Zitondezyo Zyacikozyanyo
Kutalisya Ziiyo zya Bbaibbele Mubuzuba bwa Mujibelo Bwakusaanguna mu July
“Bunji bwabantu mucilawo cesu inga bayanda kupona kwamyaka minji, kabakkomene. Aboobo, inga twayanda kuzyiba mbomuyeeya kujatikizya mubuzyo ooyu: Sena muyeeya kuti bumwi buzuba sayaansi alimwi aluzyibo mumakani aabusilisi ziyoopa kuti tukacikonzye kupona kukabe kutamani? [Amulindile bwiinguzi.] Amubone magazini eeyi ncoyaamba aawa.” Amubatondezye peeji yamamanino ya Ngazi Yamulindizi ya July 1, mpoonya amulange-lange antoomwe twaambo tuli ansi aamubuzyo wakusaanguna alimwi alugwalo lomwe lutazubulwidwe. Amumwaabile mamagazini, alimwi akupangana kuti mukapilukile kuzoobandika mubuzyo uutobela.
Malailile: Citondezyo eeci ceelede kucitwa lyamuswaangano wamulimo wamumuunda mu July 6.
Ngazi Yamulindizi July 1
“Bantu banji mbotubandika abalo balijisi cikombelo nkobazulilwa. Pele bamwi baamba kuti tabacibusyomi bukombi naaceya. Ino nywebo mulimvwa buti kujatikizya bukombi? [Amulindile bwiinguzi.] Jesu wakatupa zyeelelo zikonzya kutugwasya kuzyiba bukombi bwakasimpe abwakubeja. [Amubale Luka 6:44a.] Magazini eeyi ilabandika micelo imwi mibi njobwatondezya bukombi. Alimwi ilaingula mubuzyo wakuti, Sena kuli cikombelo ncomukonzya kusyoma?”
Sinsimuka! July
“Tuyabuswaya basimukoboma kutegwa tubandike penzi limwi lyakakatazya kapati—kutalulama. Bantu bamwi balwana penzi lyakutalulama kwiinda mukutalisya manyongwe. Sena muyeeya kuti bantu batalisya manyongwe balazwidilila mukucinca zyintu? [Amulindile bwiinguzi.] Amubone ncolyaamba Bbaibbele kuti nceciyooleta kucinca kwini-kwini munyika. [Amubale Matayo 6:9, 10.] Magazini eeyi iingula mubuzyo wakuti, Sena kutalisya manyongwe inga kwagwasya?”
Makani Mabotu Aazwa Kuli Leza!
“Tuyabuswaya mikwasyi mubusena omuno momukkala kutegwa tubandike kaambo kamwi kakulwaizya kazwa mu Bbaibbele. Bantu banji mbotwabandika kale ambabo tabazyi kaambo Leza siluyando ncakonzya kulekela kupenga kuli boobu munyika. Sena muyeeya kuti kuzwa kumatalikilo kupenga cakali cibeela camakanze aa Leza kujatikizya nyika?” Amulindile bwiinguzi. Mpoonya amujalule acibalo 5, alimwi amubale akubandika mincali yobilo yakusaanguna alimwi amagwalo aasendekedwe. Amumwaabile broshuwa, alimwi akupangana kuti mukapilukile kuzoolanga-langa mubuzyo uutobela uuli mumabala aasiisya.