Citondezyo Cacikozyanyo

Kutalisya Ziiyo zya Bbaibbele Mubuzuba bwa Mujibelo Bwakusaanguna mu May

Sena muyeeya kuti inga cakonzyeka kuzyiba mbwabede Leza? [Amulindile bwiinguzi.] “Ndiyanda kumutondezya makani aamwi aakkomanisya kujatikizya kaambo aaka.” Amubale aantoomwe majwi aali munsi akatwe kamatalikilo apeeji 16 mu Ngazi Yamulindizi ya April–June alugwalo lomwe lutazubulwidwe. Amwaabile magazini akupanga bubambe bwakupilukila kutegwa mukaingule mubuzyo uutobela.

Ngazi Yamulindizi April–June

“Mazuba aano banabukwetene banji balalekana. Nkaambo nzi ncocili boobo? [Amulindile bwiinguzi.] Amubone lulayo oolu ilwagwasya banabukwetene banji. [Amubale 1 Bakolinto 10:24.] Eeyi magazini ilalanga-langa matongoosi aali cisambomwe ngobajisi bamaalumi banji abamakaintu alimwi lilatondezya mbocigwasya kutobela njiisyo zyamu Bbaibbele.”

Sinsimuka! April–June

“Mbwaanga Bbaibbele ndibbuku lyakaindi bantu bamwi bayeeya kuti talyaambi masimpe mumakani aasayaansi. Ino nywebo muyeeya buti? [Amulindile bwiinguzi.] Banji balagambwa kumvwa kuti Bbaibbele lyaamba boobu. [Amubale Isaya 40:22.] Cibalo citalikila apeeji 24 cilawiingula mubuzyo wakuti, Sena Sayaansi Ileendelana Ancolyaamba Bbaibbele?”