cabbuku Cambungano.
Lwiimbo 15 amupailo wakujala.
Nsondo Iitalika mu October 21
Lwiimbo 23
10 min: Zyakwaambilizya zyambungano. Lipooti yamaakkaunti.
35 min: “Ikugwasyigwa Kapati a Muswaangano Wacooko wa ‘Basikwaambilizya Bwami Ibasungu.’” Apegwe amweendelezi wa Ciiyo ca Ngazi Yamulindizi. Mwamana kwaamba majwi aantalisyo kwaminiti yomwe, amubandike abaswiilizi kujatikizya pulogilamu yamuswaangano wacooko, kwiinda mukubelesya mibuzyo iibikidwe mucibalo. Amucaabanye kabotu ciindi canu. Twaambo tufwaafwi tulakonzya kubikkilizyigwa kutegwa baswiilizi bayeezyegwe twaambo tupati-pati. Ikuti kwayandika, amubalombe baswiilizi kuti baambe mbobali kutubelesya twaambo ntobakaiya alimwi abubotu mbobali mukujana kwiinda mukucita boobo.
Lwiimbo 7 amupailo wakujala.
Nsondo Iitalika mu October 28
Lwiimbo 9
10 min: Zyakwaambilizya zyambungano. Amubakulwaizye boonse kuti batwiinduluke twaambo tobakalemba kupulogilamu yakamana yamuswaangano waalubazu wabuzuba bomwe ikulibambila mubandi uuyoocitwa mumvwiki iitobela lya Muswaangano Wamulimo. Amubayeezye basikumwaya kuti bape malipooti aabo amumuunda aamu October. Kwiinda mukubelesya nzila zili apeeji 8, amulombe mucizi kuti atondezye mboikonzya kwaabilwa Ngazi Yamulindizi yamu November 1 alimwi amukwesu atondezye mboikonzya kwaabilwa Galamukani! yamu November 8. Camana citondezyo cimwi acimwi, amubweze kaambo komwe kakonzya kugwasya kapati ikatondezyegwa mucitondezyo.
15 min: Kuluula zyakacitika mucilawo cenu. Amubalombe baswiilizi mumbungano kuti baluule zyakabacitikila nobakali kuunka alimwi anobakali kupiluka kumuswaangano wacooko, kabali amuswaangano naa nobakali kucita bukambausi bwamukwiizya kumilimo, kucikolo, kumantoolo alimwi akumasena aambi buyo.
20 min: “Makamu-Makamu Ali Mukuyungizyigwa.” Kubuzya akwiingula. Amutwiinduluke twaambo tugwasya ituli mu Ngazi Yamulindizi yamu Chichewa yamu August 15, 1993 mapeeji 12-17.
Lwiimbo 26 amupailo wakujala.
Nsondo Iitalika mu November 4
Lwiimbo 13
10 min: Zyakwaambilizya zyambungano. Cakukosaula-kosaula, amwiinduluke nzila zisyoonto zipedwe mupepa lyamukati mu Mulimo Wesu Wabwami wamu January 2002 zijatikizya mboikonzya kwaabilwa broshuwa ya Ncayanda alimwi abbuku lya Luzibo. Amucite citondezyo kubelesya nzila yomwe.
13 min: Ikutafwa Nsoni Akaambo ka Makani Mabotu. (Rom. 1:16) Imukubusi wabasikila bausyi kuti abaambile penzi ndyajisi. Mukubusi ooyu ulayoowa-yoowa kulizyibya kuti nguumwi wa Bakamboni ba Jehova akaambo kakuyoowa kusampaulwa abeenzinyina. Bawisi bamulumba mukubusi akaambo kakutasisa kwaamba mbwalimvwa kujatikizya kaambo aaka. Bamane bapandulula Petro mbwaakacita iciindi cimwi akaambo kakuyoowa bantu. (Mt. 26:69-74) Bawisi bapa lulayo oolu: Tatweelede kufwa nsoni akaambo kakuba Banakristo. (Mk. 8:38) Cilagwasya kapati kulizyibya kuti uli umwi wa Bakamboni kucikolo. Ikuti naa bazyibisyigwa, bamayi banji baya kululemeka lusyomo lwako alimwi kunyina nobanga bakujatikizya mumicito iitasalali. Bakubusi batalilemeki kunyina nobanga bakusinikizya kapati kutola lubazu mumicito mibyaabi. Basicikolo mbomwiiya limwi bayookateelelesya kaambo ncotatoleli lubazu mukweebana, muzisobano zimwi zitali cibeela calwiiyo, antela muzintu zimwi zicitika mwamana kwiiya. Ikuti kaciciliko ciindi, wisi alimwi amukubusi babandike twaambo tuli aakatwe kasyoonto kakuti, “Kulengeza Poyera Unansi Wanu ndi Mulungu” mubbuku lya Mafunso Achichepere Akufunsa mapeeji 315-18. Mukubusi walumba kapati akaambo kalulayo lubotu oolu.
22 min: Amulibombye Kuli Leza—Amumukazye Saatani. (Jak. 4:7) Kwiinda mukubelesya mibuzyo iipedwe aawa, mwaalu asololele mubandi uukulwaizya abaswiilizi kujatikizya pulogilamu yamuswaangano waalubazu wabuzuba bomwe iyakacitwa mumwaka wamulimo wainda. Amubalombe baswiilizi mumbungano kuti baambe mbobali kuzibelesya zintu nzyobakaiya. (Zibeela zimwi zilakonzya kupedwa limwi kakucili ciindi.) Amubandike zibeela zyapulogilamu eezi: (1) “Kulibombya Kuli Leza Munyika Iili Mubuzike.” Ino nkaambo nzi ncotweelede kupakamana kweeleba zintu zyoongelezya munyika? (2) “Ikutondezya Kulibombya Kuli Leza Kamuli Cibeela Camukwasyi.” Ino nkaambo nzi kusumpula bukkale bwamukwasyi ncokuyandika kufwambaana kubikkilwa maano mumbunga ya Jehova? Mbuti mbotunga twacicita eeco? (3) “Amubagwasye Basikwiiya Bapya Kwiima Cakutazungaana Kulubazu lwa Jehova.” Ino mbuti mbotunga twabagwasya bapya kuzunda masukusyo aasunka lusyomo lwabo? (4) “Ncocipandulula Kukazya Diabolosi.” Ino ncinzi cikonzya kugwasya kapati kutegwa tuzwidilile kuzunda Diabolosi? Ino mbuti zilwanyo zyakumuuya zipandulwidwe kubbuku lya Ba-Efeso 6:11-18 mbozikonzya kutukwabilila? (w92-CN 5/15 21-3) (5) “Ibakubusi Bazwidilila Mukukazya Mubi” alimwi “Ibakubusi Bagwasyigwaa Kulibombya Kuli Leza.” Ino tukole nzi tumwi twa Saatani bakubusi tobeelede kucenjelela? Ino mbuti bakubusi mbobagwasyigwa kwiinda mukulibombya kuli Jehova? (w90-CN 8/1 13-14, minc. 15-17) (6) “Ikugwasyigwa Akulibombya Kumilawo Alimwi Akunjiisyo zya Leza.” Amupandulule Banakristo mbobatondezya kulibombya kubweendelezi bwamfwulumende, kuli basikubanjizya milimo, mumukwasyi alimwi amumbungano ya Bunakristo. Ino mbube nzi ibuyootugwasya kucita boobo?
Lwiimbo 24 amupailo wakujala.