Zyakwaamba Kujatikizya Mamagazini
Ngazi Yamulindizi October–December
“Tobanji tatuzyi cakwaamba kumweenzuma uuciswa kapati naa uulangilwa kufwa. Ino lulayo oolu mulubona buti? [Amubale Jakobo 1:19. Mpoonya amulindile bwiinguzi.] Cibalo eeci citondezya nzila nzyotukonzya kubelesya ziyeeme anjiisyo zyamu Bbaibbele.” Amubatondezye cibalo citalikila apeeji 10.
Sinsimuka! October–December
“Bukkale bwamazuba aano bulalibilisya kapati. Bantu batabeleki balalibilika, alimwi aabo babeleka balibilika kuti balakonzya kutandwa amulimo. Sena muyeeya kuti lulayo oolu lulakonzya kutugwasya? [Amubale Matayo 6:34. Mpoonya amulindile bwiinguzi.] Magazini eeyi ilaamba nzila zikonzya kutugwasya kubelesya kabotu mali ngotujana alimwi akuti tutanoolibiliki.”
Ngazi Yamulindizi October–December
Amwaambe kaambo kamwi nkobabikkilide maano bantu bamucilawo. Mpoonya amubuzye kuti: “Sena kuli nomwakalibuzya kale bantu ncobacitila zyintu zibi? [Amulindile bwiinguzi.] Ibbaibbele lilaamba kaambo ncotweelede kuba abulangizi. [Amubale 2 Petro 3:13.] Eeyi magazini ilatondezya ncolyaamba Bbaibbele kujatikizya cipa kuti kakuli bubi alimwi ambwayakugusya bubi Leza.”
Sinsimuka! October–December
“Sena bamakaintu baleelede kuyiisya mumbungano? [Amulindile bwiinguzi.] Amubone ncolyaamba Bbaibbele kujatikizya mukaintu umwi. [Amubale Ba-Roma 16:1.] Nokuba boobo, kapango kamwi kaamba kuti bamakaintu tabeelede kwaambaula mumbungano. Aboobo, ino ncinzi ncolyaamba Bbaibbele? Cibalo eeci cilapandulula.” Amubatondezye cibalo citalikila apeeji 14.