Mulongo Wamiswaangano Yamulimo
Nsondo Iitalika mu March 8
Lwiimbo 9
10 min: Zyakwaambilizya zyambungano. Zyakwaambilizya zisalidwe kuzwa mu Mulimo Wesu Wabwami. Amubayeezye boonse bakaletelezye ibroshuwa impya ya ‘Atubone Nyika Mbotu’ ku Muswaangano Wamulimo imvwiki iiboola. Ikwiinda mukubelesya nzila zyakusaanguna zyobile izili apeeji 4, amutondezye mbomukonzya kwaabila Ngazi Yamulindizi ya April 1.
15 min: Ikubelesya Matulakiti Kutalisya Mibandi. Mubandi abaswiilizi. Ikanji-kanji icikatazya kapati mukupa bumboni nkutalisya mubandi. Matulakiti alakonzya kubelesyegwa kutalisya mibandi yabukambausi bwakuŋanda aŋanda, mumasena aamakwebo alimwi amumasena aakubuleya. Mubufwaafwi, amwiinduluke matulakiti obile naa otatwe aakonzya kubakkomanisya bantu bamu cilawo ncomubelekela. Ino mmajwi aali buti aantalisyo ngotukonzya kubelesya notwaabila matulakiti aaya? Ino mbuti zitondezyo mbozinga zyabelesyegwa? Ino mmibuzyo nzi iikonzya kubuzyigwa munzila yabupampu? Amutondezye muncali omwe mutulakiti aimwi uunga walangwa-langwa ikuti mukamwiniŋanda watondezya luyandisyisyo. Amucite citondezyo mbomukonzya kutalisya mubandi kwiinda mukubelesya tulakiti. Mubufwaafwi, sikumwaya alange-lange muncali omwe mutulakiti akumanizya kwiinda mukwaabila bbuku lya Luzibo.
20 min: “Amuyandisye Jehova Nyoonse Nobasalali Bakwe!”a Nomubandika muncali 3, amubuzye baswiilizi baambe mbobabatamba bantu ku Ciibalusyo.
Lwiimbo 11 amupailo wakujala.
Nsondo Iitalika mu March 15
Lwiimbo 5
10 min: Zyakwaambilizya zyambungano. Amulange-lange twaambo tupati-pati twa “Ziyeezyo zya Ciibalusyo.” Amwaambilizye nomuyooba a Ciiyo ca Ngazi Yamulindizi mumvwiki ya Ciibalusyo.
15 min: Milimo Iilibedelede Iiyoocitwa Muciindi ca Ciibalusyo. Mubandi abaswiilizi, uuyooyendelezyegwa amulangizi wamulimo. Amwaambe bubambe bulibedelede mbomwacita. Amwaambe zyakuluula zisyoonto zikulwaizya izyakacitika. Amukulwaizye aabo bakonzya ikulilembya kucita bupainiya bwakugwasyilizya mu April a May. Mubufwaafwi, amulange-lange twaambo tusyoonto kuzwa mupepa lyamukati mu Mulimo Wesu Wabwami wa February.
20 min: Amugwasyigwe Abroshuwa ya ‘Atubone Nyika Mbotu.’ Ibroshuwa impya ilakonzya kupa kuti kubala akwiiya Jwi lya Leza nkotucita kube kooko kugwasya kapati. Iciyandika kapati nkubelesya mulongo wanjiyo wamitwe yazibalo. Amubale Isaya 63:1, iipandulula Jehova kuti uzwa ku Bozira. Amubalombe boonse kujana busena bwa Bozira mumulongo wamitwe yazibalo wabroshuwa ya ‘Nyika Mbotu.’ Amupandulule “Bozira 11 G11” ncoyaamba, kwiinda mukubelesya kabbokesi kali apeeji 34, alimwi amujane Bozira a Edomu amaapu iitondezyedwe. Kwiinda mukubelesya mulongo wamitwe yazibalo, amujane nzila njaakainda Jesu kuzwa ku Jerusalemu kuya ku Sukari. (Joh. 4:3-5) Amubelesye mulongo wamitwe yazibalo kujana kaziba ka Betesda. (Joh. 5:1-3) Amusale icimbi citondezyo comwe naa zyobile kuzwa mukubala Bbaibbele kwansondo ansondo kwamu Cikolo Camulimo Weendelezyegwa a Leza. Amubalombe baswiilizi kwaamba mpobakonzya kwaajana masena aayo mubroshuwa ambotukonzya kugwasyigwa kwiinda mukubelesya mamaapu. Mubufwaafwi, amutondezye mamaapu aamwi aali mubroshuwa, mwaambe ciindi cakatolwa. Imaapu iili amapeeji 18-19 njiijisi masena manji aambwa mu Bbaibbele. Amubakulwaizye boonse kwiibelesya kabotu broshuwa ya ‘Atubone Nyika Mbotu.’
