Zyakwaamba Kujatikizya Mamagazini

Ngazi Yamulindizi July–September

“Ndiyanda kuzyiba mbomuyeeya kujatikizya majwi aaya ngaakaamba Jesu. [Amubale Johane 3:3.] Ino muyeeya kuti kuzyalwa kwakujulu caamba nzi? [Amulindile bwiinguzi.] Ikuzyiba ncaakali kwaamba Jesu kulakonzya kubujatikizya buumi bwesu alimwi abulangizi mbotujisi bwakumbele. Imagazini eeyi ipa kaambo ncocili boobu.”

Sinsimuka! July–September

“Toonse kuli bantu mbotuzyi bakafwa. Sena muyeeya kuti tweelede kulibilika kuti ndiza akati kabaaba kuli bamwi banyemede alimwi ibayanda kutucisa? [Amulindile bwiinguzi. Mpoonya amubale Mukambausi 9:5, 6.] Cibalo eeci ciya kumuumbulizya.” Amubatondezye cibalo citalikila apeeji 18.

Ngazi Yamulindizi July–September

“Tulizyi kuti Saatani uleta mapenzi kwiinda mukweena bantu naa kubasunka kuti bacite zyintu zinyemya Leza zyalo zibikkilizya kulowa alimwi azyintu zimwi zijatikizya mizimo. Sena muyeeya kuti kuli ncotukonzya kucita kutegwa tulikwabilile? [Amulindile bwiinguzi.] Eeci cibalo citondezya zyintu zijatikizya mizimo alimwi anzyotweelede kucita ikuti katuyanda kukkomanisya Leza.” Amubale Incito 19:19. Amubatondezye cibalo citalikila apeeji 13.

Sinsimuka! July–September

“Bana bacikolo banji baboneka kuti balalibilika. Sena muyeeya kuti zyintu zyacinca kuzwa ciindi bazyali babo nobakali kwiiya? [Amulindile bwiinguzi.] Kulibilika akaambo kazyintu zitagwasyi kulakonzya kuleta mapenzi. [Amubale Mukambausi 7:7a.] Eeyi magazini yaamba kujatikizya bazyali mbobakonzya kugwasya bakubusi kuti baliyumye.” Amubatondezye cibalo citalikila apeeji 11.