Mulongo Wamunsondo Iitalika mu April 7

Lwiimbo 15 Amupailo

Ciiyo ca Bbaibbele Cambungano:

gt cibalo 129-130 (30 min.)

Cikolo Camulimo Weendelezyegwa a Leza:

Kubala Bbaibbele: Kulonga 7-10 (10 min.)

Na. 1: Kulonga 9:20-35 (4 min. naa kutasika aawo)

Na. 2: Mbotukonzya Kutondezya Bulemu Mumukwasyi—lv pp. 41-42 minc. 12-14 (5 min.)

Na. 3: Abisai—Amusyomeke Alimwi Akulibambila Kugwasya Banyoko—w13 1/15 pp. 30-31 minc. 13-14 (5 min.)

Muswaangano Wamulimo:

Lwiimbo 124

10 min: Amwaabile Mamagazini mu April. Mubandi abaswiilizi. Amutalike kwiinda mukucita citondezyo citondezya mbwaakonzya kwaabilwa mamagazini kwiinda mukubelesya zitondezyo zyacikozyanyo zili apeeji 4. Mpoonya amulange-lange citondezyo cacikozyanyo cimwi acimwi kuzwa kumatalikilo kusikila kumamanino. Amumanizye kwiinda mukubakulwaizya boonse kwaazyiba kabotu makani aali mumamagazini alimwi akutola lubazu cabusungu mukwaabila.

10 min: Mutalubi Kusamausya Beenzu. (Heb. 13:1, 2) Makani akananwe amwaalu. Amwiinduluke bubambe buli mumbungano yanu ibujatikizya Ciibalusyo. Amwaambe boonse mbobakonzya kusamausya beenzu alimwi abasikumwaya ibatacisungweede ibayoojanika ku Ciibalusyo. Mubufwaafwi amucite citondezyo icijisi zibeela zyobilo. Muli cakusaanguna mutondezye sikumwaya uutambula muntu iwakatambwa ku Ciibalusyo. Mpoonya muli cabili mutondezye sikumwaya uupanga bubambe bwakuswaya mweenzu iwatondezya luyandisisyo.

10 min: Ino Twakabeleka Buti? Mubandi abaswiilizi. Amubalombe baswiilizi kuti baambe mbobakagwasyigwa kwiinda mukubelesya twaambo twakali mucibalo cakuti “Kuyungizya Luzyibo Lwesu Mumulimo Wakukambauka—Kwiingula Bantu Bakonzya Kusinkilizya Mubandi.” Amubalombe baswiilizi kuti baambe zyakuluula zikulwaizya.

Lwiimbo 20 Amupailo