Kwiinduluka Kwamu Cikolo Camulimo Weendelezyegwa A Leza
Mibuzyo iitobela iyoobandikwa mu Cikolo Camulimo Weendelezyegwa a Leza munsondo iitalika mu August 29, 2005. Mulangizi wacikolo uyooyendelezya mubandi wakwiinduluka wamaminiti aali 30 kujatikizya makani aakabandikwa kuzwa munsondo iitalika mu July 4 kusikila munsondo iitalika mu August 29, 2005. [Malailile: Kujatikizya mibuzyo iitajisi bbuku litondezya nkobujanwa bwiinguzi, mweelede kuvwuntauzya kutegwa mujane bwiinguzi.—Amubone bbuku lya Cikolo Camulimo, pp. 36-7.]
ZIBEELA ZYAKUKANANA
1. Notwaamba zyalusyomo lwesu kuli bamwi, mbuti mbotukonzya kutondezya ‘butontozi bwesu kuti buzibwe kubantu boonse’ alimwi ino nkaambo nzi eeci ncociyandikila? (Flp. 4:5; Jak. 3:17) [be p. 251 munc. 1-3, kabbokesi]
2. Ino kuziba notweelede kulibombya inga kwatugwasya buti notubandika abamwi? [be p. 253 munc. 1-2]
3. Ino nkaambo nzi ncokuyandika kapati kwiibelesya kabotu mibuzyo ciindi notugwasya bamwi kumvwisya kaambo kamwi? [be p. 253 minc. 3-4]
4. Ino zintu nzi ziyandika kubikkila maano kutegwa makani abazule bantu? [be p. 255 minc. 1-4, kabbokesi; p. 256 munc. 1, kabbokesi]
5. Ncinzi ncotweelede kuyeeya kuti naa tukanza kubelesya kaambo katazwi mu Bbaibbele kutegwa tusinizye kaambo kazwa mu Magwalo? [be p. 256 minc. 3-5, kabbokesi]
KUBALA BBAIBBELE KWANSONDO ANSONDO
6. Amwaambe nzila zyotatwe Jehova mwatondezya kuti ulazilanga kabotu zintu? [1 Bam. 22:19-22]
7. Ino ciiyo nzi ncotukonzya kwiiya notubona mbwaakacita musinsimi Elisha? [2 Bam. 3:11]
8. Ino mazubaano mbaani ba Jehu a Jonadabu? [2 Bam. 10:15]
9. Ino mbuti bantu mbubabasyoma baleza batali bamasimpe? [1 Bam. 18:26, 29]
10. Ino mbuti kusungwaala kwabantu mbokukonzya kupa kuti cintu cimwi cibote? [1 Bam. 19:10]
11. Ino minsende yobilo yakali kumanjililo aantempele yakayakwa a Solomoni yakaulikwa azina lya Jakini a Boazi yakali kwiiminina nzi? (1 Bam. 7:15-22)
12. Sena cipego ca Solomoni caminzi iili 20 mucisi ca Galilaya ncaakapa Mwami Hiramu waku Turo cakali kweendelana a Mulawo wa Musa? (1 Bam. 9:10-13)
13. Ncinzi ncotukonzya kwiiya kuzwa kukutamvwa kwa “muntu wa-Leza”?
14. Mmunzila iili buti Mwami Asa waku Juda mbwaakatondezya kuba sicamba alimwi nciiyo nzi ncotukonzya kwiiya kucikozyanyo cakwe? (1 Bam. 15:11-13)
15. Ino kulyeetezya nkwaakacita Mwami Ahabu a Naboti kuletela mapenzi nzi? (1 Bam. 21:1-16)