Ibbaibbele—Ndibbuku Lyabusinsimi Alimwi Lilijisi Malailile Aagwasya
Icibeela cakutaanguna cakuti Mankind’s Oldest Modern Book cili akati kazibeela zyotatwe izili mu Vidiyo iijisi mutwe wakuti The Bible—A Book of Fact and Prophecy. Mwamana kweebelela cibeela eeci muvidiyo, amwiingule mibuzyo iitobela:
(1) Muunzila nzi Ibbaibbele molyeendelana a sayaansi yamazuba aano? (2) Ino mbuti mbotunga twazyiba kuti ma Bbaibbele aamazuba aano aleendelana amalembe aa Bbaibbele mataanzi? (3) Ino ncinzi cikkomanisya cilembedwe mumabbuku aa Bbaibbele aansiku? (4) Mbuti ba John Wycliffe, Johannes Gutenberg, William Tyndale, John Hus, Martin Luther, Casiodoro de Reina alimwi a Charles Taze Russell mbobakagwasya kumwaya ma Bbaibbele munyika yoonse alimwi ino mbuti basizikombelo mbobakali kubacita aabo bakali kumwaya ma Bbaibbele? (5) Ino mbuti bantu mbobagwasyigwa amalailile aamu Bbaibbele mumakani aajatikizya mbobeelede kupona (Int. 34:8), bubi bwakubbeja (1 Tim. 6:9, 10), kwaandaana akutasyomeka kwabanabukwetene (1 Kor. 13:4, 5; Ef. 5:28-33), alimwi akuyandisya buvwubi (Mt. 16:26)? (6) Ino mbumboni nzi buliko butondezya kuti ikutobela njiisyo zyamu Magwalo kulakonzya kugwasya bantu kuzunda penzi lyakusalana musyobo naa mubala (Lk. 10:27)? (7) Ino ikutobela njiisyo zyamu Bbaibbele kwamugwasya buti kuba alukkomano? (8) Ino mbuti mbomukonzya kwiibelesya vidiyo eeyi kugwasya bamwi?—Amubone Mulimo Wesu wa Bwami wamu Chingisi wamu 2006 peeji 8.