Zitondezyo Zyacikozyanyo

Kutalisya Ziiyo zya Bbaibbele Mubuzuba bwa Mujibelo Bwakusaanguna mu November

“Amubone mubuzyo ooyu uukkomanisya. [Amubale mubuzyo wakusaanguna uuli mu Ngazi Yamulindizi ya November 1 nkoili kumamanino.] Ino muyeeya buti? [Amubale mincali yobilo iili ansi aamubuzyo ooyo alimwi alugwalo lomwe akati kamagwalo aabikkidwe.] Sena inga ndaakuboola alimwi kutegwa tuzoobandike kaambo Jesu ncaakabusya bantu bakafwide alimwi ancocaamba eeci kulindiswe?”

Ngazi Yamulindizi November 1

“Sena kuli nomwakalibuzyide kujatikizya kaambo ncozicitikila zintu zibyaabi boobu munyika? [Amulindile bwiinguzi.] Ibbaibbele lilapandulula kaambo ncozicitikila mulugwalo lwa Ciyubunuzyo 12:9. [Amubale.] Nokuba boobo, kapango 12 katupa kaambo ncotweelede kuba abulangizi. [Amubale Ciyubunuzyo 12:12.] Kuyunga kwa Saatani kubyaabi kuyoomana ino-ino. Cibalo eeci icijisi mutwe wakuti ‘Sena Tweelede Kumuyoowa Saatani?’ cilaamba mbotukonzya kulikwabilila kukuyunga kwakwe lino alimwi aciyoomucitikila Saatani. Njeeyi yanu.”

Sinsimuka! November

“Bantu boonse balayanda kukkomana, pele mazuba aano banji tabakkomene pe. Ino muyeeya kuti ncinzi cikonzya kupa lukkomano lwini-lwini? [Amulindile bwiinguzi.] Ndajana kuti Bbaibbele lilagwasya kapati kuba abuumi bukkomanisya. Mucikozyanyo, amubone njiisyo eeyi yamu Bbaibbele. [Amubale Bahebulayo 13:5.] Magazini eeyi ilatondezya twaambo tuyandika kapati tone itwamu Bbaibbele tukonzya kupa lukkomano lwini-lwini.”