Zitondezyo Zyacikozyanyo

Kutalisya Ziiyo zya Bbaibbele Mubuzuba bwa Mujibelo Bwakusaanguna mu May

“Lubbapatizyo ncilengwa cizyibidwe akati ka Banakristo. Ino muyeeya buti? Sena lubbapatizyo lulayandika? [Amulindile bwiinguzi.] Magazini eeyi yaamba twaambo tukondelezya.” Amumupe mukamwiniŋanda Ngazi Yamulindizi ya April-June, akubandika anguwe twaambo tuli ansi aakatwe kamakani kakusaanguna apeeji 16 kubikkilizya alugwalo lomwe lubikkidwe. Amumwaabile mamagazini akupangana kuti mukapilukile kuzoobandika mubuzyo uutobela.

Ngazi Yamulindizi April–June

“Kuli twaambo tunji twaambwa kujatikizya Jesu. Bamwi bayeeya kuti wakali Mesiya wakasyomezyegwa. Bamwi bayeeya kuti wakali buyo muntu uuli kabotu. Pele bamwi basyoma kuti tanaakaliko. Ino muyeeya buti? [Amulindile bwiinguzi.] Kweelana ancolyaamba Bbaibbele, cilayandika kuzyiba kasimpe kujatikizya nguwe. [Amubale Johane 17:3.] Magazini eeyi ilatondezya bwiinguzi bwamu Bbaibbele kumibuzyo imwi iijatikizya Jesu.”

Sinsimuka! April–June

“Tuyaabubandika abasimukoboma kujatikizya cilengwa cinyonganya. Cilibonya kuti aano mazuba bantu balafwambaana kunyema. Ino muyeeya kuti ncinzi cipa oobo? [Amulindile bwiinguzi.] Amubone Bbaibbele ncolyaamba kujatikizya lunyemo naa kunyema. [Amubale Intembauzyo 37:8.] Magazini eeyi ilaamba twaambo tumwi tupa kuti kunyema kuvwule kapati mazuba aano alimwi anzila zikonzya kutugwasya kutanyema kapati.”