Zyakwaamba Kujatikizya Mamagazini

Ngazi Yamulindizi October–December

“Bantu banji bajisi Bbaibbele lilabakatazya kulimvwisya. Sena andinywe lilamukatazya? [Amulindile bwiinguzi.] Kweelana akapango aaka, Sikwaanza Bbaibbele uyanda kuti katulimvwisya Bbaibbele akuti tugwasyigwe a Jwi lyakwe lilembedwe. [Amubale Intembauzyo 119:130.] Magazini eeyi itondezya nzila zyotatwe zikonzya kutugwasya kulimvwisya Bbaibbele.”

Sinsimuka! October–December

“Toonse zimwi ziindi tulaakupenzyegwa. Ino muyeeya kuti Leza ulimvwa buti kujatikizya kusalana mubala? [Amulindile bwiinguzi. Mpoonya amubale Incito 10:34, 35.] Ibbaibbele lilakonzya kutugwasya kuliyumya nobatusalulula. Alimwi lilakonzya kutugwasya kuleka kusalana mubala. Magazini eeyi ilapandulula.”

Ngazi Yamulindizi October–December

“Bantu bamwi baamba kuti, ikuti kamusyomeka kuli Leza, uya kumuvwubya pele kupenga ncitondezyo cakuti Leza tamuyandi. Ino muyeeya buti? [Amulindile bwiinguzi.] Cikkomanisya ncakuti, Jesu tanaakali vwubide. [Amubale Luka 9:58.] Magazine eeyi ilatondezya zilongezyo babelesi ba Leza nzyobakonzya kujana.” Amutondezye cibalo citalikila apeeji 12.

Sinsimuka! October–December

“Sena muyeeya kuti bana bamazuba aano tabalilemeki kwiinda bakaindi? [Amulindile bwiinguzi.] Bantu bamwi bayeeya kuti kapango aaka kapandulula zyintu zicitika mazuba aano. [Amubale 2 Timoteo 3:1] Magazini eeyi ilaamba njiisyo zigwasya zyamu Bbaibbele zikonzya kubagwasya bazyali abakubusi kuliyumya.”