Sena Mweelede Kukotoka?

Ciindi nobali mumulimo wakukambauka, basikumwaya bamwi balaacilengwa cakukotoka aciindi cimwi, ambweni syikati. Ncobeni, bukkale bwabamwi inga bwayanda kuti kabakotoka mumulimo wamumuunda aciindi cigaminide. Pele sena mulakotola mumulimo wakukambauka akaambo buyo kakuti bamwi mbomubeleka limwi bakotoka naa akaambo kakuti ncilengwa buya mucilawo canu kukotoka aciindi cimwi cigaminide? Sena inga mwayungizya mulimo wanu kwamaminiti buyo masyoonto kwiinda mukutola lubazu mucibeela cakukambauka kubuleya mbuli kucita bukambausi bwamumugwagwa? Sena inga tiimwacita nyendo yakupilukila yomwe naa zyobilo nomupiluka kuŋanda? Amuyeeye buyo mbomukonzya kulimvwa kujana muntu omwe aŋanda ulaaluyandisisyo naa kwaabila mamagazini obilo aambi kumuntu simweenda nzila! Ikuzumanana kukambauka kwamaminiti masyoonto buyo, ninzila imwi iitakatazyi yakuyungizya “cipaizyo [cesu] cantembauzyo.”—Heb. 13:15.