Zyakwaamba Kujatikizya Mamagazini

Ngazi Yamulindizi January–March

“Toonse tulajana buyumu-yumu munyika. [Amwaambe buyumu-yumu bantu banji mbobajana mucilawo cenu.] Sena muyeeya kuti Leza ulakonzya kutugwasya notuli mumapenzi aaya? [Amulindile bwiinguzi.] Mukapango aaka, Jesu wakaamba nzila imwi mbwatugwasya Jehova. [Amubale Luka 11:13.] Imagazini eeyi ilaupandulula muuya uusalala alimwi ilaamba mboutugwasya.”

Sinsimuka! January–March

“Mapenzi alakonzya kubuka mumukwasyi uuli woonse. Ino muyeeya kuti nkookuli banamukwasyi nkobakonzya kujana malailile aagwasya? [Amulindile bwiinguzi. Mpoonya amubale Intembauzyo 32:8.] Imagazini yaalubazu eeyi ya Sinsimuka! ijisi njiisyo zyamu Bbaibbele izikonzya kugwasya mikwasyi, ikuti zyabelesyegwa.”

Ngazi Yamulindizi January–March

“Bantu banji mazuba aano tabamusyomi Mulengi. Ino muyeeya kuti nkaambo nzi ncokuli boobo? [Amulindile bwiinguzi.] Tupango ootu tujisi kaambo komwe kapa boobo. [Amubale Habakuku 1:2, 3.] Cibalo eeci ciingula mibuzyo iili mbwiibede iibuzigwa kajatikizya Leza yalo iipa kuti bantu baleke kumusyoma.” Amutondezye cibalo citalikila apeeji 11.

Sinsimuka! January–March

“Sena mulazumina kuti mikwasyi ijisi mapenzi aaindene-indene mazuba aano? [Amulindile bwiinguzi.] Bantu banji tabazyi kuti Ibbaibbele lilijisi lulayo lugwasya. Mucikozyanyo, atubale lulayo oolu. [Amubale lugwalo luli mumagazini.] Imagazini eeyi yaalubazu ya Sinsimuka! ilakonzya kugwasya mikwasyi kuliyumya mumapenzi aaindene-indene.”