Zyakwaamba Kujatikizya Mamagazini

Ngazi Yamulindizi July–September

“Basizikombelo banji balakazyana caboola kumakani aakunywa bukoko. Ino muyeeya kuti Leza umubona buti muntu uunywa bukoko? [Amulindile bwiinguzi.] Nokuba kuti Bbaibbele lyaamba kuti ciindi cimwi Jesu wakasandula meenda kuba waini munzila yamaleele, ngaya makani aamwi ngolitwaambila. [Amubale Tusimpi 23:20a.] Magazini eeyi ilaatwaambila ncolyaamba Bbaibbele kujatikizya makani aaya.”

Sinsimuka! July–September

“Kulibonya kuti tatujisi ciindi cinji cakucita milimo yoonse njotuyanda. Sena andinywe mbomulimvwa oobo? [Amulindile bwiinguzi.] Bantu banji bagwasyigwa alulayo oolu. [Amubale Ba-Filipi 1:10.] Magazini eeyi ilijisi malailile aagwasya aatondezya mbotukonzya kucibelesya kabotu ciindi cesu.” Amutondezye cibalo citalikila apeeji 25.

Ngazi Yamulindizi July–September

Amubale lugwalo lwa Kulonga 20:15. Mwamana mwaambe kuti: “Nokuba kuti bantu banji balautobela mulawo ooyu, bamwi balimvwa kuti zimwi ziindi kubba akutasyomeka kulagwasya kuti zyintu zyakatazya kapati. Ino nywebo muyeeya buti? [Amulindile bwiinguzi.] Cibalo eeci citondezya bubotu bwakusyomeka ciindi coonse.” Amutondezye cibalo citalikila apeeji 11.

Sinsimuka! July–September

“Bantu bamwi balayanda kuleka kufweba pele cilabayumina kucita boobo. Sena kuli muntu ngomuzyi uuyanda kucileka kufweba? [Amulindile bwiinguzi.] Bantu bamwi babona kuti cilagwasya kulomba lugwasyo kubeenzinyina naa kuli banamukwasyi. [Amubale Mukambausi 4:12a.] Magazini eeyi ilapandulula nzila zikonzya kugwasya muntu kuleka kufweba.”