Zyakwaamba Kujatikizya Mamagazini

Ngazi Yamulindizi January–March

“Sena muyeeya kuti basizibi balapenzyegwa mumulilo wahelo? [Amulindile bwiinguzi.] Ibbaibbele lilatondezya cakusalazya Mbocibede cisubulo cazibi. [Amubale Ba-Roma 6:23a.] Aboobo, sena helo mbusena bwakupenzyegwa mumulilo? Sena caamba buyo ciimo cakwaandaanizyigwa kuzwa kuli Leza? Magazini eeyi ijisi bwiinguzi bwamu Magwalo kumibuzyo eeyi.”

Sinsimuka! January–March

“Kanji-kanji bantu baswaanganya kukkala kabotu kumpuwo, kuba aacoolwe, naa nguzu. Ino kukkala kabotu inga mwakupandulula buti? [Amulindile bwiinguzi.] Amubone cipa kukkala kabotu kweelana ancolyaamba Ibbaibbele. [Amubale Intembauzyo 1:1-3.] Cibalo eeci caamba nzila zili cisambomwe zipa kukkala kabotu.” Amubatondezye cibalo citalikila apeeji 21.

Ngazi Yamulindizi January–March

“Sena mulizyi kuti bantu baliindene kujatikizya zyeelelo nzyobajisi zyabulondo? [Amulindile bwiinguzi.] Nkaaka kamwi katwaambo bulondo ncobuyandika. [Amubale 1 Petro 1:16.] Cibalo eeci caamba twaambo tumwi tugwasya kuti tuzumanane kuba balondo.” Amubatondezye cibalo citalikila apeeji 23.

Sinsimuka! January–March

“Bantu banji basoleka kumulemeka Jesu kuciindi cino camwaka. Kweelana akapango aaka, ino inga mwaamba kuti njiili nzila mbotu yakumulemeka Jesu? [Amubale Johane 14:15. Amulindile bwiinguzi.] Buzuba bwini-bwini mbwaakazyalwa Jesu tabuzizilwe pe, aboobo ndiza inga mwagambwa kuzyiba kaambo buzuba bwa December 25 ncobwakasalilwa kuba buzuba bwa Kkilisimasi.” Amubatondezye cibalo citalikila apeeji 10.