Citondezyo Cacikozyanyo

Kutalisya Ziiyo zya Bbaibbele Mubuzuba bwa Mujibelo Bwakusaanguna mu June

“Bantu baamba twaambo twiindene-indene kujatikizya Jesu. Sena mumuzyi kuti mwana wa Leza naa muntu buyo uuli kabotu?” Amulindile bwiinguzi. Mpoonya amubale antoomwe makani aali aansi amibuzyo iili mumabala aasiisya amapeeji 24-25 alimwi alugwalo lomwe lubikkidwe. Amwaabile mamagazini, alimwi amusyomezye kuti muyoopiluka kutegwa mukabandike bwiinguzi kumubuzyo uutobela.

Ngazi Yamulindizi April–June

“Bantu banji bayeeya kuti Leza tatulanganyi. Ino muyeeya kuti ncinzi cibapa kuyeeya boobu? [Amulindile bwiinguzi. Mpoonya amubale Intembauzyo 147:11.] Kaambo nkaakaamba sintembauzyo kalakulwaizya. Jehova, nokuba kuti ulisumpukide tabalanganyi buyo bantu, pele ‘ulabotelwa ambabo’. Cibalo eeci cilatugwasya kubona Jehova mbwatubikkila maano.” Amubandike cibalo citalikila apeeji 10.

Sinsimuka! April–June

“Mbwaanga bantu banji balaciswa, tubandika kapango aaka kakulwaizya. [Amubale Isaya 33:24.] Ino muyeeya kuti buumi bunooli buti majwi aaya aakuzuzikizyigwa? [Amulindile bwiinguzi.] Kuli zyintu nzyotukonzya kucita toonse lino kutegwa tube abuumi bubotu kusikila ciindi Leza nayooleta kucinca ooku. Magazini eeyi ilapandulula.”