Lwiimbo 18 amupailo wakujala.
Nsondo Iitalika mu March 22
Lwiimbo 21
10 min: Zyakwaambilizya zyambungano. Ilipooti yamaakkaunti. Amubakulwaizye boonse ikutobela mulongo wakubala Bbaibbele wa Ciibalusyo ikutalikila mu March 30 kusikila mu April 4, mbubonya mbokutondezyedwe mukabbuku ka Kulingaula Magwalo Buzubaa Buzuba—2004 alimwi amu Kkalenda ya 2004.
15 min: Ziyandika zyambungano.
20 min: “Ikusaala Kwabasinkondo Basimbizi Ikumujatikizya.”b Ikuti ciindi kaciciliko, amubale akubandika magwalo aatazubuludwe.
Lwiimbo 25 amupailo wakujala.
Nsondo Iitalika mu March 29
Lwiimbo 4
10 min: Zyakwaambilizya zyambungano. Amubayeezye basikumwaya kuti bape malipooti aabo amumulimo wamumuunda aamu March. Amwaambe mabbuku aakumwaya mu April. Kwiinda mukubelesya nzila zyamamanino zyobile zili apeeji 4, amutondezye mboikonzya kwaabilwa Ngazi ya Yamulindizi ya April 1.
15 min: Amwiibelesye Kabotu 2004 Yearbook. Makani alimwi amubandi abaswiilizi. Amwaambe twaambo tupati-pati mu “Lugwalo Kuzwa ku Kabunga Keendelezya,” myeelwe yaatala kuzwa mulipooti yanyika yoonse, alimwi azyakuluula zisyoonto iziyumya lusyomo. Amubakulwaizye boonse babala Cingisi kulibala bbuku lyoonse mumwaka uuno. Ikuti Yearbook kiitako, amwaambe twaambo tupati-pati twalipooti yanyika yoonse kuzwa mu Ngazi Yamulindizi ya January 1, 2004.
20 min: “Muswaangano Wacooko wa Bakamboni ba Jehova Wamu 2004 wa ‘Amweende a Leza.’” Akananwe amulembi wambungano. Mwamana kulanga-langa muncali 1, amubale lugwalo lwa CO March 15, 2004 lwamuswaangano wacooko lwaamba nkomubalilwa. Amukulwaizye boonse kucita bubambe ndilyona lino bwakuyoojanika kumuswaangano wacooko.
Lwiimbo 22 amupailo wakujala.
Nsondo Iitalika mu April 5
Lwiimbo 3
10 min: Zyakwaambilizya zyambungano.
20 min: Ibulondo Bwaamubili Bupa Kuti Bamwi Balumbaizye. Makani aazwa mu Ngazi Yamulindizi ya June 1, 2002 amapeeji 28-30. Amubikkilizye acitondezyo oomo mwaalu mwatondezya mupainiya mbwakonzya kugwasya sikwiiya Bbaibbele munzila yabupampu kubona mbokuyandika kubamba ŋanda alimwi alubuwa kuti kazisalala lyoonse, kwiinda mukubelesya ciiyo 9, imuncali 5 mubroshuwa ya Ncayanda.
15 min: Amwaambe zyakuluula zyakacitika ciindi ca Ciibalusyo azyakuyungizyigwa kwamulimo mu March.
Lwiimbo 14 amupailo wakujala.
Bupanduluzi buyungizidwe
a Majwi aantalisyo aatasiki kuminiti yomwe, mpoonya muzumanane amubandi wakubuzya akwiingula.
b Majwi aantalisyo aatasiki kuminiti yomwe, mpoonya muzumanane amubandi wakubuzya akwiingula.