Zyakwaamba Kujatikizya Mamagazini

Ngazi Yamulindizi July–September

“Ibazyali banji balimvwa kuti bana babo bakubusi tabacibamvwidi, abalo bana balimvwa kuti bazyali babo tababamvwisyi. Sena kuli nomwakalimvwide kale boobo? [Amulindile bwiinguzi.] Magazini eeyi ibandika mapenzi ngobajana bazyali nobagwasya bakubusi kukomena kabotu alimwi a Bbaibbele mbolikonzya kubagwasya mumakani aaya.” Amubale Ba-Filipi 4:5.

Sinsimuka! July–September

“Bantu bamwi basyoma kuti kuyeeya buyo makani aakoonana takuli kulubizya. Ino muyeeya buti kujatikizya makani aaya? [Amulindile bwiinguzi.] Amubone Bbaibbele ncolyaamba kujatikizya makani aaya. [Amubale Matayo 5:28.] Magazini eeyi ilatondezya ntenda zijanika mukuyeeya makani aakoonana anzyotukonzya kucita kutegwa tutabi mumapenzi aali boobu.”

Ngazi Yamulindizi July–September

“Ibantu banji bajisi Bbaibbele bayeeya kuti Leza wakacinca mbwabalanganya bantu mazuba aano. Ino muyeeya buti? [Amulindile bwiinguzi. Mpoonya amubale Malaki 3:6.] Magazini eeyi ilatondezya twaambo Leza uutacinci, ncaakali kubapeda malailile aaindene muziindi ziindene.”

Sinsimuka! July–September

“Bantu banji basyoma kuti muntu afwa tafwidilili. Sena kuli nomwakalibuzyide kuti bantu bafwide bali muciimo cili buti? [Amulindile bwiinguzi. Mpoonya amubale Mukambausi 9:5.] Mumagazini eeyi mulakonzya kujana kasimpe kazwa mu Bbaibbele kujatikizya bantu bafwide.”