Zyakwaamba Kujatikizya Mamagazini

Ngazi Yamulindizi January–March

“Bantu banji balaalilwa kweendelanya lusyomo ndobajisi lwakuti Leza ngusiluyando alimwi anjiisyo yakupenzyegwa mumulilo wahelo. Ino nywebo muyeeya buti? [Amulindile bwiinguzi.] Bbaibbele cakusalazya liyiisya kuti Leza tali mubi naa tabikkilili. [Amubale Ezekiele 18:23.] Muyoobukkomanina bupanduluzi bwamu Magwalo buli mumagazini eeyi.”

Sinsimuka! January–March

“Bantu bamuzikombelo ziindene-indene bajisi mizeezo iiteendelani kujatikizya bwini-bwini mbwabede Leza. Pele ino mbuti Mwanaakwe mbwaakamupandulula? Amubone majwi aa Jesu aali kuli Johane 4:24. [Amubale.] Mumapeeji buyo obile, cibalo eeci citondezya bwiinguzi bwamu Bbaibbele kujatikizya mubuzyo wakuti, “Ino Leza Uli Buti?” Amubatondezye cibalo cili apeeji 16 a 17.

Ngazi Yamulindizi January–March

“Basyaazibwene baluuzyi mbouyandika mulimo ngwajisi usyi bana mubuumi bwamumukwasyi. Ino muyeeya kuti ncinzi ciyandika kuti muntu abe usyi mubotu? [Amulindile bwiinguzi.] Jesu wakakankaizya cikozyanyo ca Bausyi mbocakamugwasya. [Amubale Johane 5:19.] Eeci cibalo citondezya zyintu ziyandika kapati zili cisambomwe nzyayelede kucita usyi.” Amubatondezye cibalo citalikila apeeji 10.

Sinsimuka! January–March

“Kwamyaanda yamyaka bantu balayeeya kapati kujatikizya mubuzyo ooyu. [Amubatondezye mubuzyo uuli acivwumbyo.] Ino nkuli nkomuyeeya kuti inga twajana bwiinguzi bugwasya? [Amulindile bwiinguzi.] Amubone kaambo ncotukonzya kulangila kuli Leza kuti atupe bwiinguzi. [Amubale Intembauzyo 100:3.] Eeyi magazini itondezya ncolyaamba Bbaibbele kujatikizya kaambo aaka.”