Zitondezyo Zyacikozyanyo

Kutalisya Ziiyo zya Bbaibbele Mubuzuba bwa Mujibelo Bwakusaanguna mu July

Bantu banji basyoma kuti kubbapatizyigwa ncintu ciyandika kapati kulibaabo bayanda kubelekela Leza. Ino lubbapatizyo lwa Bunakristo lwaamba nzi? [Amulindile bwiinguzi alimwi amubale 1 Petulo 3:21.] Mbubwenya mbuli mboitondezya magazini eeyi apeeji 16, ciindi notubbapatizyigwa tulomba manjezyeezya mabotu kuli Leza kutegwa tutambulike kulinguwe. Pele katutanabbapatizyigwa, tweelede kumuzyiba Leza. Amwaabile magazini alimwi akupangana kupilukila kutegwa mukatalike ciiyo ca Bbaibbele.

Ngazi Yamulindizi April–June

Ambweni mulazuminizya kuti kutegwa tube acilongwe cibotu a Leza, tweelede kubeleka canguzu kupona kweelana azyeelelo zyakwe zyabukkale busalala. Ino bantu inga balilekelela buti kuti balubizya? [Amulindile bwiinguzi alimwi amubale Intembauzyo 51:17] Cibalo cili apeeji 10 mumagazini eeyi citondezya mbotukonzya kulekelelwa a Leza.

Sinsimuka! April–June

Akaambo kakuti toonse tatulondokede, mazwanga akati kesu alalangilwa. Pele sena kuli ncotukonzya kucita kutegwa twaalwane mapenzi kuti naa aboola? [Amulindile bwiinguzi. Mpoonya mubale Baloma 12:21.] Magazini eeyi ilabandika nzila izizwa mu Bbaibbele zikonzya kutugwasya kujatikizya ncotweelede kucita ancotuteelede kucita kutegwa tukkale muluumuno abantu.