Mulongo Wa Miswaangano Ya Mulimo

Nsondo Iitalika mu January 8

Lwiimbo 12

10 min: Zyakwaambilizya zyambungano. Amubakulwaizye boonse kweebelela vidiyo ya No Blood—Medicine Meets the Challenge mukulibambila mubandi uuyoocitwa lya Muswaangano wa Mulimo wansondo ya January 22. Ooko vidiyo nkoitako, amubalombe basikumwaya kulanga-langa bbuku lya Ino Ncinzi Cini Bbaibbele Ncoliyiisya? mapeeji 129-133, mincali 10-19. Kubelesya nzila zili apeeji 4 naa nzila zimwi zigwasya mucilawo canu, amutondezye mboikonzya kwaabilwa Ngazi Yamulindizi ya February 1 alimwi a Awake! ya January. Mucitondezyo cimwi, amutondezye mbotukonzya kumwiingula cabupampu sikutyompya mubandi waamba kuti “Ndijisi bubi.”—Amubone bbuku lya Kukambitsirana, pp. 19-20.

15 min: Kugwasyigwa Kuzwa ku Kulingaula Magwalo Abuzuba. Makani amubandi abaswiilizi kuzwa amakani mataanzi ali mukabbuku ka Kulingaula Magwalo Abuzuba—2007. Amwaambe mbociyandika kuli boonse kutola maminiti aali mbwaabede abuzuba kulanga-langa Lugwalo amakani aalusindikila. Amulibambile kakucili ciindi kutegwa muntu omwe naa bobile baambe bubambe mbobajisi bwakulanga-langa lugwalo lwabuzuba alimwi ambobagwasyigwa. Amumanizye kwiinda mukubandika mubufwaafwi lugwalo lwamwaka wa 2007.

20 min: Amukambauke Makani Mabotu Kumuntu Uuli Oonse. Makani amubandi abaswiilizi kuzwa mubbuku lya Bakamantene Mukucita Kuyanda kwa Jehova, peeji 92 kuyoosika kukatwe kamakani kali apeeji 102.

Lwiimbo 165 amupailo wakujala.

Nsondo Iitalika mu January 15

Lwiimbo 93

10 min: Zyakwaambilizya zyambungano. Zyakwaambilizya zisalidwe kuzwa mu Mulimo Wesu wa Bwami.

15 min: Sena Kuli Cintu Cimulesya? Makani akananwe amwaalu kuzwa mu Ngazi Yamulindizi ya April 1, 2002, mapeeji 23-25.

20 min: “Tandiyandi.”a Nomubandika muncali 4, amubalombe baswiilizi kwaamba twaambo ntobabikkila maanu bantu mucilawo cambungano. Amube azitondezyo zifwaafwi zyobile kutondezya mbotukonzya kumwiingula sikutyompya mubandi waamba kuti “Tandiyandi.”—Amubone bbuku lya Kukambitsirana, p. 16.

Lwiimbo 135 amupailo wakujala.

Nsondo Iitalika mu January 22

Lwiimbo 224

10 min: Zyakwaambilizya zyambungano. Amubale lipooti yankomwi yamali alugwalo lutondezya kuti mali aakasangwa akatambulwa. Kubelesya nzila zili apeeji 4 naa nzila zimwi zigwasya mucilawo canu, amutondezye mboikonzya kwaabilwa Ngazi Yamulindizi ya February 1 alimwi a Awake! ya February. Mucitondezyo cimwi, amutondezye kupilukila kumuntu ngobatolela mamagazini lyoonse.

10 min: Ziyandika zyambungano.

25 min: “Busilisi Bubotu Kapati—Ino Buli Buti?” Akananwe amwaalu. Amutalike mubandi wavidiyo ya No Blood abaswiilizi kwiinda mukubelesya mibuzyo iibikkidwe mucibalo. Amumanizye kwiinda mukubala muncali wamamanino alimwi akubakulwaizya boonse kuzilanga-langa kabotu-kabotu zibalo zya Ngazi Yamulindizi zibikkidwe. Ooko vidiyo nkoitako, amubandike abaswiilizi makani aali mubbuku lya Ino Ncinzi Cini Bbaibbele Ncoliyiisya? mapeeji 129-133, mincali 10-19.

Lwiimbo 188 amupailo wakujala.

Nsondo Iitalika mu January 29

Lwiimbo 55

10 min: Zyakwaambilizya zyambungano. Amubayeezye basikumwaya kuti bape malipooti aamulimo wamumuunda aamu January. Amwaambe mabbuku aakumwaya mu February, alimwi amube acitondezyo kubelesya nzila yomwe.

20 min: “Sena Mulilibambilide Kuntenda Zilicitikila?”b Akananwe amwaalu. Amubikkilizye atwaambo tuli mu Kabbokesi Kamubuzyo mu Mulimo Wesu wa Bwami wa January 2005.

15 min: Bubambe Bwaluyando Bwakutugwasya. Akananwe amwaalu. Amubale akubandika lugwalo lwakazwa kuofesi yamutabi lwamu January 3, 2007 lwakatuminwa mbungano zyoonse lujatikizya nzila mbotukonzya kugwasyigwa kumilimo iicitwa aba Hospital Liaison Committee (HLC) alimwi aba Kakamu Kaswaya Balwazi (PVG).

Lwiimbo 137 amupailo wakujala.

Nsondo Iitalika mu February 5

Lwiimbo 3

10 min: Zyakwaambilizya zyambungano.

15 min: Ndili Umwi wa Bakamboni ba Jehova! Makani amubandi abaswiilizi. Bakubusi bamwi baleenkeenka kulyaamba kuti mbamwi ba Bakamboni ba Jehova akaambo kakuyeeya kuti beenzinyina inga babafwubaazya. Nokuba boobo, kuli twaambo tubotu ncomweelede kulipandulula. Cakutazumbauzya, bamayi bamuzi bayoozilemeka nzyomusyoma alimwi tabakamusungilizyi kutola lubazu mumicito iitaluzi. Bakubusi batalilemeki kunyina nobanga bamusinikizya kutola lubazu mumicito mibyaabi. Bamwi bayootumvwisya twaambo ncomutatoleli lubazu muzintu zimwi mbuli mukusyabana alimwi amuzisobano zyakucikolo alimwi azisobano zimwi zicitika mwamana kwiiya. Alimwi muyooleka kuyoowa kujatikizya kukambauka acikolo naa kuswaanganya sicikolonyoko nomukambauka mucilawo. (g02-CN 4/8 p. 16) Amubalombe basikumwaya kwaamba mbobagwasyigwa kwiinda mukulipandulula kuba Bakamboni ba Jehova kucikolo. Inga mwalibambila kaambo komwe naa tobile kakucili ciindi.

20 min: “Luyando—Inzila Iipa Kuzwidilila Kapati Mumulimo.”c Amubikkilizye atwaambo tuli mu Ngazi Yamulindizi ya February 1, 2003, peeji 32, mincali 16-17.

Lwiimbo 83 amupailo wakujala.

Bupanduluzi buyungizidwe