Zyakwaamba Kujatikizya Mamagazini
Ngazi Yamulindizi July–September
“Ndiyanda kumvwa mbomuyeeya kujatikizya kaambo aaka nkaakaamba Jesu. [Amubale Johane 3:3.] Ino muyeeya kuti kuzyalwa alimwi caamba nzi? [Amulindile bwiinguzi.] Kuzyiba cini-cini ncaamba majwi aa Jesu aaya kulakonzya kubujatikizya buumi bwesu alimwi abulangizi mbotujisi. Magazini eeyi ilapandulula ikaambo ncocili boobo.”
Sinsimuka! July–September
“Mbuli mbomuzyi, bantu banji balakazyanya ikuti naa kugwisya da kuli kabotu naa takuli kabotu. Sena muyeeya kuti Ibbaibbele lilakonzya kumugwasya muntu uuyanda kusala ncayelede kucita? [Amulindile bwiinguzi. Mpoonya amubale 2 Timoteo 3:16, 17.] Magazini eeyi ilatondezya ncolyaamba Ibbaibbele kujatikizya kaambo aaka.”
Ngazi Yamulindizi July–September
“Cakutadooneka, inga mwazumina ikuti myaka yabukubusi nciindi cikatazya kapati kubakubusi alimwi abazyali babo. Sena muyeeya kuti ikuti bazyali balutobela lulayo oolu inga cabagwasya bakubusi kukomena munzila iili kabotu? [Amubale Ba-Kolose 3:21. Mpoonya amulindile bwiinguzi.] Magazini eeyi iiyoomugwasya kujana twaambo twamu Bbaibbele ntomukonzya kubelesya.” Amubatondezye cibalo citalikila apeeji 28.
Sinsimuka! July–September
“Basicikolo banji balibonya kuti balalibilika akaambo kakuba azyintu zinji zyakucita. Sena muyeeya kuti zyintu zyacinca kuzwa bazyali babo nobakali kwiiya? [Amulindile bwiinguzi.] Kulibilika akaambo kazyintu zinyina mpindu kulakonzya kuletela ntenda. [Amubale Mukambausi 7:7a.] Magazini eeyi ilapandulula bapati mbobakonzya kugwasya bana kuliyumya kupenzi eeli.” Amubatondezye cibalo citalikila apeeji 11.