Zitondezyo Zyacikozyanyo

Kutalisya Ziiyo zya Bbaibbele Mubuzuba bwa Mujibelo Bwakusaanguna mu June

“Mumalailile aakwe aakupanga basikwiiya, Jesu wakabikkilizya amalailile aacigaminina aakuti kabababbapatizya.” Sena muyeeya kuti lubbapatizyo lwa Bunakristo ndwabantu boonse? [Amulindile bwiinguzi mpoonya amubale Matayo 28:19] Cibalo cili apeeji 16 mumagazini eeyi cilatondezya zyintu ziyandika kutegwa muntu ayelele kubbapatizyigwa. Amwaabile magazini akupangana kuti mukapilukile kuzoobatondezya mbocicitwa ciiyo ca Bbaibbele caambidwe mucibalo.”

Ngazi Yamulindizi April–June

“Muzisi zinji zili munyika, kanji-kanji mumwezi wa December tulabona zisobano zitondezya Jesu mumvwanda kalanganizyigwa a Mariya, banyina alimwi a Josefa, bausyi bakujana. Mbokunga aawa twaamba zya Jesu, ncinzi ncotukonzya kwiiya notulanga-langa mukwasyi wakwe? [Amubale Matayo 13:55, 56 akulindila bwiinguzi] Cibalo cili apeeji 23 mumagazini eeyi cilatondezya mbotukonzya kugwasyigwa kwiinda mukulanga-langa buumi bwa Josefa, bausyi Jesu bakujana.”

Sinsimuka! April–June

“Akaambo kakukatazyigwa amapenzi manji, bamwi bantu balimvwa kuti kunyina ncobaponena, alimwi balakonzya kusola kulijaya. Ino bantu batakwe bulangizi inga bazyiba buti kuti buumi bulaampindu? [Amulindile bwiinguzi mpoonya amubale Intembauzyo 147:3] Mazuba aano, kunyina muntu uutajisi mapenzi. Pele cibalo cili apeeji 16 mumagazini eeyi cilatondezya Bbaibbele mbolikonzya kutugwasya kubona buumi kuti ncintu ciyandika kapati.”