Mulongo Wa Miswaangano Ya Mulimo

Nsondo Iitalika mu January 14

Lwiimbo 41

10 min: Zyakwaambilizya zyambungano. Zyakwaambilizya zisalidwe kuzwa mu Mulimo Wesu wa Bwami. Kubelesya nzila zili apeeji 8 naa nzila zimwi zigwasya mucilawo canu, amutondezye mboikonzya kwaabilwa Ngazi Yamulindizi ya January–March alimwi a Awake! ya January.

15 min: “Kamucibelesya Kabotu Ciindi Nomuli Mumulimo.”a Amubuzye-buzye mukwesu uuli acitondezyo cibotu mukusololela kabotu muswaangano wakuya mumulimo wamumuunda. Ino ulibambila buti kutegwa agwasye baabo baunka mumulimo akuti bacibelesye kabotu ciindi nobali mumuunda?

20 min: “Kwaamba Kwanu Kulweezegwe Amunyo.”b Mwasika mumuncali 2, amubale Johane 4:7-15, 39.

Lwiimbo 85

Nsondo Iitalika mu January 21

Lwiimbo 215

10 min: Zyakwaambilizya zyambungano. Amwaambe mabbuku aakumwaya mu February, alimwi amube acitondezyo kubelesya nzila yomwe. Amubakulwaizye boonse kweebelela vidiyo ya Transfusion-Alternative Health Care—Meeting Patient Needs and Rights kulibambila mubandi uuyoocitwa lya Mumuswaangano wa Mulimo munsondo ya February 4. Ividiyo eeyi nkoitako basikumwaya balakonzya kulibala alimwi bbuku lya Ino Ncinzi Cini Bbaibbele Ncoliyiisya? amapeeji 128-133, mincali 10-19.

10 min: Sena Mulakabelesya Kabbuku ka Kulingaula Magwalo Abuzuba? Makani amubandi abaswiilizi kuzwa mucibalo cili kumatalikilo mukabbuku ka Kulingaula Magwalo Abuzuba—2008. Amubandike ncokuyandika kujana ciindi abuzuba cakulanga-langa Lugwalo amakani aalusindikila. Amubatambe baswiilizi baambe bubambe mbobabikkide bwakubala lugwalo lwa buzuba alimwi ambobagwasyigwa. Muntu omwe naa bobilo balakonzya kulibambila kakucili ciindi. Mubufwaafwi amulange-lange lugwalo lwamwaka wamu 2008.

25 min: “Kukambauka Makani Mabotu.”c (Minc. 1-10) Akananwe amulangizi wamulimo. Amubuzye-buzye sikumwaya omwe naa bobilo ibakabeleka kabali bapainiya bakugwasilizya mwaka wamana nokuba kuti bakajisi bubi naa bakali kuciswa. Ino bakacikonzya buti kucita obo? Ino zintu nzi zyakacitika zyakabakkomanisya? Mwasika mumuncali 7, amwaambe bubambe bwamiswaangano yamulimo yamumuunda mbwiiya kuba mu March, April amu May.

Lwiimbo 177

Nsondo Iitalika mu January 28

Lwiimbo 52

10 min: Zyakwaambilizya zyambungano. Amubayeezye basikumwaya kuti bape malipooti aamulimo wamumuunda aamu January. Amubale lipooti yankomwi yamali alugwalo lutondezya kuti mali aakasangwa akatambulwa. Mubandi abaswiilizi kuzwa mu Ngazi Yamulindizi ya January–March a Awake yamu February. Mwamana kwaamba twaambo tujanika mumagazini aimwi mubufwaafwi, amubuzye baswiilizi zibalo zikonzya kukkomanisya bantu mucilawo alimwi akaambo ncobayeeyela boobo. Amulombe baswiilizi kuti baambe kaambo keni kali mucibalo nkobayeeya kubelesya. Ino mubuzyo nzi uukonzya kubuzigwa kutegwa mutalisye mubandi? Ndugwalo nzi luli mucibalo lukonzya kubalwa? Ino lugwalo lweendelana buti aacibalo? Ikubelesya nzila zyacikonzyanyo zili apeeji 8, amutondezye magazini aimwi mboikonzya kwaabilwa.

20 min: “Kukambauka Makani Mabotu.”d (Mincali 11-17) Ikuti kamutujisi tupepa twaalubazu twakutamba bantu ku Ciibalusyo, mulakonzya kubapa boonse bajanika mwasika mumuncali 14. Amwaambe bubambe mbomwabikka bwakwaabila tupepa ootu mucilawo cenu.

15 min: “Amubagwasye Basikwiiya Bbaibbele Kuba Basikumwaya ba Makani Mabotu aa Bwami.”e Ikuti naa ciindi cilazumizya, amutambe baswiilizi kwaamba ncaamba magwalo aabikkidwe.

Lwiimbo 22

Nsondo Iitalika mu February 4

Lwiimbo 161

10 min: Zyakwaambilizya zyambungano. Amwiinduluke zili mu Kabbokesi Kamubuzyo.

10 min: Ziyandika zyambungano.

25 min: “Sena Mulasumpya?” Akananwe amwaalu. Ikutalisya mubandi abaswiilizi kuzwa muvidiyo yakuti Patient Needs and Rights, amubelesye mibuzyo iili mucibalo. Kumamanino mulakonzya kubala muncali wamamanino akubakulwaizya boonse kuti kabaziinduluka-induluka kuzibala zibalo zili mu Ngazi Yamulindizi amu Mulimo Wesu wa Bwami. Amupandulule mbobakonzya kugwasigwa aabo batanaisola nzila eeyo iili mupepa lyamukati mu Mulimo Wesu wa Bwami wamu November 2006, kutegwa basale tubeela twabulowa, musamu uukonzya kubelesyegwa akuzilemba zyoonse zibasala akkaadi ya DPA. Kuli baabo bakalemba kale kkaadi ya DPA balakonzya kuzilanga-langa zibakasala, kuti naa kwayandika inga balemba iimbi mpya. Nkoitako vidiyo eeyi basikumwaya balakonzya kulombwa kuti balibale alimwi ibbuku lya Ino Ncinzi Cini Bbaibbele Ncoliyiisya? apeeji 128 kusikila ku 133 amincali 10-19.

Lwiimbo 4

Bupanduluzi buyungizidwe