Zyakwaamba Kujatikizya Mamagazini
Ngazi Yamulindizi April–June
“Sena kuli nomwakalibuzide kuti zyintu nzi zibotu nzyoileta mvwula? [Amulindile bwiinguzi. Mpoonya amubale Incito 14:17.] Amubone kuti Bbaibbele lisaanguna kwaamba mvwula, nkaambo ikuti kakunyina mvwula kunyina cikonzya kumena alimwi takukonzyi kuba ‘ziindi zyazilyo.’ Cibalo eeci cilapandulula mbotukonzya kutondezya kuti tulalumba akaambo kacipego eeci camvwula icizwa kuli Leza.” Amubatondezye cibalo cili apeeji 22.
Sinsimuka! April–June
“Bunji bwaziziba amilonga munyika ziyabuyuminina, alimwi bantu ibabalilwa kutuulunzuma tuli mbotubede tabajisi meenda aali kabotu aakunywa. Sena muyeeya kuti bantu balakonzya kulimanina limwi penzi eeli? [Amulindile bwiinguzi. Mpoonya amubale Jeremiya 10:23.] Eeyi magazini itondezya mboliya kumanina limwi penzi eeli kweelana ambokulembedwe mu Bbaibbele.”
Ngazi Yamulindizi April–June
“Kwamyaanda yamyaka, bantu bali kukazyanya akaambo kamizeezo yiindene-indene iiliko kujatikizya Leza. Ino muyeeya kuti Leza nguni? [Amulindile bwiinguzi.] Eezyi zibalo zitugwasya kumuzyiba Leza mwini-mwini alimwi zilatondezya bulumbu mbotuyoojana ikuti naa twamuzyiba kabotu.” Amubale Johane 17:3. Amubatondezye zibalo zitalikila apeeji 5-8.
Sinsimuka! April–June
“Kwamyaka minji, bantu bali kuyeeya kujatikizya mubuzyo ooyu. [Amubatondezye mubuzyo uuli apeeji 29 wakuti naa mapenzi aatucitikila ncisubulo cizwa kuli Leza.] Ino ncinzi ncomukonzya kwaamba kujatikizya mubuzyo ooyu? [Amulindile bwiinguzi.] Cibalo eeci cilawiingula mubuzyo ooyu nocaamba kujatikizya bantu bamwi mbaakali kukkomanina Leza pele bakali kucitikilwa mapenzi.” Amubale Jobu 2:7, 8.