Nzyomweelede Kwaamba Kujatikizya Mamagazini

Ngazi Yamulindizi July 1

“Ibbaibbele yaamba kuti tweelede kuleka kucita zibi kutegwa tutambulwe a Leza. Sena eeci caamba kuti muntu wa Leza lyoonse inga kacita buyo ziluzi? [Amulindile bwiinguzi.] Eeyi magazini itondezya zibi zyaakacita Davida iwakali muntu ‘uuzuminwa amoyo wa Leza’ ncitondezyo cakuti cilayandika kulicesya kuli Leza alimwi akuzumina kulubizya kwesu.” Amubale 2 Samuele 12:9, 13.

Ngazi Yamulindizi July 1

“Ikuti mwaambilwa kuti mwaambe zintu nzyomuyanda kucitila mukwasyi wanu kutalikila kucintu ncomuyandisya, ncinzi ncomunga mwasaanguna kwaamba? [Amulindile bwiinguzi. Mpoonya mubale Matayo 4:4; 5:3.] Magazini eeyi ilabandika ncobakonzya kucita bazyali kutegwa bajanine mikwasyi yabo zintu zyakumubili alimwi akutaluba kucita oobo kuzintu zyamuuya.”

Ngazi Yamulindizi July 1

“Toonse tulibazyi bantu balibonya kuti bapona kabotu pele ibayeeya kuti kuli cintu cimwi ncobatajisi. Ino muyeeya kuti ncinzi ncobayandaula? [Amulindile bwiinguzi. Mpoonya mubale Matayo 5:3.] Magazini eeyi ilabandika nzila iiyandika kapati iinga yatupa kuliiba—akujana zintu nzyotuyandika kumuuya.”

Ngazi Yamulindizi July 1

“Munyika sunu bantu balakatazyigwa amakani mabi amwaigwa aamba malwazi aajaya alimwi antenda zyavwula munyika. Munyika eeyi izwide mapenzi, sena makani mabotu kuli nakonzya kumvwugwa? [Amulindile bwiinguzi.] Magazini eeyi ilatondezya kuti tulakonzya kulangila ciindi cibotu eelyo kuciswa, nzala, milandu, nkondo alimwi akudyaamininwa koonse nokuyoogusyigwa a Bwami bwa Leza.” Amubale Intembauzyo 72:12.