Mulongo Wamiswaangano Yamulimo
Nsondo Iitalika mu November 8
Lwiimbo 3
10 min: Zyakwaambilizya zyambungano. Zyakwaambilizya zisalidwe mu Mulimo Wesu Wabwami. Mulimo waalubazu wakwaabila broshuwa ya Amulangile Lyoonse! uya kumana mu November 14. Mumazuba aamwi aamwezi wa November, tuya kumwaya ibbuku lya Amwiiye ku Mwiiyi Mupati. Mubufwaafwi, amwiinduluke nzila zipedwe mu Mulimo Wesu Wabwami wa May 2004 apeeji 3.
15 min: Amugwasyigwe Kapati ku Muswaangano Wamulimo. Mubandi abaswiilizi mubbuku lya Mulimo Wesu apeeji 71-2. Ino muunzila zili buti zyosanwe oomo Muswaangano Wamulimo moutugwasya kuyaambele mbotuli babelesi Banakristo? Amupe zikozyanyo kuzwa kumapulogilamu aamyezi yaino-ino. Ino nimpindu nzi zijanika mukulibambilila limwi? Nkaambo nzi kuswaangana lyoonse ncokuyandika? Ino Ndugwalo nzi ndotweelede kubelesya mukubungana ooku?
20 min: “Amuzumanane Kubikkila Maano Kukumana Kwaciindi!”a Amubikkilizye atwaambo kuzwa mu Ngazi Yamulindizi yamu February 1, 2000 apeeji 6-7.
Lwiimbo 15 amupailo wakujala.
Nsondo Iitalika mu November 15
Lwiimbo 18
10 min: Zyakwaambilizya zyambungano. Ikuti nzila zili apeeji 4 kazyibeleka kabotu mucilawo cambungano yenu, amuzibelesye kutondezya mbomunga mwamwaya Ngazi Yamulindizi ya December 1. Azimwi zitondezyo zigwasya inga zyabelesyegwa.
15 min: Mbuugwasyilizyigwa Mulimo. Makani kuzwa mubbuku lya Tuliyanzene Kukumanizya Mulimo Wesu apeeji 124-26.
20 min: Amubabikkile Maano Bantu Kwiinda Mukubelesya Broshuwa Mpya. Makani amubandi abaswiilizi abandikwe amulangizi wamulimo. Tweelede kujokela kuya kumubona aumwi wakatambula broshuwa ya Amulangile Lyoonse! Kwiinda mukulanga-langa zili mukati apeeji 2, mubufwaafwi amwaambe zili mubroshuwa akubikkila maano kumabala aali muzibeela (aaccilila mabala aasiisya). Aaya makani inga abelesyegwa mukutalisya mubandi kwiinda mutwaambo twakabandikwa. Mucikozyanyo, ikuti naa apeeji 3-4 akabandikwa mulweendo lwakusaanguna mucibeela cakuti, “Sena Ncobeni Leza Ulatulanganya?” cili apeeji 5 inga cabelesyegwa munyendo zyakujokelela. Amubandike mbocinga cacitwa eeco. Amwiinduluke atumwi twaambo tuli muzibeela naa mabala aasiisya mbuli tooto tuli apeeji 6-8 a 17-18 naa tumwi twaambo tukonzya kugwasya mucilawo cenu. Amutondezye mbomukonzya kucita nyendo zyakujokelela kwiinda mukubelesya nzila yomwe iili akati kazibeela naa mumabala aasiisya. Mulakonzya kubala akubandika lugwalo lomwe naa obilo aayo aapedwe. Sikumwaya wamanizya kwiinda mukubikkila maano kuzibeela zijisi mabala aasiisya ziya kubandikwa mulweendo lutobela.
Lwiimbo 4 amupailo wakujala.
Nsondo Iitalika mu November 22
Lwiimbo 5
10 min: Zyakwaambilizya zyambungano. Kulanga-langa nkomwi yamali yambungano.
15 min: Ziyandika zyambungano.
20 min: Kutalisya Ziiyo zya Bbaibbele Kuli Baabo Bakatambula Broshuwa Mpya. Makani amubandi abaswiilizi abandikwe amulangizi wamulimo. Mubufwaafwi, amwiinduluke zitondezyo zyakucita nyendo zyakujokelela zyakatondezyegwa mu Muswaangano Wamulimo wakainda, ikapati mwaambe twaambo tuli mucibeela naa mumabala aasiisya twakaambwa kumamanino alweendo oolo. Amubelesye mbabonya basikumwaya (kuti kacikonzyeka) mubelesye makani ngeena aaya kucita citondezyo calweendo lwakujokelela lutobela. Sikumwaya wabelesya civwumbyo cabroshuwa kwaamba bubambe bwaciiyo ca Bbaibbele, alimwi bacita bubambe bwakwiiya ciiyo 1 mubroshuwa ya Ncayanda mulweendo lutobela. Amubakulwaizye boonse kubikkila maano kutalisya ziiyo zya Bbaibbele abaabo bakatambula broshuwa ya Amulangile Lyoonse!
Lwiimbo 21 amupailo wakujala.
Nsondo Iitalika mu November 29
Lwiimbo 7
10 min: Zyakwaambilizya zyambungano. Amubayeezye basikumwaya kuti bape malipooti aabo aamumulimo wamumuunda aamu November. Amutondezye mbokwaabilwa Ngazi Yamulindizi ya December 1.
10 min: Kabbokesi Kamubuzyo. Akananwe amwaalu.
25 min: “Ikweendelezya Ziiyo zya Bbaibbele Ziyaambele—Cibeela 3.”b Amubelesye mibuzyo iibikkidwe. Mwamana kubandika muncali 3, amubikkilizye acitondezyo mubufwaafwi caciiyo ca Bbaibbele mubroshuwa ya Ncayanda, iciiyo 5 muncali 1. Muncali wabalwa kale amubuzyo waingulwa. Weendelezya ciiyo asikwiiya babale akubandika Isaya 45:18 a Mukambausi 1:4. Weendelezya ciiyo abuzye mubuzyo muuba-uba kutegwa sikwiiya apandulule mbuli lugwalo mboluswaangene akaambo kabandikwa.
Lwiimbo 8 amupailo wakujala.
Nsondo Iitalika mu December 6
Lwiimbo 20
10 min: Zyakwaambilizya zyambungano. Amwaambe mabbuku akumwaya mu December. Amutondezye citondezyo comwe naa zyobilo zikonzya kubelesyegwa mukumwaya bbuku lya Muntu Mupati.
20 min: “Sena Inga Mwagwasya?”c Amubuzye-buzye sikumwaya omwe naa bobilo aabo bakatondezya kulumba kulugwasyo ndobakapegwa naa bakakulwaizyigwa abamwi.
15 min: Zyakuluula zyakacitika nkomuzwa. Amubalombe baswiilizi baambe zyakabacitikila zibotu kuli baabo nkobakasiya broshuwa ya Amulangile Lyoonse! Amulibambile kakucili ciindi kutegwa bakaambe zyakuluula zigwasya. Amubalumbaizye boonse akaambo kakubeleka cabunkutwe mumulimo waalubazu.
Lwiimbo 9 amupailo wakujala.
Bupanduluzi buyungizidwe
a Majwi aantalisyo aatasiki kuminiti yomwe, mpoonya muzumanane amubandi wakubuzya akwiingula.
b Majwi aantalisyo aatasiki kuminiti yomwe, mpoonya muzumanane amubandi wakubuzya akwiingula.
c Majwi aantalisyo aatasiki kuminiti yomwe, mpoonya muzumanane amubandi wakubuzya akwiingula.