Mulongo wa Miswaangano ya Mulimo

Nsondo Iitalika mu October 10

Lwimbo 17

10 min: Zyakwaambilizya zyambungano. Zyakwaambilizya zisalidwe mu Mulimo Wesu wa Bwami. Amubelesye nzila zili apeeji 8 (ikuti kazigwasya mucilawo momubelekela) kutondezya mboikonzya kwaabilwa Ngazi Yamulindizi ya November 1. Camana citondezyo acimwi, amwaambe bubotu bwanzila eeyo. Kuyungizya waawo, amwaambe zibalo azimbi zikonzya kubakkomanisya bantu bali mucilawo momubelekela.

15 min: Sena Mulijisi Cilengwa Cibotu Cakubala? Mubandi abaswiilizi kuzwa mutubeela tusalidwe twabbuku lya Cikolo Camulimo, mapeeji 21-6. Ncinzi cibikkilizyidwe mububambe bwesu bwakubala? (p. 21, kabbokesi) Nkaambo nzi ncociyandika kuti katubala mabbuku ngotupegwa? (p. 23, munc. 2) Ncinzi ciyandika kutegwa tuzumanane abubambe bubotu bwakubala? (p. 26, munc. 3-4) Mbuti mbomujana ciindi cakubala mamagazini aa Ngazi Yamulindizi a Galamukani!? Ino kucita boobo kwamugwasya buti?

20 min: “Amuzumanane Kwaamba Jwi lya Leza Cabusicamba.”a Amubalombe baswiilizi baambe ibukkale bukonzya kupa kuti cikatazye kupa bumboni cabusicamba. Ncinzi cabagwasya kupa bumboni cabusicamba?

Lwimbo 78 amupailo wakujala.

Nsondo Iitalika mu October 17

Lwimbo 36

10 min: Zyakwaambilizya zyambungano. Kwiinda mukubelesya cibeela 3 cili apepa lyamukati lya Mulimo Wesu wa Bwami wa September 2005, amwiinduluke kwaamba kaambo komwe naa tobile tujatikizya mbwaakonzya kubelesyegwa kabotu Magwalo mukweendelezya ziiyo zya Bbaibbele.

15 min: Amumukazye Diabolosi. Makani akananwe amwaalu kuzwa mu Ngazi Yamulindizi ya November 1, 2002 mapeeji 8-11, mincali 1-13.

20 min: “Amubabikkile Maano Ibamwi—Kwiinda Mukuba Aluzyalo.”b Amutambe baswiilizi baambe mbotukozya kutondezya luzyalo kubantu notutola lubazu mumulimo wamumuunda. Mbazu azimbi zijatikizya mbotukonzya kubabikkila maano ibamwi ziyoolangwa-langwa kumbele mu Mulimo Wesu wa Bwami.

Lwimbo 2 amupailo wakujala.

Nsondo Iitalika mu October 24

Lwimbo 68

10 min: Zyakwaambilizya zyambungano. Amubale lipooti yankomwi yamali alugwalo lutondezya kuti mali aakasangwa akatambulwa. Kwiinda mukubelesya nzila zili apepa lyamukati lya Mulimo Wesu wa Bwami wa January 2005 naa nzila imbi ikonzya kubeleka mucilawo momubelekela, amutondezye mbwaakonzya kwaabilwa mabbuku aamwayigwa mu November.—Amubone Mulimo Wesu wa Bwami wamu January 2005, p. 8, munc. 5.

15 min: Ziyandika zyambungano.

20 min: Kutondezya Zyeelelo zya Leza Munsamino Yesu a Mukulibamba. Makani amubandi abaswiilizi akananwe amwaalu kuzwa mu Ngazi Yamulindizi ya August 1, 2002, mapeeji 30-32. Amubalombe baswiilizi baambe ikuboneka kabotu mbokukonzya kupa kuti tupe bumboni.

Lwimbo 153 amupailo wakujala.

Nsondo Iitalika mu October 31

Lwimbo 209

10 min: Zyakwaambilizya zyambungano. Amubayeekezye basikumwaya kuti bape malipooti amumulimo wamumuunda amu October. Kwiinda mukubelesya nzila zili apeeji 8 (ikuti kazigwasya mucilawo momubelekela) amutondezye mboikonzya kwaabilwa Ngazi Yamulindizi ya November 1. Mucitondezyo cimwi, amwaambe mpomuyootalikila kubandika mukuswaya kutobela kwiinda mukubatondezya izili mukabbokesi kakuti “Mukumwaya Kutobela.”—Amubone Mulimo Wesu wa Bwami wa October 1998, p. 8, minc. 7-8.

15 min: Amuyungizye Luyandisyisyo Kwiinda Mukubatolela Mamagazini Lyoonse. Makani amubandi abaswiilizi kuzwa mu Mulimo Wesu wa Bwami wa May 2005, peeji 8. Mbuti mbotukonzya kutalika kutolela bantu mamagazini lyoonse? (munc. 1) Mbuti mbotukonzya kulibambila kubelesya lugwalo lomwe mumibandi iili mbwiibede? (munc. 3) Nkaambo nzi ncotuteelede kubala buyo lugwalo lusalidwe? (munc. 4) Mbuti mbotukonzya kupa kuti bantu mbotutolela mamagazini lyoonse batalike kwiiya Bbaibbele? (munc. 5) Amubikkilizye acitondezyo casikumwaya uuli mukubandika amuntu ngwatolela mamagazini lyoonse kwiinda mukubelesya lugwalo lomwe.

20 min: Ibakubusi Bakayanda Kasimpe. Makani akananwe amwaalu kuzwa mu Ngazi Yamulindizi ya October 1, 2002, mapeeji 19-21. Amulibambile kakucili ciindi kutegwa mukubusi omwe naa bobile baambe mapenzi ngobajana kucikolo alimwi acabagwasya kuti baalanganye cakuzwidilila.

Lwimbo 222 amupailo wakujala.

Nsondo Iitalika mu November 7

Lwimbo 39

5 min: Zyakwaambilizya zyambungano.

20 min: Amuyungizye Ciindi Cakubikkila Maano Lyamiswaangano. Makani amubandi abaswiilizi kuzwa mu Ngazi Yamulindizi ya October 1, 2002, mapeeji 10-11, mincali 11-14. Amwiinduluke kubandika nzila zipedwe alimwi amubalombe baswiilizi baambe icabagwasya kuti bagwasyigwe kapati amiswaangano yambungano.

20 min: “Amube Aluzyibo Mukugwasya Bamwi Kuti Bakabone Kaambo.”c Amubalombe basikumwaya bali mbobabede baambe mbobacikonzya kugwasya bantu ibali mubukkale busiyene-siyene bamucilawo momubelekela kukabona kaambo.

Lwimbo 50 amupailo wakujala.

Bupanduluzi buyungizidwe