Zyakwaamba Kujatikizya Mamagazini

Ngazi Yamulindizi April–June

“Ikuti balombwa kuti basale muntu uulemekwa alimwi uuyandika kapati iwakaponede kaindi, banji basala Jesu. Sena andinywe ngomukonzya kusala? [Amulindile bwiinguzi.] Nokuba kuti bantu basyoma zyintu ziindene-indene kujatikizya Jesu, amubone kaambo ncotweelede kuzyiba kasimpe kujatikizya nguwe. [Amubale Johane 17:3.] Ngazi Yamulindizi eeyi yaalubazu itondezya cini Bbaibbele ncolyaamba kujatikizya Jesu alimwi anzyaakali kuyiisya.”

Sinsimuka! April–June

Amubale Incito 17:31a. Mpoonya amwaambe kuti: “Bantu banji balabuyoowa Buzuba Bwalubeta akaambo kakuti bayeeya kuti kuya kucitika zyintu zibi. Ino nywebo mulimvwa buti? [Amulindile bwiinguzi.] Ibbaibbele liyiisya kuti Buzuba Bwalubeta buyakuleta zilongezyo zinji anyika. Eeci cibalo cilakasalazya kaambo aaka.” Amutondezye cibalo citalikila apeeji 10.

Ngazi Yamulindizi April–June

“Malembe amwi atondezya kuti Jesu tanaakafwa munzila iilembedwe mu Bbaibbele, pele aamba kuti wakalikwete alimwi wakalijisi bana. Sena kuli nomwakaamvwide makani aali boobu? [Amulindile bwiinguzi.] Cilayandika kapati kuzyiba kasimpe. [Amubale Johane 17:3.] Cibalo eeci cilapa twaambo ncotweelede kusyoma ncolyaamba Bbaibbele kujatikizya Jesu.” Amutondezye cibalo citalikila apeeji 26.

Sinsimuka! April–June

“Mazuba aano bantu banji balalekana. Sena muyeeya kuti banabukwetene banji balazilanga-langa zyoonse zijatikizyidwe kabatanasala kuti balekane? [Amulindile bwiinguzi. Mpoonya amubale Tusimpi 14:15.] Eeyi magazini itondezya zyintu zyone banabukwetene nzyobeelede kulanga-lange ikuti kabayeeya kulekana.”